IDK Euskotrenek argi menderatu du Sepsi SIC Gascan (68-53), eta bost partidatatik bost eskuratu ditu Eurokopan
IDK Euskotrenek Sepsi SIC hartu du mendean, 68-53, 2024-25 denboraldiko Eurokopako fase erregularreko bosgarren jardunaldian, C multzoan, Gascan, Donostian, asteazken gauean. Horrenbestez, Azu Muguruzaren taldeak ezin hobeto jarraitzen du txapelketan, orain arte jokatutako bost partidetan bost garaipen eskuratuta; seigarren eta azken jardunaldia gelditzen da, eta hori datorren asteazkenean izango da, Donostian, Proteas Voulas aurkari. Oraingoz, garaipenak besterik ez du izan IDK Euskotrenek Eurokopan. Muguruzaren taldeak ziurtatu egin du multzoko lehenengo postua, eta, ondorioz, hurrengo txandan, play-offeko 1. txandan, etxean jokatuko du itzuliko partida.
Partidako lehen saskiratzea Sepsi SICek sartu du, baina IDK Euskotrenek hamar puntu jarraian sartuz erantzun du, eta argi gelditu da hasieratik bi taldeen arteko aldea. Lehenengo laurdena 20-13 amaitu da, eta bigarrenean Azu Muguruzaren jokalariek aurrerapausoa eman dute, eta Gascan bildutako zaleei gozatzeko aukera eman diete; errebotean nagusi, eta sendo defentsan, Donostiako taldea hamazazpi puntuz ari zen gailentzen, atsedenaldira joan denean. Nastja Claessensek bederatzi puntu sartu ditu aurreneko hogei minutuetan, IDK Euskotreneko beste inork baino gehiago.
Ciera Johnsonek eta Taya Robinsonek, trebe Sepsi SICen erasoan, erdietsi dute Errumaniako taldeak norgehiagokatik ihes ez egitea, hirugarren laurdenean; hori bukatuta, IDK Euskotren 54-41 ari zen irabazten. Delicia Washingtonek ezin izan du azken laurdenean, lesioagatik, baina IDK Euskotrenek ez du zailtasunik izan egindako lan ona biribiltzeko; emaitza, 68-53koa, esanguratsua da, eta erakusten du Donostiako taldeak merezita eskuratu duela garaipena.
Fitxa teknikoa
68 - IDK Euskotren: Buch (7), Alba Prieto (6), Becky (12), Claessens (15), Halvarsson (2) —hasierako bostekoa— Pendande (14), Lara Gonzalez (6), Delicia Washington (6), Mbulito, Becker (1)
53 - Sepsi SIC: Gereben (10), Popescu (2), Ghita, Taya Robinson (16), Ciera Jonhson (19), Meresz (6) —hasierako bostekoa— Nemes, Ghita, Belegante, Catinean, Mikes, Armanu.
Epaileak: Giacomo Dori, Irene Frosolini eta Pierre Gilis.
Zure interesekoa izan daiteke
Itziar Ariztimuño eta Irene Murua IDK Euskotreneko jokalariek porrotaren irakurketa positiboa egin dute
Final-laurdenetako kanporaketan Casademont Zaragozaren kontra 71-61 galdu ondoren, Itziar Ariztimuñok Aragoiko taldearen "kalitatea" azpimarratu du, eta neurketak "ikasteko" balio izatea espero du. Irene Murua "taldeaz harro" agertu da.
IDK Euskotren Kopatik at geratu da, final-laurdenetan Casademont Zaragoza indartsuaren aurka 71-61 galduta
Azu Muguruzaren jokalariek lehen laurden bikaina jokatu dute eta Aragoiko taldearen erasoei eutsi diete bigarren laurdenaren amaierara arte, baina hortik aurrera gipuzkoarren ilusioak zapuztu ditu Zaragoza boteretsuak.
Azu Muguruza: “% 100 ematera atera behar gara, gauzak ahalik eta ondoen egitera”
IDK Euskotrenek Erreginako Kopako final-laurdenak jokatuko ditu Zaragozaren aurka, Tarragonan. Azu Muguruzak, taldearen entrenatzaileak, argi dauka ehuneko ehunean jardun beharko dutela aurrera egiteko.
IDK Euskotreneko Lara Gonzalezek Onintza Adurizen partida-kopurua berdinduko du: “Harro nago”
Jokalari gipuzkoarrak igandean lortuko du marka hori, IDK Euskotrenekin 282 partida jokatuta, Kutxabank Araskiren eta Donostiako taldearen arteko derbian; harekin izan gara, eta gogora ekarri du nola hasi zen klubean eta nola Onintza bera, besteak beste, erreferente izan zuen.
IDK Euskotrenek Kristine Vitola fitxatu du 2025-2026 denboraldiaren amaierara arte
Letoniar jokalaria Panathinaikosetik ailegatu da Donostiako taldera. Vitolak, 34 urtekoa bera, eskarmentua dauka Endesa Ligan; izan ere, Stadium Casablanca, Perfumerias Avenida eta Valentzia Basket taldeetan aritu da.
IDK Euskotrenek Casademont Zaragoza izango du aurkari Erregina Kopako final laurdenetan
Azu Muguruzaren jokalariek Endesa Ligako lehen itzulian aurreneko postuan amaitu duen taldearen aurka jokatuko dute. Finalerdietan, Donostiako taldearen aurkaria Valentzia Basket edo Duran M. Ensino izango litzateke.
Azu Muguruza: "Une arraro batean harrapatu gaitu, emaitzen dinamika ez baita ona"
Zazpi porrot jarraian jaso dituen arren, IDK Euskotren taldeak saskibaloiko Erreginaren Kopara sailkatzea lortu du. Entrenatzailearen esanetan, beharrezkoa da alderdi mentala lantzea taldearen aurpegi ona berreskuratzeko .
IDK Euskotren Erreginaren Koparako sailkatu da
Emakumezkoen saskibaloiko Ligako hamabosgarren jardunaldia jokatuta, Donostiako taldeak eta Innova-TSN Leganesek lortu dute txartela.
Azu Muguruza: "Ez dut ulertzen saskibaloian edo errugbian ari garen; denak ari dira kolpeka"
IDK Euskotreneko entrenatzailea oso kritiko agertu da Kutxabank Araskiren aurkako derbiko azken minutuetan ikusitako jokoagatik.
Helmi Tulonen, IDK Euskotrenen fitxaketa berria
Jokalari finlandiarra taldeari laguntzera dator, Veronika Remenárová belaunean egingo dioten ebakuntzatik errekuperatzen den artean.