Surne Bilbao Basketek galdu egin du Peristeriren aurka FIBA Europe Cup txapelketan (81-84)
Surne Bilbao Basketek Peristeriren aurka galdu du FIBA Eurkopako lehen partidan, 81-84ko emaitzarekin. Jaume Ponsarnauren taldeak 18 puntuko aldeaz agindu du bigarren laurdenean (48-30), talde lan onari eta Hilliard, Petrasek eta Normantas jokalarien ekarpenari esker. Etxekoak izan dira nagusi atsedenaldira arte, 48-33koarekin.
Atsedenaldiaren ostean, Peristeri aldea murrizten hasi da, Alvaro Cardenasen gidaritzapean. 22 puntu sartu ditu Cardenasek, eta giltzarri izan da bisitarien erreakzioan. Greziako taldeak defentsa indartu eta erasoan hauspoa hartu du Nichols eta Harrisen ekarpenarekin. Azken minutuetan 0-12ko partzial batek markagailua irauli du, eta etxekoek ez dute zuhur jokatu une erabakigarrietan.
Bilbao Basketek, txapelketako egungo txapeldunak, bere esku izan du garaipenarekin hastea, baina amore eman du amaieran.
Fitxa teknikoa:
81 - Surne Bilbao Basket (23+25+17+16): Frey (2), Normantas (11), Hilliard (17), Krampelj (3) eta Hlinason (10) -hasierako bostekoa-; Pantzar (5), Jaworski (12), Font (5), Petrasek (10), Sylla (6) eta Errasti.
84 - Peristeri BC (16+17+24+27): Cardenas (22), CJ Harris (18), Jankovic (4), Van Tubbergen (6) eta Payne (8) -hasierako bostekoa-; Nichols (21), Abercombrie (5), Mouratos, Kaklamanakis eta Petrakis.
Partzialak: 23-16, 48-33 (atsedenaldia); 65-57 eta 81-84 (amaiera).
Epaileak: Nikola Perlic (Kroazia), Diogo Martins (Portugal) eta Julien Malane (Luxenburgo).
Gertaerak: Miribillako Bilbao Arenan jokatutako FIBA Europa Kopako E Multzoko lehen jardunaldiko partida 3.728 ikusleren aurrean. Datu ofiziala. Chus Mateo hautatzaile nazional berriak partida ikusi du.
Zure interesekoa izan daiteke
Jaworskiren erakustaldiak garaipenera eraman du Surne Bilbao Andorran (98-102)
Surne Bilbaok luzapenean menderatu du Andorra (98-102). Partida lehiatua izan arren, Justin Jaworskiren erakustaldiak (36 puntu) erabaki du neurketa. Etxekoen ahaleginak, Rice eta Besten gidaritzapean, ez du saririk izan, bisitariak nagusitu baitira, luzapenean. Ondorioz, Andorrak jaitsiera postuetan jarraituko du.
Surne Bilbaok aise garaitu du Aliaga Petkimspor, eta lortu du finalerdietarako txartela (85-60)
Beltzezko gizonek nagusitasunez irabazi dute Miribillan, eta txapelketa kontinentaleko lau onenen artean sartu dira hirugarren urtez jarraian. Finalerdietan, Jaume Ponsarnauren taldeak Hungariako Szombathely izango du aurkari, apirilaren 1ean eta 8an; itzuliko neurketa Bilbon jokatuko dute.
Surne Bilbaok 8 puntuko errenta defendatuko du, hirugarren finalerdia jarraian jokatzeko
Turkiako kantxan lortutako 69-77ko emaitzak ondo bideratuta utzi zuen talde bilbotarraren sailkapena, Miribillak babestuta iaz eskuratutako garaikurraren defentsan beste pauso bat emateko faboritoa baita. Ponsarnauren ustez, giroa izango da partidako gakoetako bat.
Surne Bilbaok mendean hartu du Breogan, azken laurden bikaina eginda (100-90)
Surne Bilbaok mendean hartu du Rio Breogan Miribillan, baina azken emaitzak (100-90) iradokitzen duena baino partida orekatuagoa izan da. Jaume Ponsarnauk zuzentzen duen taldearen azken laurden bikainari esker nagusitu dira etxekoak.
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.