Baskoniak eta Alavesek lau aukera eskaini dituzte abonamenduak itzultzeko
Baskonia-Alaves Taldeak ostegun honetan iragarri duenez, denboraldi honetan erabili gabeko abonamenduei dagokien dirua itzuliko du. Gainera, abonamendu horien jabeek lau aukera izango dituzte dirua berreskuratzeko.
Sarreren kudeaketaz arduratzen den Mikel Barcena Ticketing zuzendariak prentsaurrekoan azaldu duenaren arabera, prozedura "zuzena eta erraza" izango da, eta abonatuak berak erabakiko du zer egin.
Hartara, futbolaren kasuan, Mendizorrotzan publikorik gabe jokatuko diren 5 partiden truke, abonamenduaren % 26 jasoko dute abonatuek. Saskibaloiari dagokionez, berriz, denboraldiko zenbateko osoaren % 23,5 itzuliko diete baskoniazaleei.
Horrez gainera, abonatu bakoitzak honako lau aukeren artean hautatu ahalko du:
- Dirua itzultzea, osorik zein zati bat.
- Kopuru hori 2020-2021 denboraldirako gordetzea, hurrengo abonamendutik deskontatzeko.
- Bi taldeen dendan erabiltzea, Internet bidezko erosketak egiteko. Aukera horretara bideratutako 25 euro bakoitzeko, klubak beste 5 jarriko ditu.
- 5+11 Fundazioaren jardueretarako eman dezake dirua.
"Aukera guztiak elkarren artean konbina daitezke, hots, jaso beharreko kopurua eskainitako aukeren artean bana daiteke", azaldu du Barcenak.
Gainera, 5 eurotik gorako dohaintza guztiek opari bat izango dute, esker ona adierazteko. 25 eurotik gorako dohaintzak egitekotan, abonatuak kamiseta esklusibo bat jasoko du, eta, araudiak ezartzen duen bezala, dohaintzan emandako zenbatekoaren % 18ko kenkari fiskala izango du.
"Garrantzitsua da azpimarratzea abonatu bakoitzaren erabakia abonamendu bakoitzarekin lotuta dagoela, familia-abonamendua izan ala ez", zehaztu dute Baskonia-Alaves Taldekoek.
Prozedura horiek guztiak egiteko, bi erakundeek tresna digital "oso intuitiboa" prestatu dute, dirua ekainaren 12tik 27ra bitartean itzuli ahal izateko, Internet bidez.
Hartara, abonatu bakoitzak pasahitz pertsonal bat jasoko du komunikazio-kanalen bidez, plataforma horretara sartu eta norberaren abonamenduari buruz erabaki bat hartzeko.
Era berean, kudeaketa hori telefonoz egin ahalko da, baita dendan bertan ere, aldez aurretik hitzordua eskatuta; dena den, Internet bidez egitea gomendatu dute.
Aldez aurretik sarrerak erosi zituzten zaleen kasuan, prozedura bera izango da, bi klubek erosle horien datuak baitituzte.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.