Baskoniak porrota jaso du Bayernen aurka (92-79)
Cazoo Baskoniak ez du ondo hasi 2022-2023ko Euroligako Fase Erregularreko bigarren itzulia eta astearte honetan 92-79 galdu du Bayern Munichen aurka. Joan Peñarroyak zuzendutako mutilen erasoko partida kaskarra aprobetxatu zuten alemaniarrek.
Aurreko astean Berlinen bolada bikaina gelditu eta gero, Alemaniara itzulera berriz ere kaskarra izan da baskoniarrentzat, oraingoan, baina, ez dute aukerarik izan. Arerioek hiruko jaurtiketetan izan duten trebetasuna baliatu dute (14/24), eta aurrera egin dute Audi Domen hirugarren garaipena jarraian lortzeko.
Ez zen euskal taldearen egunik onena izan erasoan, batez ere hiruko marratik (9/30). Markus Howardek 21 puntu lortu zituen arren (sei besterik ez bigarren zatian), oraingoan ez zen irtenbidea izan eta ez zuen taldekideen babes handirik izan. Etxeko taldeko sei jokalarik, aldiz, hamar puntu baino gehiago lortu zituzten.
Fitxa teknikoa:
92 - Bayern Munich (34+18+23+17): Winston (16), Weiler-Babb (12), Bonga (5), Rubit (13) eta Gillespie (-) -hasierako bostekoa-, Walden (11), Jaramaz (7), Giffey (11), Harris (6), Zipster (-) eta Hunter (11).
79 - Cazoo Baskonia (24+20+16+19): Thompson (13), Marinkovic (2), Giedraitis (10), Hommes (3) eta Enoch (6) -hasierako bostekoa-, Henry (-), Howard (21), Sedekerskis (2), Díez (2), Kotsar (7), Costello (10) eta Kurucs (3).
Epaileak: Matej Boltauzer (SVN), Gytis Vilius (LTU), Eduard Udyanskyy (GBR). Kanporatutakorik gabe. Falta teknikoa adierazi zioten etxeko entrenatzaileari, Trinchieriri (12. min) eta bisitariari, Peñarroya (24. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.