Bilbo izango da Txapeldunen Kopako multzoen faseko egoitzetako bat
Bilbo izango da Txapeldunen Kopako multzoen faseko egoitzetako bat otsailaren 3an eta 4an. Txapelketa hori Europan jokatzen den gurpildun aulkiko lehiaketarik gorena da, eta Bidaideak Bilbao BSR taldeak hartuko ditu antolatzaile izatearen lanak.
Txurdinagako kiroldegian jokatuko dira A multzoko hamar partidak, bost larunbatean eta bost igandean. Multzo horretan, Bidaideak taldearekin batera, Italiako DECO Metalferro Amicacci Abruzzo, Turkiako Galatasaray, Frantziako Hornets Le Cannet eta Ingalaterrako Manchester Revolution arituko dira.
Las Palmas eta Austriako Klosterneuburg hiria dira lehen fase honetako beste bi egoitzak. Multzo bakoitzeko bi onenek final-laurdenak jokatuko dituzte martxoan. Orduko horietan, Alemaniako Thuringia Bulls eta Espainiako AMIAB Albacete izango dira antolatzaileak.
Otsailaren 3a, ostirala
(11:15) Bidaideak Bilbao BSR vs DECO Metalferro Amicacci Abruzzo
(13:30) Hornets Le Cannet vs Galatasaray SK
(15:45) DECO Metalferro Amicacci Abruzzo vs Manchester Revolution
(18:00) Galatasaray SK vs Bidaideak Bilbao BSR
(20:15) Manchester Revolution vs Hornets Le Cannet
Otsailaren 4a, larunbata
(09:00) Galatasaray SK vs DECO Metalferro Amicacci Abruzzo
(11:15) Hornets Le Cannet vs Bidaideak Bilbao BSR
(13:30) Manchester Revolution vs Galatasaray SK
(15:45) DECO metalferro Amicacci Abruzzo vs Hornets Le Cannet
(18:00) Bidaideak Bilbao BSR vs Manchester Revolution
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.