Kutxabank Araskik eta IDK Euskotrenek mailari eustea izango dute jokoan azken jardunaldian
Jardunaldi bakarra falta da 2024-2025 Endesa Ligako fase erregularra bukatzeko. Azken jardunaldia apirilaren 14an jokatuko da, larunbatean. Bi euskal taldek mailari eustea izango dute jokoan; Kutxabank Araskik eta IDK Euskotrenek, hurrenez hurren. Orokorrean, euskal taldeen maila kaskarra izan da.
Lointek Gernika Bizkaia play-offera sailkatzeko aukera gabe geratu da, eta ez du ezer izango jokoan azken jardunaldian. Gernika-Lumoko taldeak porrot egin zuen 29. jardunaldian, Islas Canariasen kontra (53-60) galdu baitzuen. Horrenbestez, etxean jokatutako azken neurketa galduta esan die agur zaleei.
Horrez gain, Oses Construccion Ardoik ez dio mailari eutsi eta jaitsiera matematikoa pairatu zuen duela egun batzuk; ondorioz, gutxienez euskal talde bat gutxiago izango dugu datorren denboraldian maila gorenean. Iragan asteburuan, 29. jardunaldian, galdu egin zuen Celtaren aurka (72-59). Datorren larunbatean, 30. jardunaldian, Ardoik eta Lointek Gernikak derbia jokatuko dute, Nafarroako taldearen kantxan.
Bestalde, IDK Euskotrenek eta Kutxabank Araskik mailari eustea izango dute jokoan apirilaren 19ko azken jardunaldian. Araskik ezin izan zuen Perfumerias Avenidaren aurka (87-75) 29. jardunaldian, eta sailkapeneko azken-hirugarrena da, aurretik zein atzetik dituen Celtaren eta IDK Euskotrenen garaipen kopuru berarekin; hau da, irabazitako 9na neurketarekin daude hiru taldeak. IDK Euskotrenek martxoaren 12an jokatu zuen 29. jardunaldiari zegokion norgehiagoka, eta irabazi egin zion Valentzari (67-63). Dena den, azken-aurreko sailkatua da, eta jaitsiera postuetan ekingo dio azken jardunaldiari.
Kutxabank Araskik etxean jokatuko du 30. jardunaldiko partida Sedis Basqueten kontra; IDK Euskotren, aldiz, Ensinoren aurka ariko da etxetik kanpo. Salbazioa lortzeko borrokan murgilduta dagoen beste taldeak, Celtak, etxetik kanpo jokatuko du Valentzia bigarren sailkatuaren aurka.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.