Baskoniak aste bikaina biribildu du Murtziari irabazita
Kirolbet Baskoniak 75-86ko emaitzarekin irabazi dio UCAM Murtziari, Endesa Ligako 13. jardunaldiko partida, eta astea biribildu du jokatu dituen hiru neurketak irabazita. Zazpi garaipeneko eta sei porroteko balantzea du Arabako taldeak.
Neurketari ondo ekin dio Baskoniak, lehen saskiratzea sartuta, eta bigarren jabetzan hiruko jaurtiketa saskiratuta (2-5), baina hasierako bi minutuen ostean, etxeko taldea nagusitu da, eta aurrea hartu du (10-9). Ondoren, abantailak handituz joan da UCAM Murtzia, lehen laurdena etxeko taldearen aldeko 21-15eko emaitzarekin bukatu delarik.
Zortzi puntuko abantaila hartu du Murtziak (28-20) bigarren laurdeneko lehen lau minutuetan, baina Baskoniak hiru puntura murriztu du desabantaila (30-27). Arabako taldearen erantzuna eta gero, berriro etxeko taldeak zuloa ireki du 35-29, eta Perasovicek zuzentzen duen taldeari maldan gora jarri zaio laurdena. Hala ere, lanean jarraitu du Baskoniak, emaitza iraultzea lortu du, eta aurrea hartuta iritsi da atsedenaldira (37-38).
Atsedenaldiaren ostean, Kirolbet Baskonia nagusi izan da kantxan, eta Gasteizko taldeak zazpi puntuko errenta lortu du (37-44). UCAM Murtziak, ordea, ez du burua makurtu eta erantzun bikaina eman dio Baskoniari, hirugarren laurdena amaitzeko lau minutu falta zirenean norgehiagoka berdinduta (47-47). Momentu txarra gainditzea lortu du talde gasteiztarrak, eta nola gainera, amaiera bikaina eman baitio hirugarren laurdenari, hamabi puntuko abantaila erdietsita (50-62).
Baskoniak nahiko bideratuta utzi du partida aurreko laurdenean; gainera, hasiera bikaina eman dio azken laurdenari, markagailuan zulo handia irekita (50-67, 52-69 eta 54-71). Azken txanpan emaitza txukundu du UCAM Murtziak, baina ez du aurkaria estutasunetan jarri, eta Baskonia atera da garaile (75-86).
Fitxa teknikoa:
75. UCAM Murtzia (21+16+13+25): Rafa Luz (7), Townes (12), Larentzakis (4), Eddie (14) eta Hunt (5) -hasierako taldea-, Radoncic (5), Lecomte (9), Cate (8), Edu Durán (3), Rojas (-), Tumba (2) eta Sakota (6).
86. Kirolbet Baskonia (15+23+24+24): Henry (7), Vildoza (14), Stauskas (8), Shengelia (19) eta Eric (2) -hasierako taldea-, Janning (6), Diop (3), Sergi García (6), Fall (6), Shields (15) eta Polonara (-).
Epaileak: Jose Antonio Martin Bertran, Jordi Aliaga Sole eta David Sanchez Benito. UCAM Murtziako jokalaria den Eddie kanporatu dute, 39. minutuan.
Zure interesekoa izan daiteke
Kosner Baskoniak iragarri du Rafa Villarrek ez duela taldean jarraituko
Eskoltak denboraldi bat eman du euskal klubean. 2028ra arteko kontratua zuen, baina ez du jarraituko 2026-2027 denboraldian.
Baskonia-Alaves Taldeak Buesa Arena erosi nahi dio Arabako Foru Aldundiari
Operazioaren epeak eta zenbatekoak ez dituzte jakinarazi, baina Josean Querejeta taldeko presidenteak eta Ramiro Gonzalez ahaldun nagusiak salerosketa gauzatzeko borondate argia azaldu dute.
DJ Stewart, Kosner Baskoniaren lehen fitxaketa
Esloveniako Cedevita Olimpija taldetik dator, eta bi denboraldirako sinatu du.
Forrest, Nowell, Omoruyi, Radzevicius eta Edwardsek ez dute Baskonian jarraituko
Klubak "eskerrak eman dizkie guztiei izan duten konpromisoagatik eta profesionaltasunagatik".
Pablo Pinek entrenatzaile laguntzaile gisa jarraituko du Kosner Baskoniaren aulkian 2027ra arte
Granadako prestatzaileak laguntzaile gisa lur hartu zuen iragan denboraldian, Gasteizen. Baskoniaren hitzetan, lehentasuna izan da "aulkietan eskarmetu handia" duen lantaldeari eustea.
Felix Fernandezek baieztatu egin du Galbiatik eta Spagnolok taldean jarraituko dutela, Forrestek alde egingo duela eta Cabarrotekin negoziatzen ari direla
Bestalde, Bartzelonak Xevi Pujol idazkari teknikoa fitxatzeko agertu duen interesa "lehia bidegabetzat" jo du Kosner Baskoniaren kirol zuzendariak, "unea egokia ez" delakoan, ACB ligako garaikurra lortzeko play-offa jokatu aurretik izan delako.
Kobi Simmonsek Kosner Baskonian jarraituko du 2028ra arte
Joko-antolatzaile estatubatuarrak denboraldi ona egin du, eta Arabako hiriburuan jarraitzeko aukera eman dio horrek. "Gasteizera iritsi zenetik ezin hobeto egokitu da taldera, eta zaleei gau bikainak eskaini dizkie", azaldu du Baskoniak.
Galbiati: “Nire bizitzako denboraldirik zailena izan da"
Paolo Galbiati Kosner Baskoniako entrenatzaileak aitortu duenez, Endesa Ligako play-offetan Asisa Joventuten aurka galdu ostean, bere bizitzako "denboraldirik zailena" izan da.
Kosner Baskonia Asisa Joventut final-laurdenetako play-offeko hirugarren partidaren laburpena (88-96)
Kosner Baskoniak porrot gogorra jaso du Asisa Joventuten aurka igande honetan (88-96), eta Endesa Ligako play-offetatik kanpo geratu da. Ikusi hemen partidaren laburpena.
Kosner Baskoniak berriro galdu du Joventuten aurka, eta play-offetatik at geratu da (88-96)
Paolo Galbiatik zuzentzen duen taldeak ezin izan du etxean agindu, eta bigarren porrotarekin Endesa Ligako play-offetatik kanpo geratu da.