Baskoniak hasiera ezin hobea eman dio Endesa Ligari, Estudiantesen aurka irabazita
Buesa Arenak Chicho Sibiliori egindako omenaldiarekin eman dio hasiera Ligako lehen partidari, eta segidan, hasi bezain pronto, alegia, Jason Grangerrek min hartu du eta norgehiagoka bertan behera utzi behar izan du.
Bestalde, jokoaren hasiera parekatua izan da oso, biak ala biak presioan ondo aritzeaz gain, erasoan ere eraginkor aritu baitira. Minutuek aurrera egin ahala, ordea, Perasovicek gidatutako taldeak aldea handitu du lehen laurdenari 22-16ko emaitzarekin amaiera emanez.
Bigarren laurdenean, berriz, Movistar Estudiantesek aldea txikitu eta markagailua irauli du Kirolbet Baskoniaren aurretik jarriz. Hala ere, gutxi iraun die pozak, izan ere, talde arabarrak hutsuneak bete eta emaitza berriz parekatzea lortu du. Behin martxa hartuta, gainera, aurrera ekin dio eta gehitzen jarraitu du lau puntuko aldea eskuratuz; hala ere, partidaren logikari jarraituz, alde minimoari heldu eta 47-46ko emaitzarekin iritsi da atsedenaldira.
Baskoniak Lyca Vldoza, Patricio Garino, Matt Janning, Tornike Shengelia eta Micheal Eric jokalariekin heldu dio partidaren bigarren zatiari eta norgehiagokaren hirugarren laurdenari. Ondo aukeratu omen du, gainera, aurreko bi laurdenak oso parekatuak izan diren bitartean, hirugarren honetan Baskoniak aldea handitu eta hainbat jokaldi arrakastatsu uztartu ditu, hirugarren laurdenari 12 puntuko aldearekin emanez amaiera.
Azken txanpan, Estudiantesek ezin izan du talde arabarraren kemena geldiarazi eta Perasovicen taldeak Endesa Ligari gogotsu ekin diola erakutsi du aldea mantenduz eta berau handitzen saiatuz. Azkenik, talde arabarrak norgehiagoka zirragarria eskaini die Fernando Buesa Arenara gerturatu diren zale guztiei, izan ere, norgehiagoka parekatua izatetik, Baskonia jaun eta jabe izatera iritsi da (105-82).
Fitxa teknikoa:
105 - Kirolbet Baskonia (22+25+27+31): Vildoza (18), Granger (2), Shields (8), Shengelia (19) eta Eric (8) -lehen bostekoa-, Gonzalez (-), Henry (14), Janning (8), Diop (4), Fall (10), Garino (8) eta Pollonara (6).
82 - Movistar Estudiantes (16+30+16+20): Pressey (13), Brizuela (17), Dangubic (8), Dukan (13) eta Arteaga (9) -lehen bostekoa-, Palacios (2), Sow (-), Scrubb (4), Gedraitis (3) eta Kadji (13).
Epailea: Daniel Hierrezuelo, Jorge Martinez eta Roberto Lucas.
Zure interesekoa izan daiteke
Kosner Baskoniak Real Madril hartu du mendean, eta bigarren postua du jomugan (83-88)
Kosner Baskoniak 83-88ko emaitzarekin irabazi dio Real Madrili, Movistar Arena pabiloian. Neurketaren azken txanpan Timothe Luwawu-Cabarrot frantziarrak erakustaldia eman du. Baskonia, 24 garaipenekin, Endesa Ligako sailkapeneko bigarren postuan kokatu da, jardunaldi bakar baten faltan.
?fmt=webp-alpha&qlt=80)
Badalonan jokatuko du Kosner Baskoniak 2026ko Superkopa, irailaren 19an eta 20an
Valentzia Basketen, Joventuten eta 2025-2026 denboraldiko Endesa Ligaren irabazlearen aurka jokatuko du talde gasteiztarrak; Endesa Liga Baskoniak, Valentziak edo Joventutek irabaziko balute, play-offean hobekien sailkatutako taldea izango da laugarren parte-hartzailea.
Kosner Baskoniak hortzak erakutsi ditu Granadaren aurka (121-85)
Kosner Baskoniak bere hortzak erakutsi ditu igande honetan Coviran Granadaren aurka, eta garaipen sendoa lortu du, 121-85, Endesa Ligako bigarren postua lortzeko lehian.
Kosner Baskoniak mendean hartu du UCAM Murtzia (87-80), eta Endesa Ligako bigarren posturako lehia estutu du
Ostegun gauean Buesa Arenan jokatutako partidan, Kosner Baskoniak ia neurketa osoan izan du kontrolpean markagailua. Hala, Galbiatiren taldeak sendo jarraitzen du Ligaren sailkapenean bigarren tokia eskuratzeko borrokan.
Kosner Baskoniak Valentziaren Europako nekea aprobetxatu du (86-88)
Kosner Baskoniak 86-88ko emaitzarekin irabazi dio Valentzia Basketi Roig Arenan, final estu batean. Etxekoak, azken kolpe ikusgarri batekin, partida iraultzeko zorian izan dira.
Kapitaina entrenamenduetara itzuli da, bi ebakuntza eginda, bost hilabeteko etenaren ondoren
Galbiatik jokalari lituaniarra erabili ahal izango du Valentziaren aurkako hurrengo partidan, nahi izanez gero. Sedekerskisek min hartu zuen orkatilan Eurobasketeko lehian, eta bi ebakuntza egin zizkioten, abenduan eta martxoan.
Kosner Baskoniak Breogan gainditu du eta hurbilago dauka bigarren postua (112-84)
Kosner Baskoniak Rio Breogani gailendu zaio 112-84 garaipen garrantzitsua lortuta, eta emaitza honen ondorioz, sailkapeneko onenen arteko aldea murriztu egin da. Valentzia Basketen eta Ucam Murtziaren porrotei esker, gasteiztarrek sailkapeneko goiko postuetan jarraitzen dute.
Kosner Baskoniak lehia estua galdu du Bartzelonaren aurka (92-95)
Kosner Baskoniak 92-95eko emaitzarekin galdu du Bartzelonaren aurka Endesa Ligako 28. jardunaldian. Atzetik hasi den arren, markagailuari buelta eman eta azken minutuetara arte agindu du, Toko Shengelia funtsezkoa izan delarik Bartzelonaren garaipena lortzeko.
Galbiati: “Forrestek ez du oraingoz ezer sinatu"
Paolo Galbiati Kosner Baskoniako entrenatzaileak ostiral honetan adierazi duenez, Trent Forrest berarekin hitz egin ostean, jokalariak "ez du oraingoz ezer sinatu", eta jokalaria"kontzentratuta" dago. "Orain garrantzitsuena denboraldia modu egokian amaitzea da", adierazi du teknikariak, eta balizko merkatu mugimenduei buruz hitz egitea klubari dagokion gaia dela esan du.
Kosner Baskoniak galdu egin du Joventuten etxean (81-69)
Gasteiztarrak galtzaile atera dira Endesa Ligako 27. jardunaldiko partidan.