Bilbao Basket aise nagusitu zaio Fortitudo Boloniari
RETAbet Bilbao Basketek irabazi egin du Fortitudo Boloniaren aurka (82-54) jokatu duen Txapeldunen Ligako laugarren jardunaldiko partida eta bigarren garaipena lortu du txapelketa honetan. Alex Mumbruk zuzentzen duen taldea, F multzoko bigarren postuan da.
Norgehiagokaren hasiera parekatua izan da, eta bi taldeei kosta egin zaie abantailak hartzea. Lehen laurdenaren erdialdetik aurrea Bilbao Basket nagusi izan da, eta bost puntuko errenta eskuratu du. Hala ere, Fortitudo Boloniak desabantaila puntu bakarrera murriztu du lehen hamar minutuen amaieran (19-18).
Ondo ekin dio bigarren laurdenari Bilboko taldeak, eta 13 puntuko abantaila eskuratu du (33-20). Hiruko jaurtiketetan asmatu du Bilbao Basketek, eta aurkaria txikitu du. Zulo handia ireki du Alex Mumbruk zuzentzen duen taldeak (41-22). Lehen laurdenean gertatu bezala, bigarrenaren amaieran ere aldeak murriztu ditu talde italiarrak. Bilbao Basket, aldeko 41-28ko emaitzarekin iritsi da atsedenaldira.
Partidaren gidoia ez da aldatu atsedenaldiaren ostean. RETAbet Bilbao Basket jaun eta jabe izan da Bilbao Arenako kantxan. Defentsan lan bikaina eginda, bide guztiak itxi dizkio aurkariari eta ezinean ibili da Italiako taldea. Erasoan ere ondo ibili da Bilbao Basket, eta garaipena bideratuta utzi du hirugarren laurdenaren amaieran (63-39).
Eroso eta lasaitasunez jokatu ditu Bilboko taldeak azken hamar minutuak. Fortitudo Boloniak ez du arazoetan jarri talde bizkaitarra, eta Bilbao Basketek garaipena eskuratu du (82-54).
Fitxa teknikoa:
82 - RETAbet Bilbao Basket (19+22+22+19): Rousselle (8), Jaylon Brown (17), Zyskowski (3), Kulboka (11) eta Dos Anjos (4) -hasierako taldea-; Kljajic (7), Jenkins (4), Reyes (7), Miniotas (10), Huskic (11) eta Betolaza.
54 - Fortitudo Bolonia (18+10+11+15): Banks (13), Fantinelli (2), Palumbo (2), Withers (5) eta Hunt (9) -hasierako taldea-; Sabatini (4), Aradori (5), Fletcher eta Tote (14).
Partzialak: 19-18, 41-28 (atsedenaldia); 63-39 eta 82-54 (amaiera)
Epaileak: Yohan Rosso (Frantzia), Paulo Marques (Portugal) eta Alexandre Deman (Frantzia). Kanporaturik gabe.
Zure interesekoa izan daiteke
Surne Bilbaok aise garaitu du Aliaga Petkimspor, eta lortu du finalerdietarako txartela (85-60)
Beltzezko gizonek nagusitasunez irabazi dute Miribillan, eta txapelketa kontinentaleko lau onenen artean sartu dira hirugarren urtez jarraian. Finalerdietan, Jaume Ponsarnauren taldeak Hungariako Szombathely izango du aurkari, apirilaren 1ean eta 8an; itzuliko neurketa Bilbon jokatuko dute.
Surne Bilbaok 8 puntuko errenta defendatuko du, hirugarren finalerdia jarraian jokatzeko
Turkiako kantxan lortutako 69-77ko emaitzak ondo bideratuta utzi zuen talde bilbotarraren sailkapena, Miribillak babestuta iaz eskuratutako garaikurraren defentsan beste pauso bat emateko faboritoa baita. Ponsarnauren ustez, giroa izango da partidako gakoetako bat.
Surne Bilbaok mendean hartu du Breogan, azken laurden bikaina eginda (100-90)
Surne Bilbaok mendean hartu du Rio Breogan Miribillan, baina azken emaitzak (100-90) iradokitzen duena baino partida orekatuagoa izan da. Jaume Ponsarnauk zuzentzen duen taldearen azken laurden bikainari esker nagusitu dira etxekoak.
Surne Bilbaok FIBA Europa Kopako finalerdietara gerturatzeko balio dion garaipena lortu du Turkian
Jaume Ponsarnauren taldeak zortzi puntuko aldea lortu du Petkimspor taldearen aurka, final-laurdenetako joaneko partidan.
?fmt=webp-alpha&qlt=80)
Surne Bilbaok FIBA Europa Kopako finalerdietarako sailkatzea bideratzea bilatuko du Petkim Sporren kantxan, asteazken honetan
Txapelketako final-laurdenetako joaneko partida asteazkenean jokatuko da, 18:15etik aurrera, eta zuzenean emanen da kirolakeitb.eus-en eta ETB4ren bidez.
Surne Bilbaok alferrik galdu du 14 puntuko errenta Burgosen (96-88)
San Pablo Burgosek mendean hartu du Surne Bilbao Basket larunbat honetan, Endesa Ligako 21. jardunaldian. Bilboko taldeak 14 puntuko errenta izan du hirugarren laurdena bukatzean (61-75), baina ez du aprobetxatzen jakin.
Harald Freyek giharretako haustura du
Surne Bilbaoko jokalariak Recoletas Salud San Pablo Burgosen aurkako partida ezin izango du jokatu, hurrengo larunbatean.
Jaume Ponsarnau Surne Bilbaoren historian partidarik gehien zuzendu duen bigarren entrenatzailea izango da larunbatean
San Pablo Burgosen aurka, entrenatzaileak bere 184. partida ofiziala zuzenduko du. Hala, Fotis Katsikaris aurreratuko du, eta zerrendan soilik Txus Vidorreta izanen du aurretik; azkeneko horrek 331 partidatan zuzendu zuen euskal taldea.
Surne Bilbaok luzapenean irauli du Kanaria Handiaren aurkako partida (97-98)
Surne Bilbao Basketek Kanaria Handiari irabazi zion Endesa Ligako 19. jardunaldiari zegokion atzeratutako partidan (97-98), luzapeneko minutuetan partida iraulita.
Surne Bilbaok PAOK menderatu du, lehen postuan sailkatu da, eta Turkiako Petkim Spor izango du aurkari final-laurdenetan
Beltzezko gizonak Salonikara itzuli dira, duela hamar hilabete txapela ekarri zien Greziako hirira, eta puntu bakarreko aldearekin lortu dute garaipena (87-88) azken laurdenean, ia partida osoa markagailuan atzetik egon ondoren.