Baskonia, nagusi Bilbao Basketen aurkako derbian (100-78)
Cazoo Baskonia nagusitu da Surne Bilbao Basketen aurkako euskal derbian (100-78). Garaipena partida hasieratik lantzen hasita, Bilbao Basketek ezin izan dio aurre egin Gasteizko taldeari.
Lehia erritmo biziarekin hasi da. Markus Howardek bederatzi puntu lortu ditu bost minutuan, eta bilbotarrek Adam Smithek eta Ludde Hakansonek osatutako kanpoko bikotean oinarritu dute jokoa.
Baina Maik Kotsar nagusitu da kantxan, bere parekoak baino intentsitate eta oldarkortasun handiagoarekin, errebotea jasoz eta saskiratzeak lortuz.
Jaume Ponsarnauk zuzendutako mutilek buruz burukoan sufritu dute, eta Adam Smithen parekoek errebotean zigortu dute. Tsalmpourisek baliabide gehiago eskaini dizkio bilbotarren jokoari, baina Baskoniak saskiratze erritmoari eutsi dio eta 24-17 jarri da aurretik.
Etxekoen aulkiak freskotasun handiagoa eman dio gasteiztarren jokoari eta, beltzezko gizonek lehen kolpea jasan duten arren, etxekoen bi hirukok eta protagonista izan den Maik Kotsarrek aldea ireki dute.
Ludde Hakanson eta Adam Smithen itzulerak ez ditu bizkaitarren erasoko arazoak konpondu, atsedenaldia baino lehen Markus Howarden oldarraldia bizi izan baitute (51-27).
Aldageletatik igarotzeak mesede egin die bilbotarrei, 2-11ko partziala lortuz. Ponsarnauren mutilek erasoko jokoa hobetu dute, baina Markus Howardekin eta Maik Kotsarrekin topatu dira, Baskoniaren hasiera kaskarra zuzentzeaz arduratu direnak.
Hortik aurrera, errentak 20 puntutik gora mugitu dira eta azken laurdenean 78-52ko markagailuarekin sartu dira, Vanja Marinkovicen hiruko baten ondoren.
Francis Alonso eta Georgios Tsalmpouris kanpoko jaurtiketekin taldea partidan sartu nahian aritu dira, baina berandu izan da dagoeneko.
Amaierako 100-78ko emaitza harrobiko Pavel Savkovek, Baskoniako jokalari gisa goi mailan hiruko batekin debuta egin duenak eta Sander Raiestekek birrintze batekin eta jaurtiketa libre batekin itxi dute.
Fitxa teknikoa:
100 - Cazoo Baskonia: Heidegger (3), Howard (20), Raieste (-), Enoch (16) eta Kotsar (15) -hasierako bostekoa-; Thompson (2), Giedriaitis (12), Marinkovic (12), Costello (11), Savkov (3) eta Kurucs (5).
78 - Surne Bilbao Basket: Hakanson (4), Adam Smith (16), Rabaseda (4), Sulejmanovic (7) eta Kyser (2) -hasierako bostekoa-; Francis Alonso (18), Radicevic (3), Reyes (2), Anderson (4), Ubal (2), Rosa (2) eta Tsalmpouris (14).
Epaileak: Emilio Pérez Pizarro, Luis Miguel Castillo eta Roberto Lucas. Egotzitakorik gabe.
Zure interesekoa izan daiteke
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", berretsi du Galbiatik.
Tadas Sedekerskisek Kosner Baskoniako zaleekin abestu du "Ikusi Mendizaleak"
Lituaniako jokalaria euskararekin animatu da, eta euskal kanta ospetsua abestu du.
Gasteizek bere txapeldunei harrera beroa egin die zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniako entrenatzaile italiarra zeremonia-maisu izan da, eta Sedekerskis kapitaina 'Ikusi mendizaleak' abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Hau izan da Kosner Baskoniaren omenezko aurreskua
Kosner Baskoniak Errege Kopan lortutako garaipenaren ospakizunean, aurreskua dantzatu da txapeldunen omenez; Algara Dantza Taldea, bere 25. urteurrenean, horretaz arduratu da.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.
Gasteiz irribarrea ahoan da, Baskoniak Kopa irabazita
Hiriak goizaldera arte ospatu du Paolo Galbiatiren taldearen garaipena; orduek aurrera egin ahala, gasteiztarrak egunerokoan murgildu dira, baina ohi baino alaiago, otsaileko edozein astelehenetan baino poz handiagoa izan dutela.