Van Aertek irabazi du E3 Saxo klasikoa Van der Poel eta Pogacar mendean hartuta
Wout van Aertek (Jumbo Visma) irabazi du E3 Saxo Classic lasterketa, ostiral honetan, martxoaren 24an, egin dena. Hortaz, belgikarrak iaz lortutako garaipena berretsi du.
Txirrindulariek ikuskizun bikaina eskaini dute Harelbeken hasi eta amaitu den 204,1 kilometroko ibilbidean zehar. Batez ere, zirraragarria izan da Van Aertek, Mathieu van der Poelek (Alpecin-Deceunninck) eta Tadej Pocagarrek (UAE Emirates) izandako borroka. Hirukotea ihes eginda iritsi da azken metroetara, eta esprintean nagusitu da Wout van Aert. Van der Poel izan da bigarren eta Tadej Pogacar hirugarren.
Helmugarako 37 kilometro falta zirenean hautsi da lasterketa Pogacarren erasoaldiari esker. Esloveniarrari Van Aertek eta Van der Poelek jarraitu diote. Hirurek lasterketaren burua hartu eta eutsi egin diote azkenera arte.
Amaierako 1.000 metroetan elkar zaintzen ibili dira. Pogacarrek abiatu du esprinta lehenengo; beste biek, ordea, azkar erantzun diote, eta euren arteko lehian Van Aert izan da onena.
Matteo Jorgenson (Movistar) izan da laugarren irabazlearekiko 33 segundora eta Ivan Garcia Cortinak (Movistar) gurutzatu du helmuga bosgarren postuan Van Aertekiko 44 segundora.
SAILKAPENA:
1 - VAN AERT Wout (Jumbo) 4:44:59
2 - VAN DER POEL Mathieu (Alpecin) d. b.
3 - POGACAR Tadej (UAE) d. b.
4 - JORGENSON Matteo (Movistar) +0:33
5 - GARCIA CORTINA Iván (Movistar) +0:44
6 - KÜNG Stefan (Groupama) +0:56
7 - MOHORIC Matej (Bahrain) d. b.
8 - MADOUAS Valentin (Groupama) +1:25
9 - KRAGH ANDERSEN Søren (Alpecin) +1:31
10 - GANNA Filippo (INEOS) d. b.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".
Laboral Kutxa Euskadik Sara Fiorin esprinter italiarra fitxatu du
Txirrindulari italiarra Ceratizit taldetik dator, eta talde moreak sasoi berrirako egin duen bosgarren fitxaketa da.