Baskoniak erakustaldia eman du Fuenlabrada jipoituta
Kirolbet Baskoniak aise irabazi dio Montakit Fuenlabradari (60-110) Endesa Ligako laugarren jardunaldiko partida. Arabako taldeak ez du nekea igarri ostiralean Zalgirisen aurka Kaunasen jokatu zuen arren Euroligako norgehiagoka.
Pedro Martinezek zuzentzen duen taldeak 0-10eko partziala lortu du neurketaren hasieran, horrek lasaitasuna eman diolarik. Fuenlabradak lortu du hasierako partziala etetea (2-10), baina Baskonia oso fin ibili da erasoko zein defentsako lanean, eta 13 puntu jarraian sartuta, 21 puntuko errenta eskuratzera iritsi da (2-23). Arabako taldeak 23 puntuko abantaila lortu du (8-31) lehen laurdenaren amaieran.
Bigarren laurdenean ez da neurketaren gidoia aldatu, Fuenlabradak lortu duen arren lehen saskiratzea. Kirolbet Baskonia jaun eta jabe izan da, eta etxeko taldea ezinean ibili da. Ondorioz, 38 puntugatik irabazten heldu da atsedenaldira (25-63) talde gasteiztarra.
Atsedenaldirako bideratuta izan du garaipena Baskoniak, baina Pedro Martinezek zuzentzen duen taldea ez da erlaxatu, eta ez dio utzi aldeak murrizten aurkariari. Baskoniaren aldeko 42-90eko emaitzarekin iritsi da partida azken laurdenera.
Amaierako hamar minutuetan emaitza txukuntzen saiatu da Fuenlabrada, baina desabantaila handia izan da, Baskonia gozatzen ibili da, eta Arabako taldeak arazorik gabe eskuratu du garaipena (60-110).
Fitxa teknikoa:
60 - Montakit Fuenlabrada (8+17+17+18): Bellas (9), Popovic (10), Eyenga (2), O'Leary (13), Zanna (2) -hasierako bostekoa-, Clark (2), Cruz (5), Llorca, Gonzalez (4), Rupnik (10) eta Garcia (3).
110 - Kirolbet Baskonia (31+32+27+20): Huertas (9), Hilliard (24), Shields (5), Voigtmann (12), Diop (9) -hasierako bostekoa-, Poirier (8), Janning (12), Garino (8), Granger (11), Shengelia (9) eta Gonzalez (3).
Epaileak: Antonio Conde, Luis Miguel Castillo eta Alberto Sanchez Sixto. Kanporaturik gabe.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.
Baskoniaren zazpigarren Kopak utzitako hainbat bitxikeria: hamar jokalarik egin dute debuta, eta horietako bat, Forrest, MVP
Baskoniak 2009tik ez zuen Kopako finalik jokatzen, eta orduan ere gailendu zen; 73 urtean, soilik Unicajak eta Gasteizko taldeak menderatu dituzte Bartzelona eta Real Madril Kopa batean. Trent Forrestek bereganatu du MVP saria; duela 17 urte lortu zuen hori azkenekoz Baskoniako jokalari batek, Teletovicek, hain zuzen.