Baskoniak sendo jarraitzen du Endesa Ligan
Kirolbet Baskoniak garaipena lortu du Montakit Fuenlabradaren aurka (101-92) Endesa Ligako 29. jardunaldian. Euroligatik at geratu osteko lehen partida jokatu du Arabako taldeak, eta irabazi egin du, kostata izan bada ere.
Neurketaren hasiera parekatua izan da. Baskoniari kosta egin zaio abantaila hartzea, eta Fuenlabradak etxeko taldearen maila bera ematea lortu du lehen bost minutuetan. Ondoren, talde arabarraren kalitatea nagusitu da, eta Baskoniak sei puntuko abantaila eskuratu du (26-20), lehen hamar minutuak bederatzi puntuko errentarekin bukatuz (29-20).
Gaizki ekin dio Kirolbet Baskoniak bigarren laurdenari. Fuenlabradak, aldiz, ondo, 0-4ko emaitza lortuta (29-24). Perasovic entrenatzaileak hutsartea eskatu du, eta Baskonia berriro nagusitu da Buesa Arenan. Defentsako jokoa sendotuta eta erasoan asmatuta, abantaila hartu du berriro Arabako taldeak, eta 53-44ko emaitzarekin heldu da atsedenaldira.
Atsedenaldiak ez dio on egin Kirolbet Baskoniari; bai, ordea, Montakit Fuenlabradari. Madrilgo taldeak neurketa berdindu du, 0-9ko partziala lortuta (53-53). Gasteizko taldeak ez du erasoan asmatu, eta defentsan erraztasunak eman dizkio aurkariari. Ondorioz, lehia estutu egin da. Hala ere, Baskoniak ondo jokatu ditu hirugarren laurdeneko azken hiru minutuak, eta zazpi puntuko abantaila hartu du (80-73) azken laurdenari ekiteko.
Amaierako laurdenaren hasieran, bederatzi puntuko errenta hartu du Baskoniak (85-76). Ondoren, baina, txakalaldia izan du, eta Fuenlabrada izan da nagusi. Madrilgo taldea puntu bakarrera kokatu da (90-89), partida amaitzeko bost minutu falta zirenean. Azken hiru minutuetan, Kirolbet Baskoniak Fuenlabradak baino gehiago asmatu du jaurtiketetan, eta garaipena erdietsi du (101-92).
Fitxa teknikoa:
101 - Kirolbet Baskonia (29+24+27+21): Huertas (8), González (3), Garino (11), Shengelia (22), Poirier (13) -hasierako taldea-, Voigtmann (3), Sedekerskis (0), Diop (4), Jones (2), Shields (15) eta Hilliard (20)
92 - Montakit Fuenlabrada (20+24+29+19): Bellas (9), OŽLeary (2), Cruz (22), Eyenga (16), Kravstsov (14) -hasierako bostekoa-, Rowland (10), Rupnik (0), Garcia (3), Kemp (12), González (4) eta Clark (0)
Epaileak: Daniel Hierrezuelo, Oscar Perea eta Carlos Merino. Patricio Garino (33. min) eta Shavon Shields (38. min) kanporatu dituzte, bost fakta egiteagatik
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.