FIBAk lau urteko zigorra ezarri dio Pierria Henry Baskoniako jokalari ohiari
Pierria Henry Baskoniako jokalari ohiak lau urte emango ditu zigortuta, 2027ko urtarrilaren 13ra arte, Nazioarteko Saskibaloi Federazioak (FIBA) asteazkenean iragarri duenez. Zigorraren arrazoia da jokalariak, 2023ko urtarrilaren 13an, Baskonian zebilela, "debekatutako metodoa" baliatu zuela, dopinaren aurkako kontrol batean. Henryk urtebete baino gehiago darama jokatu gabe.
FIBAk web orriaren bidez iragarri du zigorra. Azaldu duenez, jokalariak dopinaren aurkako liburuko 2.2 artikulua hautsi du; artikulu horrek hizpide du "atleta bat debekatutako substantzia bat edo metodo bat erabiltzen saiatzen denean" zer jazotzen den.
Artikuluak gehitzen du ez dela "beharrezkoa" frogatzea "atletak asmorik, errurik, zabarkeriarik edo erabilpen kontzienterik" izan duela, ebazteko dopinaren aurkako arauak hautsi dituela "debekatutako substantzia bat edo metodo bat" baliatu izateagatik.
"Debekatutako substantzia bat edo metodo bat erabiltzen saiatzeak edo erabiltzeak arrakastarik izan duen ala ez ondorioztatzea ez da materiala. Nahikoa da debekatutako substantzia edo metodoa erabiltzen saiatu izatea, dopinaren aurkako arauak hausteko", dio arauak.
Baskoniak, 2023ko urtarrilean, argitu zuen jokalaria zigortuta zegoela "probaren prozeduran" izandako zerbaitengatik, ez jokalariak positibo eman izateagatik. Halaber, gertaturikoaren berri izanda, klubak behin-behinean bertan behera utzi zuen Henryren lizentzia, auzia ebatzi arte.
FIBAk, 2021ean, barne araudia berraztertu zuen; horren ondorioz, aukera zegoen ordura arteko zigorrak bi urtez ere luzatzea, baldintza larrigarriak egonez gero; adibidez, substantzia bat baino gehiago erabiltzea, hainbat arau-hauste egitea, jokabide engainagarri izatea edo oztopoak jartzea, eta larriak diren antzeko beste baldintza batzuk gertatzekotan".
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.