Gipuzkoa Basketek garaipena oparitu die zaleei, Joventuti irabazita
Delteco GBC taldeak 92-87 irabazi dio Divina Seguros Joventuti Endesa Ligako azken-aurreko jardunaldiko partida, eta talde gipuzkoarrak denboraldiko 13. garaipena eskuratu du.
Ez dio ondo ekin partidari Gipuzkoa Basketek eta Joventut horretaz baliatu da markagailuan zuloa irekitzeko. Kataluniako taldeak 9 puntuko abantaila lortu du (7-16) lehen laurdenaren erdialdean, baina GBCk garaiz erreakzionatu eta desabantaila murriztea lortu du (19-23).
Bigarren laurdena parekatuagoa izan da. Bi taldeetako bat ere ez da gai izan abantaila handiak lortzeko, eta Delteco GBCk neurketa berdintzea lortu du (35-35). Berdinketaren ondoren, ordea, Joventutek abantaila hartu du berriro (35-40) eta Gipuzkoa Basket 5 puntuko desabantailarekin heldu da atsedenaldira (41-46).
Atsedenaldiaren ostean, nagusi izan da talde bisitaria. Lehen minutuetan, lehia estu joan da, baina minutuak igaro ahala Joventutek aldea egin du berriro (57-65). Porfi Fisac entrenatzailea egotzi egin dute, baina taldeak ez du etsi eta hirugarren laurdena berdinduta amaitu da (65-65).
Azken laurdena oso parekatua izan da. Markagailua estu joan da, baina azken bost minutuetan Delteco Gipuzkoa Basket aurkaria baino gehiago izan da. Etxeko taldearen nagusitasunak saria izan du, eta talde gipuzkoarrak garaipena lortu du azkenean (92-87).
Fitxa teknikoa:
92.- Delteco Gipuzkoa Basket: Dani Perez (7), De la Iglesia, Swing (10), Fakuade (9), Clark (11) —hasierako bostekoa—, Chery (18), Van Lacke (7), Agbelese (15), Pardina, Salvo (6), Oroz (4), Maiza (5).
87.- Divina Seguros Joventut: Conger (14), Birgander (8), Ventura (5), Gielo (15), Laprovittola (16) —hasierako bostekoa—, Dimitrijevic (2), Demitrius, Lopez Arostegui (4), Vidal (4), Kulvietis (4), Nogues, Richard (9), Jerome Jordan (6).
Epaileak: Perufa, Araña eta Sanchez. Porfi Fisac kanporatu dute hirugarren laurdenean.
Markagailua: 19-23; 41-46; 65-65; 92-85.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.