Bidaideak Bilbaok Kopako titulua defendatuko du Madrilen asteburu honetan
Bidaideak Bilbao ostiral goizean abiatuko da autobusez Madrilera, eta bertan jokatuko du arratsaldetik aurrera gurpil-aulkiko saskibaloiko Errege Kopa, apirilaren 21a eta 23a bitartean jokatuko baita, Madrilgo Miguel Guillen Prim kiroldegian, Villa de Vallecasen.
Adrian Yañezen taldea Velez Malagako Amivel taldea mendean hartzen saiatuko da 19:30etik aurrera, larunbatean, balizko finalerdietan, Ilunion eta FDI Villa de Leganesen arteko partidako irabazlearen aurka jokatu ahal izateko (19:00etan).
Aurtengo txapelketako nobedade nagusia da hiru egunetan jokatuko dela, ohiko bi egunen ordez. Bertan parte hartuko duten taldeak Ligako lehen itzulia amaitzean lehen zortzi postuetan sailkatuta zeudenak izango dira.
Amiab Albacete - Fundacion Aliados, Econy Kanaria Handia - UCAM Murtzia, Bidaideak Bilbao - Amivel eta Ilunion - FDI Villa de Leganes dira final-laurdenetako lau norgehiagokak, martxoaren 9an egindako zozketaren arabera.
Ilunion da Errege Kopako talderik sarituena (19 titulu), Ademi Malaga (10), ONCE Andaluzia (7), Virgen del Rocio (4), ACE Kanaria Handia (2) eta Amiab Albacete eta Bidadeak Bilbao (1) taldeen aurretik.
Ordutegiak:
Ostirala
10:30: CD Ilunion - FDI Villa de Leganes (A)
13:00: Fundacion Aliados - Amiab Albacete (B)
16:30: Econy Kanaria Handia - UCAM Murtzia (C)
19:30: Bidaideak Bilbao - Amivel (D)
Larunbata
16:30: (B) kanporaketako garailea (C) kanporaketako garailearen kontra
19:00: (A) kanporaketako garailea (D) kanporaketako garailearen kontra
Igandea
09:30: Hirugarren eta laugarren postuak
12:00: Finala
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.