Baskoniak mendean hartu du Partizan (88-82)
Baskoniak denboraldiko eta Pablo Lasok gidatzen duen proiektuaren lehen garaipena lortu du ostegun honetan, Fernando Buesa Arenan, Partizan Serbiako taldea 88-82 garaituta, 2024-2025 denboraldiko Euroligako Fase Erregularreko lehen jardunaldian, bigarren zatian izan duen hobekuntzari esker.
Etxekoen lehen zatia ez da guztiz ona izan, baina atsedenaldiaren ostean erasoan izandako hobekuntzak (56 puntu eta bost jokalari 10 puntutik gora lortuta) eta, batez ere azken laurdenean, Donta Hallek defentsan izandako intentsitateak garaipena eman dio Partizanen aurka, Tyrique Jones (22 puntu eta 28ko balorazioa) eta Brandon Davies (20) bikain aritu diren arren.
Banakako talentua, sistemarena baino gehiago, eta Luwawu-Cabarroten eskumutur ona (6 puntu) baliatuta, Gasteizko taldea hobeto hasi da (9-3). Hala ere, ez du partidako pultsua hartu, eta 0-10eko kontrako partzial gogorra jaso du (9-13), Vanja Marinkovic eta Daviesen hirukoek gidatuta.
Dena den, Kamar Baldwinen hiruko batek markagailua parekatu du (16-17), eta Gasteizko taldeak bigarren laurden 'elektrikoagoa' jokatu du, Markus Howard eta Carlik Jonesen sarrerei esker.
Howardek 6 minutuan 10 puntu egin ostean, baina, Baskoniak itzalaldia izan du erasoan, hiruko marratik 11 jaurtiketatik 3 gauzatuta eta Chima Moneke normalean baino motelago arituta, eta azken hiru minutuetan ez du saskiratzerik lortu. Partizanek ez du erabat aprobetxatu egoera, baina Daviesen (11) eta Isaac Bongaren energiari esker, atsedenaldira aurretik joan da (32-38).
Pablo Lasoren taldea hobeto sartu da neurketan aldageletatik igaro ostean. Chima Moneke erasoan sartu da eta Baskoniak neurketa berdindu du, baina bisitarien hiruko bi jaurtiketak berdinketa desegin dute berriro. Hala ere, Lasoren jokalariek gogor eutsi diete partidari, eta 59-60koarekin sartu dira azken laurdenean.
Baskoniak lehia berdintzea lortu du lehen minutuetan, baina ezin izan dio buelta eman markagailuari. Bisitariek ondo irakurri dute jokoa, eta abantailak lortu dituzte aurretik jarraitzeko.
Hala ere, partida amaitzeko bost minutu falta zirenean, Trent Forresten hiruko batek abantaila itzuli dio Gasteizko taldeari, eta Buesa Arenako harmaila piztu du. Luwawu-Cabarroten beste hiruko batek eta etxekoen defentsak norgehiagokaren epilogoa erraztu dute, eta Donta Hall berriro agertu da, laugarren tapoia jartzeko. Azkenean, Baskoniak etekin handiagoa atera dio bere freskotasunari, eta 88-82ko emaitzarekin irabazi du lehia.
Fitxa teknikoa:
88 - Baskonia (16+16+27+29): Forrest (10), Luwawu-Cabarrot (15), Sedekerskis (14), Moneke (13) eta Hall (8); Jaramaz (2), Baldwin (7), Rogkavopoulos (-) eta Howard (17).
82 - Partizan (17+21+22+22): Lundberg (10), Brown (4), Marinkovic (11), Tyrique Jones (22) eta Davies (20); Carlik Jones (4), Ntilikina (3) eta Bonga (8).
Epaileak: Robert Lottermoser (Alemania), Piotr Pastusiak (Polonia) eta Joseph Bissang (Frantzia).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.