Gipuzkoa Basketek irabazi egin dio mailari eusteko aurkari zuzena den Burgosi
Delteco Gipuzkoa Basketek 76-99 irabazi dio San Pablo Burgosi Endesa Ligako 14. jardunaldian. Garaipena oso garrantzitsua da talde gipuzkoarrarentzat, Burgos aurkari zuzena baita mailari eusteko lehian eta orain bi garaipen ateratzen dizkio.
Donostiako taldea 6-0 galtzen hasi da, baina azkar erantzun dio Burgosen hasiera onari eta ez dio alde egiten utzi etxeko taldeari. Pixkanaka, aldeak murrizten hasi da Gipuzkoa Basket, neurketa parekatu egin da, eta lehen hamar minutuak berdinduta amaitu dira (20-20). Bigarren laurdenaren erdialdetik aurrera hasi da GBC abantaila garrantzitsuak lortzen eta partida hautsi egin du atsedenaldira iristean (35-47).
Atsedenaldiaren ostean, erabat nagusi izan da Delteco Gipuzkoa Basket. San Pablo Burgos ezinean ibili da, eta urdirutasunak kalte egin dio etxeko taldeari. Horretaz baliatu da GBC eta 24 puntuko abantaila eskuratu du (56-80) hirugarren laurdenaren amaieran. Azken laurdenerako dena erabakita egon den arren, Gipuzkoa Basketek ez du ezustekorik nahi izan, sendo mantendu da bai erasoan, bai defentsan, eta garaipenak ez dio ihes egin (76-99).
Fitxa teknikoa:
76 - San Pablo Burgos (20+15+21+20): Corey Fischer (13), John Jenkins (14), Deividas Gailius (10), Deon Thompson (6), Goran Huskic (3) -hasierako bostekoa-; Thomas Schreiner (5), Alex Barrera (2), Javi Vega(8), Sebas Saiz(7), Edu Martinez (3), Alex Lopez (5).
99 - Delteco GBC (20+27+33+19): Kenny Cherry (17) , Miquel Salvo (3), Fede Van Lacke (15), Michael Fakuade (8), Henk Norel (16)-hasierako bostekoa-; Xabi Oroz (-), Joan Pardina (1), Xabi Beraza (-), Danny Agbelesse (16), Dani Perez (2), Jordan Swing (13), Daniel Clark (8).
Epaileak: Daniel Hierrezuela, Andres Fernandez, Antonio Sacristan.
onio Sacristan.Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.