Jai Alai Leaguek urte guztiko egutegia osatu du, egoitza eta txapelketa berriekin
Iparraldeko eta Hegoaldeko zesta-punta txapelketa nagusiak batzen dituen Jai Alai Leaguek egoitza, data eta txapelketa kopurua ugaritu ditu, urte guztiko egutegi jarraitua osatuta. Horrenbestez, Liga aurkeztu eta urtebete eskasera, lau txapelketa izatetik hamairu izatera pasa da. Bilbo, Gasteiz, Zumaia, Markina-Xemein eta Lekeitio batzeaz gain, Iparraldeko txapelketak bikoiztu egin dira, eta urte honetan bertan egoitza berriak gehitzeko aukera zabalik mantentzen da.
Orain arte lau txapelke; aurrerantzean, hamairu
Bigarren denboraldi honetan, lau txapelketatik hamairura pasatu dira, bi kategoriatan banatuta. Batetik, Slam mailakoetan, Donibane Lohitzuneko Cesta All Star, Bilbao Iron Cup, Markina-Xemeingo Grand Slama eta Gernikako Grand Slama (udakoa) dira berritasunak. Bestetik, Masters kategorian, Gasteiz, Zumaia, Lekeitio, Paueko Cesta de Nadau txapelketa eta Biarritzeko Nazioarteko Opena batu dira ligara.
Ligako Masters puntuagarriak hamabost dira, guztira. Izan ere, Slam kategoriako hiru txapelketa, Master mailako barne-lehiaketez osatuta daude: Donibane-Lohitzuneko Nazioartekoak (4 Masters), Biarritzeko Urrezko Xistera (4 Masters) eta Paueko Kopa (2 Masters). Ondoren, txapelketa hauetako bakoitzak amaierako fase bat dauka pilotaririk onenekin eta hortik aterako da Slam horretako txapelduna.
"Iron Cup", Bilboren apustu handia
Bilbok egoitza garrantzitsua izan nahi du zesta-puntako ligan eta Slam kategoriako txapelketa handi batekin egingo du debuta. Bilbao Iron Cup maiatzaren 10etik ekainaren 7ra jokatuko dute, bost ostiraletan, Deportivo pilotalekuan. Gorengo mailako txapelketa da Jai Alai Leagueko egutegian, eta ligarako puntuagarria. Gasteiz ere berritasuna izango da, apirilean Olabe pilotalekuan jokatuko den Mastersarekin. Halaber, Zumaia, Markina-Xemein eta Lekeitio ere, Jai Alai Leagueko egoitza ofizial izatera pasa dira.
100 partida baino gehiagoko egutegia
Guztira, profesional mailako 100 neurketa baino gehiago jokatuko dituzte, hamar frontoi edo egoitzetan banatuta. Jai Alai Leaguen amaiera fasea Durangoko Final Fourrean erabakiko da, eta pilotari onenek jokatuko dute, ranking ofizialean lortutako puntuen arabera. Kategoriaren arabera, puntuazio jakin bat izango du txapelketa bakoitzak eta egutegia ez dago erabat itxita. Izan ere, urte honetan bertan egoitza gehiago sartzeko aukera ari da negoziatzen Liga.
-Urriak 26-28 Open International Biarritz (Master)
-Urtarrilak 30 - otsailak 18 Eusko Label Winter Series (Slam)
-Abenduak 8-22 Cesta de Nadau Pau (Master)
-Martxoak 23-28 Lekeitio Jai Alai Master Series (Master)
-Apirilak 1-8 Zumaia Jai Alai Master Series (Master)
-Apirilak 7-25 Cesta All Star SJL (Slam)
-Apirilak 13-26 Gasteiz Jai Alai Master Series (Master)
-Maiatzak 10 - ekainak 7 Bilbao Jai Alai Iron Cup (Slam)
-Ekainak 15 - uztailak 16 Markina-Xemein Jai Alai Grand Slam (Slam)
-Uztailak 4 - abuztuak 27 Internationaux Cesta Punta SJL (Slam)
-Uztailak 8 - abuztuak 21 Gant D'Or Biarritz (Slam)
-Uztailak 12 - irailak 6 Pau Cup (Slam)
-Uztailak 20 - abuztuak 17 Gernika Jai Alai Grand Slam (Slam)
-Urria Final Four Durango Final 4
Zure interesekoa izan daiteke
Ikusi "Miami Biscayne Cup" dokumentala
Astelehenean, martxoaren 2an, 22:15etik aurrera, ETB1en. Gozatu Danian (Miami) jokatutako zesta-punta txapelketaren bigarren edizioari buruzko dokumentalaz, protagonista nagusien eskutik.
