Van der Poel, ziklo-kroseko munduko txapeldun laugarren aldiz
Mathieu van der Poel herbeheretarrak ziklo-kroseko bere laugarren munduko titulua lortu du igande honetan (hirugarrena jarraian), Belgikako Ostende hirian, Wout van Aert eta Toon Aerts tokiko heroien aurretik.
Van der Poel, Anberesen (Belgika) jaiotako 26 urteko nederlandarra, Raymond Poulidorren biloba da, baita ziklo-kroseko munduko txapelduna izan zen Adrie van der Poelen semea ere.
Gaur, bere laugarren munduko txapela bereganatu du, Wout van Aert aurkari handiari (2016ko, 2017ko eta 2018ko munduko txapelduna) 37 segundoko aldea atera ostean. Atzerago helmugaratu da Toon Aerts, 1:24 minutura, hain zuzen ere.
Txirrindulariek zortzi buelta eman behar izan dizkiote Ostendeko zirkuitu gogor eta zailari, eta horietako bigarrenean erorikoa izan du Van der Poelek. Hala ere, bere sendotasuna erakutsi du ibilbideko hondartza gunean, eta nagusitasunez gailendu da.
Britainiar batek, Thomas Pidcockek, laugarren amaitzea lortu du, podiumetik 13 segundora, eta haren atzetik beste lau belgikar sailkatu dira.
Herbeheretarren nagusitasuna erabatekoa izan da Ostendeko Munduko Txapelketan, urrezko domina lortu baitute jokatu diren lau lasterketetan, eta jokoan jarritako 12 dominetatik zortzi erdietsi dituzte.
Zure interesekoa izan daiteke
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.
Vingegaard Giroan eta Tourrean lehiatuko da datorren denboraldian
"Denbora daramat Giroa korritzeko asmotan. Egutegiko lasterketa garrantzitsuenetako bat da, eta inoiz egin ez dudan bat", adierazi du txirrindulari danimarkarrak.