Baskoniak Fenerbache jipoitu du Istanbulen
Caja Laboral Baskoniak Fenerbache aise hartu du mendean (75-97), Istambulen. Horrela, arabarrek hamaseigarren garaipena jarraian lortu dute eta Euroligako Top 16an lau partidatik lau irabazi dituzte.
Caja Laboral ondo kantxaratu da Turkian, eta defentsa estua erabili du lehen laurdenean markagailuan aurrea hartzeko (19-20). Hala ere, Fenerbachek ez du etsi eta jarraitzaileen laguntzarekin gertu mantendu da.
Bigarren laurdenak norabide beretik jarraitu du. Zan Tabaken jokalariak defentsan ongi aritu dira eta partidaren erritmoa markatu dute. Hala ere, azken minutuetan arabarrek etxekoen opariak ederki aprobetxatu eta abantaila lortu dute (32-48). Nemanja Bjelicak hiruko marratik erakustaldia eman du lehen zatian, lau hiruko sartu baititu.
Gasteiztarrak lokartuta itzuli dira atsedenalditik eta Fenerbachek aldea erdira murriztu du pare bat minututan. Hala ere, turkiarren pozak gutxi iraun du; izan ere, arabarrak nagusi izan dira berriro kantxan, eta etxekoen erabaki okerrak aprobetxatu dituzte partida ia erabakita uzteko (51-71).
Azken laurdenean Caja Laboralek abantaila ederki kudeatu eta areagotu du. Horrela, garaipen berri bat baieztatu du Baskoniak Istanbulen.
Fitxa teknikoa:
75 Fenerbahce Ulker (19+13+19+24): McCalebb (15), Sato (4), Bogdanovic (16), Andersen (3), Batiste (2)-hasierako bostekoa-, Preldzic (16), Ilkan (2) Oguz (11), Omer (1), Tripkovic (5), Peker, Baris.
97 Caja Laboral (20+28+23+26): Heurtel (4), Oleson (1), Nocioni (19), M. Bjelica (10), Lampe (13)-hasierako bostekoa-, Cook (5), San Emeterio (13), Pleiss (4), N. Bjelica (16), Causeur (9), Cabezas (3).
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.