Brizuelak eta Lopez-Arosteguik Frantziaren aurka jokatuko dute finala, Alemania mendean hartuta (91-96)
Xabier Lopez-Aristegui eta Dario Brizuela euskal jokalariek Eurobasketeko finalerako txartela lortu dute ostiral honetan, Berlinen, Espainiako saskibaloi selekzioarekin Alemania mendean hartuta (91-96).
Talde nazionalak defentsako bertsiorik onena erakutsi du azken laurdenean, 20-31ko partzialarekin partida erabaki duenean.
Alemaniaren aurka Lorenzo Brown nabarmendu da, Lituaniaren aurkako final-zortzirenetan ere bera izan baitzen heroia, baina parte hartu duten hamaika jokalariek zeresana izan dute garaipenean.
Espainiak dena eman du lehen laurden ikusgarri batean. Hori bai, saskiratze-trukea izan da, eta talde bakoitzeko bi jokalaririk onenak bikain nabarmendu dira.
Espainia aurkaria defentsa on batekin geldiarazteko gai izan da lehen laurdenean, eta horri esker 6 puntuko aldea izan du, azken minutuan Dario Brizuelaren hiruko bati esker. Alemaniako taldeak erantzun egin du, beste hiruko batekin (24-27).
Bigarren laurdena hasi besterik ez eta Rudy Fernandezek bi hiruko jarraian sartu ditu bere taldeari arnasa emateko (24-33, 33. minutuan).
Hala ere, Alemaniak markagailua irauli du 14-0eko partziala kateatuz, geroago atsedenaldira abantailarekin iristeko (51-46).
Bigarren zatian, Espainiak 2-15eko partziala lortu du (57-61, 25. minutuan). Orduan, Alemaniak berriro estutu du defentsan, hirugarren laurdenaren amaieran aurretik amaitzeko (71-61).
Munduko txapelduna hobeto sartu da azken laurdenera, 6 minutu eta 27 segundora partida berdindu arte (77-77).
Alemaniak ez du amore eman hirukoekin, baina Espainiak hamazazpigarren domina jarraian ziurtatu du Europako Txapelketan, Juancho Hernangomezen matearekin azken segundoan garaipena sinatuz (91-96).
Igandean (20:30ean) Espainiak finala jokatuko du Frantziaren aurka, beste finalerdian Polonia mendean hartu baitu (95-54). Egun berean, Alemaniak eta Poloniak brontzezko domina irabazteko jokatuko dute.
Fitxa teknikoa
91 - Alemania (24+27+20+20): Schroeder (30), Obst (15), Wagner (15), Theis (10), Voigtmann (2) -hasierako bostekoa-, Giffey (-), Lo (9), Thiemann (6), Weiler-Babb (4), Wohlafrart-Bottermann (-).
96 - Espainia (27+19+19+31): Brown (29), Jaime Fernandez (-), Lopez-Arostegui (7), Pradilla (4), Willy Hernangomez (16) -hasierako bostekoa-, Brizuela (5), Alberto Diaz (10), R. Fernandez (6), Garuba (4), Juancho Hernangomez (13) y Sebas Saiz (2).
Epaileak: Ademir Zurapovic (Bosnia Herzegovina), Boris Krejic (Eslovenia) eta Kerem Baki (Turkia). Kaleratuak: Alberto Diaz (40. min).
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.