Bilbao Basket nagusitu da Baskoniaren aurkako euskal derbian
RETAbet Bilbao Basketek garaipena lortu du Kirolbet Baskoniaren aurka (79-75), Endesa Ligako laugarren jardunaldiko euskal derbian. Bilbao Basketen balantzea hiru garaipen eta porrot batekoa da; Baskoniarena, aldiz, hiru porrot eta garaipen bakarrekoa.
Agintzen hasi du partida Bilbao Basketek, eta etxeko taldea nagusitu da lehen minutuetan (5-1). Baskoniak lan eskerga egin behar izan du aurkariak markagailuan ihes ez egiteko. Bost puntuko abantaila eskuratu du Bilbao Basketek, baina, Arabako taldeak puntu bakarrera murriztu ditu aldeak (10-9). Ondoren, bost puntuko abantaila lortu du berriro Mumbruk zuzentzen duen taldeak (14-9), eta lau puntuko errenta eskuratu dute beltzezko gizonek lehen laurdenaren amaieran (18-14).
Bigarren laurdenaren hasieran ere, kosta egin zaio Baskoniari partidan sartzea, eta Bilboko taldeak hamar puntuko abantaila lortu du (34-24). Kirolbet Baskoniaren unerik kaskarrenetakoan, Fall agertu da, lau puntu jarraian sartuta desabantaila txikitzeko (34-28). Shengeliari teknika adierazi diote, eta Bilbao Basketek zuloa ireki du berriro (40-31). Perasovicek zuzentzen duen taldea suspertu egin da bigarren laurdenaren azken txanpan, eta neurketa berdindu du (40-40) atsedenaldira iristeko 20 segundo falta zirenean. Azken jabetza Bilbao Basketek izan du, eta etxeko taldea aurretik joan da aldageletara Balvinen saskiratzeari esker (42-40).
Atsedenaldiaren ostean, RETAbet Bilbao Basketek abantaila hartu du (45-40), baina Kirolbet Baskoniak neurketa berdindu du (46-46 eta 50-50), eta aurretik ere jarri da (50-52) hirugarren laurdena amaitzeko 3 minutu eta 34 segundo falta zirenean, baina Bizkaiko taldeak azkar erantzun du, berriro aurrea hartuz (53-52). Neurketa berdinduta heldu da (55-55) laurdenaren azken segundoetara, eta Bilbao Basket bi puntuko errentarekin iritsi da (57-55) azken laurdenera.
Amaierako hamar minutuetan, parekotasuna izan da nagusi. Etxeko taldeak sei puntuko errenta izan du une baten (63-57), baina Baskonia erne ibili da, eta ez dio ihes egiten utzi (65-64). Norgehiagoka berdinduta iritsi da azken hiru minutuetara (69-69). Bilboko taldeak bost puntuko abantaila hartu du azken bi minutuetan. Errenta hori, ordea, bi puntura murriztu du Baskoniak (77-75) amaierarako 28 segundo falta zirenean. Talde bizkaitarrak baloia galdu du azken segundoetan, baina epaileen erabaki eztabaidagarriak Bilbao Basketi eman dio jabetza, azken segundoetan. Baskoniak falta egin behar izan du, eta Schreinerrek bi jaurtiketak sartu ditu. Azken jabetzan, Baskoniak ez du asmatu, eta garaipena Bilbao Basketentzat izan da (79-75).
Fitxa teknikoa:
79 - RETAbet Bilbao Basket (18+24+15+22): Rousselle (3), Rafa Martínez (7), Bouteille (8), Sulejmanovic (2) eta Balvin (13) —hasierako taldea—; Schreiner (4), Jaylon Brown (11), Sergio Rodriguez (2), Kulboka (7), Cruz (10) eta Lammers (12).
75 - Kirolbet Baskonia (14+26+15+20): Henry (13), Shields (11), Garino (5), Shengelia (14) eta Fall (6) —hasierako taldea—; Stauskas, Janning (10), Pollonara (3), Diop (13) eta Eric.
Partzialak: 18-14, 42-40 (atsedenaldia); 57-55 eta 79-75 (amaiera).
Epaileak: Jacobo Rial, Luis Miguel Castillo eta Jordi Aliaga.
Zure interesekoa izan daiteke
Sarah Pollerosek Lointek Gernika utzi du
Jokalari alemaniarrak ez du Bizkaiko taldean jarraituko; 2025eko udan ailegatu zen bertara.
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.