Baskoniak ez du bere arazoentzako konponbiderik aurkitu Berlinen (81-57)
Kirolbet Baskoniak ez du konponbiderik aurkitu ostegun honetan orain arte egiten ari den denboraldi etsigarriarentzat, beste porrot bat pilatu baitu Berlinen (81-57), Euroligako zortzi onenen artean egoteko bidean.
Oraingoan Alba Berlinen kontra izan da. Alemaniarren aurkako neurketan, arabarrak berehala geratu dira ideiarik gabe, eta, ondorioz, bere hirugarren porrota kateatu dute jarraian, nahiz eta Dusko Ivanovicek jardun duen entrenatzaile lanetan, joan zen asteburuan zuzendaritzak Perasovic kargutik kendu ondoren.
Ivanovicek Mercedes-Benz Arena kantxan eman dio hasiera bere hirugarren aldiari Baskoniako aulkian; alabaina, Montenegroko entrenatzaileak gasteiztarren jokoarengan eragindako edozein hobekuntza-zantzu zapuzteko gai izan dira etxekoak.
Hartara, Aito Garcia Renesesek zuzentzen duen taldeak bosgarren garaipena erdietsi du (lau norgehiagoka zeramatzan ezin irabazita), eta hori lortzeko bidean Rokas Giedraitis eta Landry Nnoko (23 puntuko balorazioa izan dute biek) zein Luke Sikma (20ko balorazioa) nabarmendu dira.
Gasteiztarrek, ostera, partida kaskarra jokatu dute beste behin, eta sufritu egin dute laurden bakoitzean, ez baitute ahalmenik izan euren jokatzeko plana kantxa gainean islatzeko: 19 baloi galdu dituzte, eta kanpoko jaurtiketan % 15eko eraginkortasuna besterik ez dute izan.
Horrenbestez, sei lehia irabazita eta hamar galduta, gero eta zailagoa dago Buesa Arenakoentzat play-offetan sartu ahal izateko aukera, nahiz eta oraindik norgehiagoka ugari geratzen diren jokatzeke.
Fitxa teknikoa:
81-Alba Berlin (23+18+16+24): Mattisseck (-), Hermannsson (18), Giedraitis (17), Sikma (10) eta Nnoko (11) –hasierako bostekoa–, Mason (5), Radosavljevic (-), Giffey (9), Eriksson (11), Schneider (-), Nikic (-)eta Ogbe (-).
57-Kirolbet Baskonia (15+11+11+20): Henry (2), Stauskas (9), Shields (11), Shengelia (1) eta Eric (10) –hasierako bostekoa–, Vildoza (6), Janning (5), Diop (3), Sergi García (-), Fall (8) eta Polonara (2).
Epaileak: Emin Mogulkoc (Turkia), Jakub Zamojski (Polonia) eta Rain Peerandi (Estonia). Diop kaleratu dute bost falta pilatzeagatik (35. min).
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.