Zan Tabak: 'Zazpi urte prestatzen eman ditut une honen zain'
"Azken zazpi urteak prestatzen eman ditut une honen zain eta Caja Laboral bezalako talde handi batek deitzea ez nuen espero", adierazi du Zan Tabak Baskoniako entrenatzaile berriak.
Zan Tabak entrenatzaile berria aurkeztu du arratsaldean Caja Laboralek. Kroaziarrak denboraldi hau eta hurrengoa emango ditu taldean.
Entrenatzailea 'Baskonia filosfiaren' barnean kokatu du Felix Fernandez talde arabarraren kirol zuzendariak. Fitxaketarekin asmatu dutela erantsi du. "Gure entrenatzailea da, seguru", adierazi du. Taldea egoera zaila igarotzen ari dela azaldu du Fernandezek, "horregatik batasuna ezinbestekoa da aurrera egiteko".
Defentsan oinarritutako filosofia defendatzen du Tabakek eta entrenatzaile bezala Espainian hazi da. Baskoniak "ACB ligan kanpoko jaurtiketarik onenetakoa" duela ziurtatu du Tabakek. Talde "lehiakorrari" etekinik handiena ateratzea espero duela gaineratu du.
"Ez naiz aztia"
"Ez naiz azti bat, hiru egunetan taktikoki eta teknikoki aldatzea oso zaila da", onartu du. Entrenatzaile berriarekin jokalariek zerbait gehiago eskaintzea espero du Tabakek.
"Gose, anbizio eta koloreak sentitzen dituzten" jokalarien aldeko apustua egin du entrenatzaile berriak. Era berean, jokalariak "garrantzitsu sentitu behar" direla azpimarratu du.
Konparaketak beti gorrotagarriak direla esan du eta berak nortasun propioa duela argi utzi nahi izan du: "Dusko nire laguna da eta arrasto garrantzitsua utzi du talde honetan, baina ni ez naiz Dusko".
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.