Gipuzkoa Basketek garaipen garrantzitsua lortu du Obradoiroren aurka
Delteco Gipuzkoa Basketek 69-72 irabazi dio Monbus Obradoirori Endesa Ligako 16. jardunaldiko partida eta Galiziako taldea gainditu du sailkapenean. Salbazioa lortzeko aurrerapausoa eman du GBCk.
Gipuzkoa Basketek ondo ekin dio partidari. Etxeko taldea urduri kantxaratu da, eta horretaz baliatu da talde gipuzkoarra, 0-7ko partzialari esker abantaila hartzeko (6-11). Nagusi izan da GBC lehen hamar minutuetan eta bost puntuko errenta lortu du (13-18). Bigarren laurdenean, aldiz, Obradoiroren erreakzioa etorri da. Galiziako taldea jaun eta jabe izan da. Laurdenearen erdialdean aurrea hartu du (22-20), eta ondoren txikitu egin du talde gipuzkoarra. Obradoiro, 12 puntuko abantailarekin iritsi da atsedenaldira (41-29).
Atsedenaldiaren ostean, etxeko taldeak lortu du abantailari eustea minutu askotan zehar, baina 46-33kotik, bi puntura hurbildu da Gipuzkoa Basket (46-44) eta laurdenaren amaierarako bi minuturen faltan, aurrea hartu du (50-51). Hala ere, etxeko taldea iritsi da aurretik azken laurdenera (56-54). Amaierako hamar minutuak oso parekatuak izan dira. GBC taldeak hiru puntuko aldea lortu du (64-67), baina Van Lakeri adierazitako kirolez kontrako falta batek lehia parekatu du berriro. Azken bi segundotera hiru puntuko abantailarekin iritsi da GBC, Obradoirok azken jabetza izan du bi segundoren faltan, baina ez du hirukoa sartu eta garaipena eskuratu du talde gipuzkoarrak (69-72).
Fitxa teknikoa:
69 - Monbus Obradoiro (13+28+15+13): Pozas, Corbacho (12), Bendzius (2), Pustovyi (17) eta Llovet (3) -haierako bostekoa- Radovic (4), Simons, Sábat (8), David Navarro (11), Spires eta Laksa (12).
72 - Delteco GBC (18+11+26+27): Dani Perez (12), Salvo (4), Fakuade (7), Swing (8) eta Norel (7) -hasierako bostekoa- Agbelese (8), Van Lacke (16), Clark (7) eta Oroz (3).
Epaileak: Peruga, Ariaga eta Torres.
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.