Kosner Baskonia berandu esnatu da Sarajevon Dubairi egindako bisitan (100-94)
Galbiatiren taldeak zazpigarren porrota jaso du Europako txapelketan, jokalari gutxirekin iritsi baita neurketara, nahiz eta azken lau minutuetan 20 puntuko desabantaila iraultzetik gertu egon den.
Sarajevon (Bosnia-Herzegovina) jokatutako norgehiagokaren une bat. Irudia: Baskonia
Kosner Baskoniak porrota jaso du Dubai Basketball taldearen aurka, nahiz eta azken lau minutuetan 20 puntuko desabantaila iraultzetik gertu egon den, baina ezin izan du ezustean harrapatu talde dubaitarra, Sarajevoko (Bosnia Herzegovina) bere etxe berrian 100-94 garaipenarekin estreinatu dena. AEBek eta Israelek Iranen aurka egindako erasoen ondorioz Ekialde Hurbilean piztu den gerraren ondorioz deserrian jokatu behar du Dubaik.
Arabiarrek bosgarren garaipena jarraian lortu dute Euroligan; arabarrek, aldiz, zazpigarren porrota jaso dute Europako txapelketan, jokalari gutxirekin iritsi baitira neurketara. Tim Luwawu-Cabarrot azken orduko baja izan da.
Dwyane Bacon eta Dzanan Musa izan dira etxekoen onenak, eta Mamadi Diakitek bere lekua aurkitu du Baskonian, 27 puntu eta 12 erreboterekin.
Dubai Basketballen alde hasi da lehia, 15-4, eta talde arabiarra oso bertikala izan da uztaipean, bai defentsan bai erasoan indar gutxiago azaldu duen Baskoniaren aurka, non saskiratze erritmoari eusteko jaurtiketa eroso batzuk huts egin dituen uztai azpian. Baskoniaren hiru hirukok aldeak murriztu dituzte.
Dwayne Baconek Dubai gidatu du, eta markagailuan 40-27koa jarri dute arabiarrek.
Aldea handituz joan da minutuek aurrera egin ahala, baina Baskonia bizirik heldu da bigarren zatira, Markquis Nowellen hiruko bati esker, taldeak aldageletara 59-45koarekin bidali baititu.
Atsedenaldiak mesede egin dio Baskoniari, hobeto sartu baita hirugarren laurdenean, eta aldea hamar puntu baino gutxiagora jaitsi ahal izan du defentsa serioagoari esker.
Baskoniarren asmoak erabat zapuztu ditu Baconen talentuak. Gainera, Galbiati baliabideak galtzen joan da bidean, Trent Forrest bezala, epaileekin tirabirak izan baititu azken laurdenera iritsi aurretik, 83-67.
Dubaitarrek minutu bakar batean 0-10eko partziala jaso dute. Horri esker, amaierara arte aukerak izan ditu Baskoniak.
Zure interesekoa izan daiteke
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.
Kosner Baskoniak porrot batekin esan dio agur Euroligari Belgraden (91-79)
Arabarrek bolada onari amaiera eman diote azken jardunaldian, Partizani egindako bisitan galdu dute. Hala ere, dagoeneko ez zuten ezer jokoan.
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.
Forresten jokaldi batek garaipena eman dio Kosner Baskoniari etxean, Dreamland Kanaria Handiaren aurka (88-86)
Trent Forrestek amaierarako zazpi segundoren faltan egindako magia trikimailu batek garaipena eman dio Kosner Baskoniari, 88-86, Dreamland Kanaria Handiaren aurka Buesa Arenan jokatutako partidan.
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.