Tony Gallopin nagusi izan da Donostiako Klasikoan
Tony Gallopin (RadioShack) frantziarrak irabazi du Donostiako Klasikoaren 33. edizioa. 25 urteko txirrindulariak 28 segundoko abantaila atera die helmugan Valverde Movistar), Kreuziger (Saxo), Mikel Nieve (Euskaltel) eta Roche (Saxo) iheskideei.
Gallopinek Arkalen gora jo du erasoa eta lehen postuan iritsi da 2. mailako mendateko gainera. Bertan 12 segundoko aldea zuen atzeko taldearekiko.
Bukaerarako 25 kilometrora, txirrindulari entzutetsuez osatutako talde bat zihoan tropezaren aurretik: Valverde, Nieve, Roche, Flecha, Quintana, Astarloza eta Gallopin bera, besteak beste.
Valverdek ez zituen arerioak hain hurbil nahi, baina berak ezin zuen laguntzarik gabe taldea kontrolatu, eta argi geratu da talde horretan erasoak bata bestearen atzetik izango zirela.
Erasoa
Gauzak horrela, eguneko erasoa Arkale bigarrenez igotzen ari zirela iritsi da. Tony Gallopinek aurrera egin du eta aldea zabaldu du taldearekiko. Frantziarrak alde horri eutsi dio eta helmugara iristeko lau kilometro falta zirela, 25 segundoko abantaila zuen. Ahalaeginak saria izan du eta Gallopin bakar-bakarrik agertu da Donostiako Boulevarrean jarritako helmugan.
Atzekoen arteko sprintean Valverde nagusitu da, Kreuziger eta Nieveren aurretik. Taldetxoa 28 segundora sartu da.
Sailkapena:
1º Tony Gallopin (RadioShack) 5:39:02
2º Alejandro Valverde (Movistar) a 28"
3º Roman Kreuziger (Saxo Tinkoff) m.t.
4º Mikel Nieve (Euskaltel Euskadi) m.t.
5º Nicolas Roche (Saxo Tinkoff) a 29"
6º Mikel Landa (Euskaltel Euskadi) a 36"
7º Moreno Moser (Cannondale) a 51"
8º Pieter Serry (Omega) m.t.
9º Bauke Mollema (Belkin) m.t.
10º Sylvain Chavanel (Omega) m.t.
11º Jan Bakelandts (RadioShack) m.t.
12º Robert Gesink (Belkin) m.t.
Zure interesekoa izan daiteke
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Paula Patiño Laboral Kutxa-Euskadi taldeko txirrindulariak irabazi du El Salvadorreko Tourra
Asteazken honetan korritu da lasterketako azken etapa, Santa Anan. 96 kilometroko ibilbidean, euskal taldeak kontrolpean izan du lasterketa, eta, azkenean, sailkapen nagusiko saria eskuratu du txirrindulari kolonbiarraren bidez.
Caja Rural-Seguros RGA taldeak ilusioz aurkeztu du denboraldi berria
Nafarroako taldea 25 talde onenen artean geratu zen iaz eta horrek jauzi handia egiteko aukera eman dio denboraldia planifikatzerako orduan. Pro team mailako lasterketa guztietan parte hartzeko aukera izanen du.
Catalina Soto Laboral Kutxa-Euskadi taldeko txirrindulariak irabazi du El Salvadorreko Tourreko hirugarren etapa
Euskal taldearen hirugarren garaipena da lasterketan, Sotok berak atariko etapa bereganatu baitzuen, eta Marjolein Vant Geloof Herbeheretako txirrindulariak, aurreneko etapa.
Euskaltel Euskadik denboraldiko proiektua aurkeztu du
Talde laranja gogotsu ageri da deboraldi berriari begira. Harrobiaren aldeko apustua egin dute, eta lehen 30en artean sartzea dute helburu. Hogei txirrindulariko taldeak, ostiralean jokatuko du lehen proba, Morvedre Sari Nagusia, Castellón.
Gizonezkoen eta emakumezkoen 2026ko UCI World Tourreko egutegia
Emakumezkoen lehen proba, Down Under Tourra, urtarrilaren 17an hasiko da. Gizonezkoak hiru egun geroago hasiko dira lehiatzen, proba berean.
Catalina Soto Laboral Kutxa-Euskadi taldeko txirrindulariak irabazi du El Salvadorko Tourraren atarikoa
Txirrindulari gaztea San Salvadorko erdigune historikoan korritutako 2,7 kilometroko ibilbidean nagusitu da, 3 minutu eta 48 segundoko denbora eginda, eta taldearen lehen garaipena lortu du UCIren lasterketa batean.
Britainia Handian hasiko dira 2027ko gizonezkoen eta emakumezkoen Frantziako Tourrak
2027ko Frantziako Tourra Britainia Handian hasiko da, gizonezkoetan zein emakumezkoetan. Tropelak Eskozia, Ingalaterra eta Gales zeharkatuko ditu gizonezkoen kasuan, eta Ingalaterra emakumezkoen proban.
Laboral Kutxa, denboraldi berriari heltzeko gogoz
Laboral Kutxa txirrindularitza taldea Altean egon da egunotan. Laster hasiko dute aurtengo denboraldia, eta iaz burututakoaren ondoren, gogotsu daude aurtengorako.
Vingegaard Giroan eta Tourrean lehiatuko da datorren denboraldian
"Denbora daramat Giroa korritzeko asmotan. Egutegiko lasterketa garrantzitsuenetako bat da, eta inoiz egin ez dudan bat", adierazi du txirrindulari danimarkarrak.