Baskoniak garaipen landua eta garrantzitsua lortu du Obradoiroren aurka
Baskoniak garaipen landua eta garrantzitsua lortu du Obradoiro Monbus taldearen aurka (85-78) Buesa Arena pabilioian eta Pedro Martinezek zuzentzen duen taldeak laugarren garaipena jarraian lortu du Endesa Ligan.
Oso parekatuta hasi da partida eta berdinketak bata bestearen ostean errepikatu dira markagailuan (2-2, 5-5, 10-10, 12-12, 14-14). Bi taldeetako batek ere ez du lortu alde egitea, baina Baskoniak bost puntuko abantaila hartu du lehen laurdeneko azken txanpan eta Obradoirok hirura murriztu du desabantaila lehen hamar minutuen amaieran (21-18).
Bigarren laurdenean ere ez da aldatu partidaren gidoia. Parekotasuna izan da nagusi. Arabako taldea aurretik joan da markagailuan ia laurden guztian zehar, baina oso abantaila txikiekin. Atsedenaldira iritsi orduko, ordea, Monbus Obradoirok bi puntuko abantaila hartu du (37-39). Azken jabetzetan, Baskoniak lehia berdindu (39-39, 41-41) eta atsedenaldira bi puntuko abantailarekin iristea lortu du (43-41).
Ondo ekin dio hirugarren laurdenari Baskoniak, sei puntuko abantaila lortuta (50-44), baina Obradoiro ez da kokildu eta neurketa berdintzea lortu du (57-57). Arabako taldeak, ordea, ondo baliatu ditu azken jabetzak eta bost puntuko errentarekin amaitu du laurdena (66-61).
Azken laurdenaren hasieran hamaika puntuko aldea hartu du Baskoniak (72-61) eta ematen zuen garaipena bideratuta duela. Hala ere, aldeak murriztu ditu talde bisitariak eta amaierarko minutu bat falta izan denean hiru puntura hurbildu da (79-76). Dena den, Baskoniak ondo maneiatu ditu azken segundoak, aurkariak baino gehiago asmatu du erasoan eta garaipena lortu du, 85-78ko emaitzarekin.
Fitxa teknikoa:
85 - Baskonia (21+22+23+19): Huertas (16), Matt Janning (15), Malmanis (8), Shengelia (18), Poirier (10) -hasierako bostekoa- Timma (4), Voigtmann (4), Beaubois (4), Granger (4), Kevin Jones (2) eta Vildoza (-).
78 - Monbus Obradoiro (18+23+20+17): Pepe Pozas (10), Matt Thomas (10), Bendzius (5), Ben Simons (3), Pustovyi (16) -hasierako bostekoa- Sabat (13), Llovet (6), Radovic (6), David Navarro (0), Corbacho (0) eta Laksa (9).
Epaileak: Jimenez Trujillo, Castillo eta Sanchez Sixto.
Sanchez Sixto.Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.
Kosner Baskoniak Casademont Zaragoza jipoitu eta sailkapeneko hirugarren postua eskuratu du (115-88)
Neurketa arabarren alde jarri da lehen minutuetatik, eta 38 puntuko errenta ere izan dute. Talde gasteiztarrak UCAM Murtzia 17 garaipenekin berdindu du sailkapenean. Aragoiko taldeak, aldiz, garaipen bakarreko aldea du jaitsiera postuekiko.
Kosner Baskoniak Andorrari irabazi dio, Forrest eta Luwawu-Cabarroten joko bikainarekin (79-88)
Kosner Baskoniak 79-88 garaitu egin du MoraBanc Andorra, Endesa Ligako 24. jardunaldian, Trent Forrestek (21 puntu) eta Luwawu-Cabarrotek (20 puntu) partida bikaina egin dutelarik. Hala, bolada onean jarraitzen du Ligan, eta laugarren postuari sendo heltzen ari zaio.
Kosner Baskoniak hobekuntza berretsi du Hapoel Tel Aviven aurka (118-109)
Gainera, errekorra jarri dute Euroligan, lehen zatian lortutako puntuen marka hobetuta (67-64).
Kosner Baskoniak Hapoel Tel Aviv jasoko du ostiralean, ateak itxita, Euroligan
Talde gasteiztarra txapelketan daukan zortzi porroteko aldi txarrari amaiera ematen saiatuko da, sailkapenaren bosgarren postuan dagoen taldearen aurka. Partida 20:30ean hasiko da.
Chima Monekek Kosner Baskonia geldiarazi du luzapenean (100-108)
Baskoniako jokalari ohiak neurketa bikaina jokatu du Buesa Arenan. Bere itzuleran, Nigeriako hegal-pibotak txalo baino txistu gehiago entzun behar ditu Gasteizen.
?fmt=webp-alpha&qlt=80)
Kosner Baskoniak garaipenaren bidera itzuli nahi du Euroligan, Izar Gorriaren aurka, asteazkenean
Paolo Galbiatiren taldeak Europako txapelketako azkeneko zazpi partidak galdu ditu, eta sailkapenaren bederatzigarren postuan dagoen talde baten aurka jokatuko du. Partida Buesa Arenan jokatuko da, asteazken honetan, 20:30etik aurrera.