Gorka Sorozabal: "Anai bezala funtzionatzen dugu, talde bat bezala"
Johan Sorozabalen, Gorka Sorozabalen, Aritz Erkiagaren eta Imanol Lopezen adierazpenak Biscayne Cupeko finalaren ostean.
Sorozabal anaien eta Erkiaga-Lopezen arteko Biscayne Cupeko finalaren laburpena
Johan eta Gorka Sorozabalek irabazi dute Biscayne Cup, Erkiaga-Lopez bikotearen aurka lehen seta galdu (15-6), bigarrena irauli (8-15) eta hirugarrenean berdinketa hautsita (3-5).
Sorozabal anaiak, Biscayne Cupeko txapeldunak
Johan eta Gorka Sorozabalek irabazi dute Biscayne Cup, Erkiaga-Lopez bikotearen aurka lehen seta galdu (15-6), bigarrena irauli (8-15) eta hirugarrenean berdinketa hautsita (3-5).
Erkiaga-Lopez eta Johan-Gorka bikoteak iritsi dira Biscayne Cupeko finalera
Erkiagak eta Lopezek neurketa estu eta lehiatuan menderatu dituzte Urreisti eta Ibarluzea (15-11, 15-13); Sorozabal anaiak, aldiz, sendo eta agintari aritu dira Goitia eta Lekerikaren aurka (15-4, 15-11).
Puntista ohiak ere Biscayne Cuparekin gozatzen ari dira
Daniako pilotalekuan jokatzen ari den Biscayne Cup txapelketak zale asko erakarri ditu harmailetara, puntista ohiak ere tartean. Miguel Angel Meabebasterretxea, Pedro Mari Sardui, Asier Elezgarai eta Alex Rekalde puntista ohiekin izan gara, txapelketaren eta giroaren inguruan zer iritzi duten jakiteko.
Erkiaga-Lopez eta Johan-Gorka, Daniako Biscayne Cupeko final handira
Erkiagak eta Lopezek neurketa estu eta lehiatuan menderatu dituzte Urreisti eta Ibarluzea (15-11, 15-13); Sorozabal anaiak, aldiz, sendo eta agintari aritu dira Goitia eta Lekerikaren aurka (15-4, 15-11).
Urreisti-Ibarluzea eta Erkiaga-Lopez, Daniako Biscayne Cupeko finalerdietara
Eñaut Urreisti-Ion Ibarluzea eta Aritz Erkiaga-Imanol Lopez bikoteek finalerdietarako txartela lortu dute euren ligaxkako partidetan garaipena lortuta.
Zulaika-Ubilla vs Erkiaga Lopez eta Urreisti-Ibarluzea vs Johan-Gorka, ligaxkako azken jardunaldian
Zulaika eta Ubilla ezustekoa ematen saiatuko dira Erkiaga eta Lopezen aurrean. Urreistik eta Ibarluzeak garaipena behar dute finalerdietarako txartela lortzeko; Sorozabal anaiak, aldiz, sailkatuta daude dagoeneko.
Johan-Gorka eta Erkiaga-Lopez bikoteek garaipena lortu dute Biscayne Cupeko bigarren jardunaldian, Laduche-Basque eta Goitia-Lekerika aurkari
Johan eta Gorka finalerdietan dira, eta Erkiagak eta Lopezek, Zulaikaren eta Ubillaren aurkako partidan joko bat eskuratuko balute, sailkatzea erdietsiko lukete. Sorozabal anaiek 15-7 eta 15-7 menderatu dituzte Laduche eta Basque, eta Erkiaga eta Lopez 15-13 eta 15-11 gailendu zaizkie Goitiari eta Lekerikari.