Caja Laboralek irabazi du euskal derbia
Caja Laboral Baskoniak bolada txarrari amaiera eman dio Lagun Aro GBCren aurka jokatu duen euskal derbia irabazita (88-80). Gipuzkoa Basketek Buesa Arenan irabazi gabe jarraitzen du, eta ezin izan du laugarren garaipena jarraian lortu.
Lehen laurdenean nagusi izan da Lagun Aro. Baskoniak baino hobeto jokatu du erasoan, eta etxeko taldeari asko kosta zaio partidan sartzea. Gipuzkoa Basketek lau puntuko aldearekin bukatu ditu lehen hamar minutuak (19-23).
Bigarren laurdenean, ordea, Baskoniak 22-4ko partziala lortu du, eta partida erabakita uzteko aukera izan du, baina Lagun Arok garaiz erantzun du, eta Caja Laboral bost puntuko aldea eskuratu du atsedenaldira iristean (44-39).
Atsedenalditik itzulita apurtu da norgehiagoka. Pixkanaka Caja Laboral abantaila hartzen hasi da, eta Lagun Aro ezinean ibili da. Sito Alonsok zuzentzen dituen jokalariak partidatik atera dira, eta laurdenaren amaieran Baskoniak bere aldeko 73-57ko emaitza eskuratu du.
Azken laurdenari 16 puntuko desabantailarekin ekin dio Lagun Arok, baina Caja Laboral erlaxatzearen ondorioz, aldeak murriztea lortu du talde gipuzkoarrak. Zazpi punturaino jaitsi du desabantaila GBCk, baina denbora gutxi geratu zaio Lagun Arori aurkaria estuasumetan jartzeko. Caja Laboral Baskoniak ondo eutsi dio aurkariari azken minutuetan, eta Gasteizeko taldeak irabai du euskal derbia (88-80).
Fitxa teknikoa:
88 Caja Laboral (19+25+29+15): Cook (2), Causeur (3), Nocioni (17), M. Bjelica (8), Lampe (15)-hasierako bostekoa-, Heurtel (13), Pleiss (10), San Emeterio (4), N. Bjelica (8), Jelinek (8).
80 Lagun Aro (23+16+18+23): Neto (7), Papamakarios, Diez (10), Finley (19), Doblas (8)-hasierako bostekoa-, Salgado (2), Rubio (13), Ibekwe (13), Paunic (8).
Epaileak: Redondo, Perea, Oyón.
Zure interesekoa izan daiteke
Kosner Baskoniak sendo jarraitzen du Virtusi irabazita (72-82)
Gasteizko taldeak bigarren garaipena lortu du etxetik kanpo, minutu askotan nagusi izan den partidan.
Surne Bilbaoko jokalari eta zaleek elkarrekin ospatu dute Szombathelyren aurkako garaipena
Surne Bilbaok 95-88 irabazi dio Szombathelyri Miribillan. Garaipen honekin FIBA Europe Cupeko finala jokatuko dute bigarren urtez jarraian.
Surne Bilbaok bigarren finala jarraian jokatuko du, Miribillan ere Szombathelyri irabazi ondoren (95-88)
Ponsarnauren mutilek aise gainditu dute Hungariako taldea, partida serio batean. Giro hotz samarra izan da Miribillako harmailetan, Europarako finalerdia izan arren. Finalean Greziako PAOK Salonika izango da aurkaria berriro, UCAM Murtzia kanporatu baitu beste finalerdian.
Lointek Gernikak IDK Euskotren menderatu du Gascan, derbian, luzapenean (72-73)
Hala, Lucas Fernandezen taldeak Endesa Ligan jarraitzeko aurrerapauso ia erabakigarria eman du; Azu Muguruzaren taldea, ordea, ezin izan da play-offeko postuetara gerturatu. Gainera, Araskik balio handiko garaipena eskuratu du Perfumerias Avenidaren kantxan (68-72).
Kosner Baskoniak Makabiri irabazi dio, ateak itxita (101-98)
Baskoniarrek hirugarren laurden bikaina egin dute, eta partidan funtsezkoa izan den 40-19ko partziala sartu diote Israelgo taldeari.
Jaume Ponsarnau, asteazkeneko Surne Bilbao-Szombathely FIBA Europa Kopako partidaz: “Etxean jokatzen dugula aprobetxatu behar dugu”
Asteazkenean, 20:00etatik aurrera, Surne Bilbaok Szombathely taldearen aurka jokatuko du Miribillan. FIBA Europa Kopako finalerdietako itzuliko partida da, eta, hortaz, finalerako txartela jokoan da; Bilboko taldeak 17 puntuko aldea eskuratu zuen joaneko neurketan. EITBk zuzenean emango du partida, kirolakeitb.eus-en eta ETB1ONen.
Baskoniak laugarren garaipena jarraian lortu du Ligan, Baxi Manresa menderatuta (83-88)
Kosner Baskoniak bolada onean jarraitzen du, laugarren garaipena jarraian lortu baitu Endesa Ligan. Gasteizko taldeak Baxi Manresa garaitu du Nou Congosten, 83-88. 2-11ko partzialak eta Timothe Luwawu-Cabarrotek (27 puntu) eta Trent Forrestek (20 puntu) egindako lanak Baskoniaren alde jarri dute partida. Arabako taldeak 18 partida irabazi eta 7 galdu ditu orain arte.
Surne Bilbaok 90-74 menderatu du Unicaja, play-offetara hurbiltzeko
Surne Bilbaok Endesa Ligako play-offetarako hautagaitza aurkeztu du, Unicajaren aurka garaipen garrantzitsua eskuratuta (90-74). Zortzigarren sailkatuarekin berdinduta kokatu da, 15 garaipenekin, nahiz eta Malagako taldeak baino partida bat gehiago izan jokatuta.
Lointek Gernikaren garaipena eta Kutxabank Araskiren eta IDK Euskotrenen porrotak 26. jardunaldian
Bizkaiko taldea izan da puntuak lortu dituen bakarra, eta Araskik jaitsiera postuetan jarraitzen du.
Baskoniak berriro irabazi dio Real Madrili (98-96)
Gasteizko taldeak bere izaera berreskuratu du eta zuriak kolpatu ditu, duela bi hilabete Errege Kopako finalean bezala.