Rui Costak bereganatu du Valentziako Itzulia; Pello Bilbao, laugarren
Rui Costa (Intermarché) txirrindulari portugaldarrak ezustean harrapatu ditu guztiak helmugatik bi kilometrora, eta Valentziako Erkidegoko Itzuliko bosgarren eta azken etapa irabazi du, Paterna eta Valentzia artekoa, sailkapen nagusiko lehen postua lortuz.
Portugaldarrak faborito nagusien arteko markaketa estua aprobetxatzen jakin du eta helmugatik bi kilometrora egin du salto, 15 segundo besterik ez baitzuten aldentzen maillot horitik.
Giulio Ciccone (Trek) italiarrak, Pello Bilbao (Bahrain) eta Tao Geoghegan Hart (Ineos) atzetik zituela, berandu erreakzionatu du eta Rui Costak garaipena lortu du Thymen Arensmanekin (Ineos) lehiatutako esprintean.
Aleksandr Vlasov errusiarrak erasoa jo du eta Cicconek erantzun ona eman dio. Tao Geoghegan Hartek jarraituta. Ondoren Pello Bilbao eta Marc Soler (UAE Emirates) gehitu dira multzora; beraz, sailkapen nagusiko lau lehenak batera zeuden.
Tarteko helmugan faboritoek esprint estua egin dute sailkapen nagusirako erabakigarriak izan zitezkeen segundo batzuetako gainsaria lortzeko.
ETAPAKO SAILKAPENA:
1 - COSTA Rui (Intermarché) 2:07:16
2 - ARENSMAN Thymen (INEOS) d. b.
3 - BATTISTELLA Samuele (Astana) + 0:07
4 - SOLER Marc (UAE) + 0:08
5 - CICCONE Giulio (Trek) + 0:21
6 - BILBAO Pello (Bahrain) + 0:23
7 - MCNULTY Brandon (UAE) + 0:28
8 - WRIGHT Fred (Bahrain) + 0:30
9 - MOHORIC Matej (Bahrain) m. t.
10 - FRAILE Omar (INEOS) + 0:31
SAILKAPEN NAGUSIA:
1 - COSTA Rui (Intermarché) 19:10:06
2 - CICCONE Giulio (Trek-Segafredo) + 0:16
3 - GEOGHEGAN HART Tao (INEOS) + 0:19
4 - BILBAO Pello (Bahrain) + 0:21
5 - VLASOV Aleksandr (BORA) + 0:25
6 - GLOAG Thomas (Jumbo) + 0:34
7 - LANDA Mikel (Bahrain) + 0:40
8 - MCNULTY Brandon (UAE) + 0:45
9 - ARANBURU Alex (Movistar) + 0:46
10 - RODRÍGUEZ Carlos (INEOS) d. b.
Zure interesekoa izan daiteke
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.
Vingegaard Giroan eta Tourrean lehiatuko da datorren denboraldian
"Denbora daramat Giroa korritzeko asmotan. Egutegiko lasterketa garrantzitsuenetako bat da, eta inoiz egin ez dudan bat", adierazi du txirrindulari danimarkarrak.