Kutxabank Araskik mendean hartu du Lointek Gernika denboraldiko lehen euskal derbian (58-55)
Kutxabank Araskik 58-55 garaitu du Lointek Gernika Bizkaia igande honetan Mendizorrotzako kiroldegian jokatu den Emakumezkoen Endesa Ligako bigarren jardunaldiko euskal derbian.
Bisitariak hobeto sartu dira partidan, kantxan ondo kokatuta. Hala ere, etxeko taldeak eraso bertikalagoa eta zonako defentsa sendotu ditu, eta bi taldeak berdinduta iritsi dira lehen hamar minutuen amaierara (18-18).
Bigarren laurdenean, norgehiagoka moteldu eta trabatu egin da, baloi asko galdu baitituzte. Defentsan arazoak izan ditu Made Urietaren taldeak, eta Bizkaiko taldeak, hiru errebote jarraian hartuta, markagailuan aurrea hartzea lortu du. Bi puntuko abantailarekin joan da atsenaldira Luca Fernandezen taldea (26-28).
Berdinketa nagusi izan da hirugarren laurdenean, baina erreboteko lanak hobeto zaindu ditu Arabako taldeak. Azken minutuetan, alderik handiena lortu du etxeko taldeak, eta 6 puntuko errenta eskuratu du (44-38).
Isabela Jourdan Kutxabank Araski taldeko jokalariak min handia egin du laugarren laurdenean, eta etxeko taldeak 5 puntuko errenta lortu du hasierako minutuetan (46-41). Lointekek, baina, aldea murriztu du, eta aurretik jarri da markagailuan, erasoan erabaki zuzenak hartuta (54-55).
Oso partida parekatua izan da, eta akatsak garesti ordaindu dira. Partida amaitzeko 14 segundo falta zirenean, 3 puntuko aldea zuen Made Urietaren taldeak (58-54), Lointekek hirukoa sartzeko ahalegina egin du, baina garaipena etxekoek eskuratu dute azkenean.
IDK Euskotrenek galdu egin du Valentzian (69-54)
Azu Muguruzaren taldea partidan ondo sartuta egon da. Hirugarren laurdenean, markagailuan aurretik jartzea lortu du, baina ondoren behera egin du nabarmen, eta garesti ordaindu du. Valentziak harrapatu egin du, eta erabat nagusitu da azken minutuetan (69-54).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.