Kirolbet Baskoniak ezin izan dio Olinpiakosi irabazi Buesa Arenan (80-85)
Kirolbet Baskoniak aurtengo Euroligako lehen porrota jaso du asteazken honetan, Olinpiakosen aurka Buesa Arenan 80-85 galdu baitu. Eragozpenez betetako neurketa izan dute etxekoek, baina markagailua iraultzeko zorian izan dira 19 puntuz galtzen egon eta gero. Aitzitik, garaipena greziarrek eskuratu dute azkenean.
Euroligako historian gehien errepikatu den partidan (19 aldiz jokatu dute elkarren aurka), kanpotarrak nagusi izan dira lehen hiru laurdenetan, Nikola Milutinov pibot serbiarraren lan apartari esker. 23 puntu, 11 errebote eta 33ko balorazioa lortu ditu lehiaren amaieran.
David Blatt entrenatzaile berriak ezarri duen joko erasokorrak lehiaketako bigarren garaipena ekarri die greziarrei. Hala ere, etxekoek ez duten inoiz amore eman, arerioaren eraginkortasuna handia izan eta norgehiagokan zehar bi lesio jasan arren. Batetik, Shavon Shieldsek kolpea hartu du aurpegian, eta ezin izan du jokatzen jarraitu. Bestetik, Darrun Hilliardek herrenka utzi behar izan du kantxa.
Milutinoven jardun bikainari jarraipena eman diote Vassilis Spanoulis, Axel Toupane eta Nigel Williams-Goss taldekideek (11 puntu lortu ditu bakoitzak), eta hirugarren laurdenaren amaieran partida erabakita zegoela zirudien (49-67), nahiz eta Jayson Grangerrek azken unean bere zelaitik hiruko jaurtiketa ikusgarri bat sartu duen.
Alabaina, saskiratze horrek Buesa Arenako zaleak piztu ditu, eta uruguaitarraren (17 puntu) eta Tornike Shengelia kapitainaren (21 puntu) artean, kontrako aldea murrizten joan dira gutxika-gutxika etxekoak. Hartara, 22-8ko partziala erdietsi dute, eta, hiru minuturen faltan, partida irabazteko lehian erabat sartu dira (71-75).
Haatik, une erabakigarrietan, Olinpiakosek eskarmentua erakutsi du. Ez da kikildu presioaren aurrean, eta garaipena lortu du.
Porrot horren ostean, Baskoniak Real Madril izango du aurkari ostiralean, Euroligako hirugarren jardunaldian.
Fitxa teknikoa:
Kirolbet Baskonia 80 (19+20+13+28): Huertas (-), Hilliard (8), Shields (2), Voigtmann (2) eta Poirier (10) –hasierako bostekoa–; Granger (17), Janning (6), Diop (2), Shengelia (21), Miguel Gonzalez (-), Garino (5) eta Vildoza (7).
Olinpiakos 85 (27+23+17+18): Williams-Goss (11), Spanoulis (11), Timma (-), Printezis (5) eta Milutinov (23) –hasierako bostekoa–; Mantzaris (-), Strelnieks (10), Toupane (11), Vezenkov (4), Papanikolau (8), Bogris (2) eta Leday (-).
Epaileak: Mateij Boltauzer (Eslovenia), Olegs Latisevs (Letonia) eta Amit Balak (Israel). Ez dute inor kanporatu.
Zure interesekoa izan daiteke
?fmt=webp-alpha&qlt=80)
Kosner Baskoniak Belgraden, Partizanen aurka, emango dio buru 2025-2026 Euroligako bere ibilbideari
Paolo Galbiatiren taldeak ezin izan du Euroligara eraman beste txapelketetan egiten ari den denboraldi bikaina. Gasteizko taldeak aldi bakarrean garaipena lortu duen kantxa batean (2002) irabaztea bilatuko du.
Forresten jokaldi batek garaipena eman dio Kosner Baskoniari etxean, Dreamland Kanaria Handiaren aurka (88-86)
Trent Forrestek amaierarako zazpi segundoren faltan egindako magia trikimailu batek garaipena eman dio Kosner Baskoniari, 88-86, Dreamland Kanaria Handiaren aurka Buesa Arenan jokatutako partidan.
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.