Baskoniak garaipen handia lortu du CSKA Moskuren aurka
TD Systems Baskoniak garaipena lortu du CSKA Moskuren aurka (95-93) jokatu duen Euroligako 18. jardunaldiko partidan. Maila bikaina eskaini du talde gasteiztarrak eta Euroligako liderra mendean hartu du.
Ondo ekin dio neurketari Arabako taldeak. Nagusi izan da Baskonia eta zazpi puntuko abantaila lortu du bosgarren minutura iritsitakoan (15-8). Nagusi izan da Ivanovicek zuzentzen duen taldea eta lehen laurdena bukatzeko 20 segundo falta zirenean 15 puntuko errenta izan du, nahiz eta CSKAk aldeak murriztu dituen hiruko bat sartuta (31-19).
Bigarren laurdenaren hasieran ere ondo ibili da TD Systems Baskonia, baina CSKAk desabantaila murriztu du (38-29). Atsedenaldira iristeko bi minutu falta zirenean, 9 puntuko abantaila izan du talde gasteiztarrak (43-36), baina talde errusiarra nagusi izan da, eta puntu bakarrera gerturatu da (46-45). Laurdena amaitzear zenean, Polonarak hirukoa sartu du, baina epaileek baliorik gabe utzi dute, jaurtiketa denbora agortuta denean egin duelako.
Indartsu kantxaratu da CSKA atsedenaldiaren ostean, eta Baskoniak ondo eutsi dio. Ondoren, Moskuko taldeak bost puntuko abantaila hartu du (55-60). Bazirudien partida zail jarriko zitzaiola talde gasteiztarrari, baina Ivanovicek zuzentzen dituen gizonek ez dute etsi eta neurketa berdintzea lortu dute (60-60, 62-62 eta 65-65). Hirugarren laurdeneko amaierako bi minutuak bikain jokatu ditu Baskoniak eta 12 puntuko abantaila lortu du (79-67).
Azken laurdenaren hastapenean ondo eutsi dio Arabako taldeak CSKA Moskuri. Hala ere, Errusiako taldea kalitate handiko jokalariak ditu, hirukoak sartzen hasi dira, eta lehia parekatu egin da (82-80). Ondoren, Baskoniak sei puntuko errenta eskuratu du (88-82), baina CSKAk emaitza estutu du amaierarako 8 segundo falta zirenean (94-93). Fallek bi jaurtiketa libre izan ditu, bat huts egin eta bestea sartu du (95-93). Azken jabetza CSKA Moskurentzat izan da, Jamesek biko jaurtiketa egin, ez du asmatu, eta garaipena TD Systems Baskoniak eskuratu du (95-93).
Fitxa teknikoa:
95 - TD Systems Baskonia (31+15+33+16): Henry (18), Sedekerskis (8), Giedraitis (17), Polonara (18) eta Fall (16) -hasierako taldea-, Vildoza (12), Dragic (3), Jekiri (-), Diop (-) eta Peters (3).
93 - CSKA Mosku (19+26+22+26): James (20), Hilliard (9), Kurbanov (6), Shengelia (15) eta Milutinov (4) -hasierako taldea-, Bolomboy (13), Strelnieks (11), Voigtmann (3), Khomenko (-), Antonov (7) eta Ukhov (5).
Epaileak: Luigi Lamonica (Italia), Sasafrases Pukl (Eslovenia) eta Joseph Bissang (Frantzia). Polonara (40. min) kanporatu dute bost falta egin ostean. Teknika adierazi diote Dusko Ivanovic (20. min) entrenatzaileari, CSKA Moskuko aulkiari (25. mn) eta Dimitros Itoudis entrentzaileari (36. min).
Zure interesekoa izan daiteke
Kosner Baskonia berandu esnatu da Sarajevon Dubairi egindako bisitan (100-94)
Galbiatiren taldeak zazpigarren porrota jaso du Europako txapelketan, jokalari gutxirekin iritsi baita neurketara, nahiz eta azken lau minutuetan 20 puntuko desabantaila iraultzetik gertu egon den.
30 urte bete dira Baskoniak 1996ko Errekopa irabazi zuenetik
Europa mailako lehen titulua izan zen talde gasteiztarrandako, eta bere etxean lortu zuen hain zuzen ere, PAOK Salonikaren aurka. Manel Comasek entrenatzen zuen Baskonia, taldeak Marcelo Nicola, Velmir Perasovic, Ramon Rivas, Jorge Garbajosa edo Kenny Green bezalako jokalariak zituen
Kosner Baskoniak Dubai taldearen aurka jokatuko du ostegunean Euroligan, Sarajevon
Paolo Galbiatiren taldearen aurkariak Bosniako hiriburuan jokatzen ditu etxeko partidak, Ekialde Hurbileko gerraren ondorioz. Dubaik lau garaipen lortu ditu jarraian Euroligan, eta txapelketan segitzeko aukerei eustea bilatuko du.
Kosner Baskoniak Jesse Edwards fitxatu du denboraldi amaierara arte
Trent Forrest, Endesa Ligako 21. jardunaldiko jokalari onena
Estatubatuarrak 18 puntu lortu, lau asistentzia eman eta bost errebote harrapatu zituen Buesa Arenan jokatutako azken partidan, Força Lleidaren aurka.
Kosner Baskonia garaiz esnatu da Lleidaren nagusitasunari buelta emateko (93-90)
Kosner Baskonia, Eugene Omoruyiren gidaritzapean, garaiz suspertu da Buesa Arenan, nagusi izaten ari zen Hiopos Lleidari aurre egiteko. Partidaren zati handi batean oso nabaria izan da aldea, baina azkenean 93-90 gailendu da Baskonia.
Kosner Baskoniak argi galdu du Parisen aurka (81-97), eta bolada txarrean jarraitzen du Euroligan
Euskal taldeak bost partida daramatza garaipenik lortu ezinik nazioarteko txapelketan. Paris Basketballen kontrakoan, Galbiatiren gizonak lehen laurdenetik izan dira atzetik markagailuan, eta Frantziako taldeak bigarren laurdenean hautsi du neurketa.
Kosner Baskoniak sailkapenaren azken postuetatik ateratzea bilatuko du ostiral honetan Parisen aurka
Arabarrak lesioen ondorioz ahuldutako talde batekin ailegatzen dira neurketara, aurretik ezagututako hutsunei, iparramerikar jokalariena, Rodion Kurucsena eta Matteo Spagnolorena gehitu dira.
Sedekerskisi eskuineko orkatilan ebakuntza egin diote berriro, eta denboraldi honetan ez du gehiago jokatuko
Bigarrenez egin diote horrelako ebakuntza bat. Lehenengoa abenduaren 11n egin zioten. Lituaniarra Eurobasketen min hartu zuen. Soilik 20 partida jokatu ahal izan ditu denboraldi honetan.
Galbiati: "Sedekerskisek ezingo du denboraldi honetan gehiago jokatu"
Lituaniarraren bigarren ebakuntza izango da, urtarrilean egindakoa kontuan hartuta. Udan, bere selekzioarekin Eurobasket txapelketa jokatzen ari zela, orkatilean egin zuen min.