Gipuzkoa Basket ezustea ematear izan da Bartzelonan
Zapore mingotsa eragi dio Gipuzkoa Basketi Bartzelonan galdutako partidak (81-74). Izan ere, gipuzkoarrek esku-eskura izan dute garaipena, eta balentria gauzatuko zutela ziurtzat eman zitekeen neurketako hainbat momentutan.
Sito Alonsoren mutilek lehen laurden bikaina jokatu dute. Hasiera-hasieratik beldurrik gabe atera direla kantxara, lehen saskiratzea hirukoa izan baita. Robinson sasoi betean aritu da, bai biko eta bai hiruko saskiratzeetan, eta, horri esker, lehen 10 minutuen amaieran Bartzelonak ezin izan du alde handirik zabaldu: 21-19.
Bigarren zatian, GBCk lotsagabe jokatzen jarraitu du, eta kataluniarrek aldea zabaldu ezinik jarraitu dute. Are gehiago, Gipuzkoa Basket aurretik jarri da markagailuan hainbat alditan. Atsedenaldian, Palauko ikusleek ezin zuten sinetsi markagailuan ikusten ari zirena: 37-41.
Bigarren zatian etxekoen erreakzioa espero zuten askok. Baina ez da iritsi, ez lehen minutuetan. Gipuzkoarrek nagusi izaten jarraitu dute, eta aldea handitu ere egin dute: jokoa, eta, batez ere, errebotea, Gipuzkoa Basketena izan da. 10 puntu goitik izan dira.
Bartzelonaren 8 eta 0eko partzialari erantzun ederra eman dio Winchesterrek, hiruko bi jarraian sartuta: 53-57 amaitu da hirugarren laurdena.
Azken 10 minutuen hasieran, GBCk eutsi egin dio abantailari, baina orduan Xavi Pascualen gizonek 15 eta 2ko partziala egin eta emaitza irauli dute. Hala ere, amaierarako minutu baten faltan, Robinsonen hirukoak 73 eta 72 hurbildu ditu donostiarrak. Baina Bartzelonak duen kalitateari eutsi dio eta azkenean garaipena bere alde jaustea lortu du: 81 eta 74.
Fitxa teknikoa:
81 - Bartzelona (21+16+16+28): Marcelinho (21), Abrines (10), Papanikolau (-), Lampe (10), Dorsey (2) -hasierako boskotea-, Sada (-), Pullen (3), Navarro (15), Tomic (14), Nachbar (2), Todorovic (2) eta Hezonja (2).
74 - Gipuzkoa Basket (19+22+16+17): Raulzinho (9), Robinson (26), Winchester (12), Ramsdell (8), Doblas (6) -hasierako boskotea-, Salgado (5), Hanley (3) Huskic (-), Cortaberría (3) eta Olaizola (2).
Zure interesekoa izan daiteke
Kosner Baskoniak Valentzia mendean hartuz nahi dio jarraipena eman Kopako tituluari
Partida Buesa Arenan jokatuko da, ostegunean, 20:30etik aurrera. Aurreikuspena da Kurucs, Diop eta Sedekerskis baja izanen direla, baina Galbiatik Markquis Nowell eta Kobi Simmons eskuragarri izanen ditu.
Paolo Galbiati, Baskoniak izandako harreraz: "Espero nuena baino handiagoa izan da, askoz ere handiagoa"
Entrenatzaile italiarrak, Kosner Baskoniak Gasteizen ospatu duen festaren azken minutuetan, EITBrekin hitz egin du: "Garaipen honek betiko lotuko gaitu", adierazi du Galbiatik.
Tadas Sedekerskisek "Ikusi mendizaleak" abestu du Kosner Baskoniaren zaleekin
Gora etorri da Lituaniako jokalaria, eta kanta ospetsua abestu du.
Gasteizek bere txapeldunei harrera beroa egin die, zazpigarren Koparen ospakizunetan
Gasteizko Andre Maria Zuriaren plaza lepo bete da Paolo Galbiatiren jokalariei harrera egiteko, taldeak bere zazpigarren Errege Kopa irabazi ondoren. Baskoniaren entrenatzaile italiarra zeremonia-maisu izan da, eta Sedekerskis kapitaina Ikusi mendizaleak abestia kantatzera ausartu da.
Paolo Galbiati: “Ezin nuen plaza hau nire klubarentzat beteta ikustea baino hoberik espero”
Paolo Galbiati Baskoniako ikur bilakatu da. Gasteiztarren artean maitatua, eta giroa jartzen paregabea. Honakoak izan dira gasteiztarrei, baskonistei eta bere lan-taldeari eskaini dizkien hitzak.
Sedekerskis: “Zuek gabe Kopa hau ez litzateke posible izango; kolore hauek eta armarri hau defendatzen jarraituko dugu”
Baskoniak Errege Kopan lortutako garaipenaren ospakizuna egin dute gaur Gasteizen. Andre Maria Zuriaren plazako balkoian Tadas Sedekerskis kapitainak eskerrak eman dizkie zaleei, baita Markus Howardek ere: “Inor baino gehiago merezi duzue; garaipen hau gurea bezain zuena da”.
Aurreskua egin diote Kosner Baskonia txapeldunari
Kosner Baskoniak Errege Kopan lortutako garaipenaren ospakizunean, aurreskua dantzatu diete txapeldunei; Algara Dantza Taldea arduratu da horretaz, bere 25. urteurrenean.
ARGAZKI-GALERIA: Baskoniaren ospakizunek Gasteizen utzitako irudirik onenak
Baskoniak bere zaleekin batera ospatu du asteburuan Valentzian irabazitako Errege Kopa. Andre Maria Zuriaren plaza jendez lepo egon da Gasteizko taldeari harrera egin eta jokalariak omentzeko. Hemen ikus ditzakezue ekitaldiak utzitako une ikusgarrietako zenbait.
Ikusi zuzenean "Zorionak, Baskonia!" saioa, saskibaloiko Kopa txapeldunak omentzeko harrera ekitaldia
Gaur arratsaldean, 18:45etik aurrera, saskibaloiko Kopako txapeldunari Gasteizko Andre Maria Zuriaren plazan egingo zaion harrera zuzenean ikusteko aukera izango da kirolakeitb.eus atarian, ETB1en, ETB2n eta ETB On plataforman.
Errege Kopako hamar jokaldi onenak
Amaitu da saskibaloiko Errege Kopa, eta hemen bildu ditugu txapelketako hamar jokaldi onenak. Jokaldi onena Trent Forresten mate bat izan da.