Baskoniak ezin izan du Olympiakosen aurka (101-102), eta zortzi partida irabazita jarraitzen du Euroligan
Baskoniak galdu egin du, 101-102, Olympiakos aurkari, 2024-25 denboraldiko Euroligako 21. jardunaldian, Buesa Arenan, astearte gauean. Hala, Gasteizko taldeak, sailkapenean, zortzi partida irabazita jarraitzen du, txapelketan aurreneko postuan dabilen taldearen kontra galdu eta gero; norgehiagokan emozio handia izan da, eta zaleek joko ona ikusi ahal izan dute.
Neurketaren lehenengo laurdenean berdintasun handia izan da, eta, hori amaituta, Baskoniak puntu bateko aldea zuen, 17-16. Bigarren laurdenean, Gasteizko taldeak sendo jarraitu du Euroligako liderraren aurka; izan ere, atsedenaldian, Lasoren gizonak aurretik zebiltzan, bi puntuz, 42-40. Rogkavopoulosek hamar puntu sartu ditu, Baskoniako beste inork baino gehiago, eta, besteak beste, Donta Hall ere nabarmendu da, zazpi puntu egin eta lau errebote hartu ditu eta. Ondo zebilen Baskonia, eta Buesa Arenako zaleak gozatzen ari ziren.
Hirugarren laurdena, hainbat tartetan, ikusgarria izan da, Baskoniaren aldetik. Euskal Herriko taldeak hamar puntuko aldea ere izan du (57-47, 65-55, 69-59); Olympiakosen erantzuna, baina, egokia izan da, eta, partida amaitzeko hamar minutu gelditzen zirela, Baskonia bi puntuz ari zen nagusitzen, 69-67. Luwawu-Cabarrot bikain ibili da hirugarren laurdenean, eta erasoan zenbaitetan asmatu du.
Partidako 40 minutuetako azken segundoan, Chima Monekek izan du, jaurtiketa zail batean, Baskoniari garaipena emateko aukera, luzapena hasi aurretik, baina baloia ez da sartu. Luka Samanic oso ondo ibili da neurketako azken laurdenean, eta luzapenak ebatzi du, hortaz, zein taldek irabaziko zuen. Luzapeneko bost minutu horietan, Olympiakosek Baskoniak baino pixka bat hobeto kontrolatu du tentsioa, eta, azken finean, garaipena eskuratu du.
Fitxa teknikoa
101 - Baskonia (17+25+27+20+12): Forrest (11), Baldwin (9), Luwawu-Cabarrot (25), Moneke (10) y Diop (2) -hasierako bostekoa-, Jaramaz (2), Rogkavopoulos (14), Samanic (17) eta Hall (11).
102 – Olympiakos (16+24+24+22+13): Williams-Goss (19), Fournier (20), Papanikolau (-), Vezenkov (19) y Fall (12) -hasierako bostekoa-, Larentzakis (1), Peters (-), Milutinov (4), Vildoza (3) eta McKissic (22).
Epaileak: Damir Javor (Eslovenia), Piotr Pastusiak (Polonia) eta Josip Radojkovic (Kroazia).
Nabarmentzekoa: 8.198 zale izan dira, Buesa Arenan.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.