Sorozabal anaiak, Biscayne Cupeko txapeldunak
Johan eta Gorka Sorozabalek irabazi dute Biscayne Cup, Erkiaga-Lopez bikotearen aurka lehen seta galdu (15-6), bigarrena irauli (8-15) eta hirugarrenean berdinketa hautsita (3-5).
Sorozabal anaiak, txapela jantzita. Argazkia: Jai Alai News
Biscayne Cupeko finalak bi belaunaldi jarri ditu aurrez aurre: Erkiaga eta Lopez beteranoak eta Sorozabal anai gazteak. Lehen seta erritmo biziarekin hasi da, Erkiagak eta Lopezek euren esperientzia inposatu dute eta lehen tantoetan ekimena eraman dute. Hala ere, bikote gazteak lasaitasunari eusten eta presioari aurre egiten jakin du. Erkiagaren errebote ikusgarri bati esker (10-5), beteranoek lehen setean nagusitzea lortu dute (15-6).
Bigarren setean, Johan eta Gorka Sorozabalek euren estrategia doitu dute. Johan txokoan dejadak eginez eta erasoan indartsu hasi da aurrean, eta Gorkak Erkiagak errebotera bidalitako pilotak eramaten jakin du. Lopezek saskiarekin izandako arazoek (hasieran hautsi egin zaio, gero katigatu, eta azkenean, markagailuan 12-8koa zegoenean, erabat hautsi zaio) gazteek markagailua iraultzea erraztu dute, bigarren seta eskuratzeko (8-15).
Berdinketa hausteko seta zirraragarria izan da: Johan eta Gorka hasieratik izan dira nagusi, beteranoen akats bakoitza eta euren aukerak aprobetxatuz. Sei tanto jokatu ondoren, 3-5ko emaitzarekin itxi dute hirugarren seta, zortzigarren koadrotik dejada ikusgarria eginez Erkiaga eta Lopez aukerarik gabe utzita.
Daniako frontoiak egun historikoa bizi izan du, AEBko zale eta pilotari ohi ugari bilduta, eta Jai Alairen mendeurrena omendu dute, ikuskizun paregabea eskainiz. Jose Miguel Arregui frontoiko intendente historikoak txapelak jartzeko ohorea izan du, bertako kasinoko ordezkariekin batera, AEBko zesta-puntarentzat egun ahaztezinari izan denari bukaera bikaina emateko.
Markagailua: 15-6, 8-15 eta 3-5.
Zure interesekoa izan daiteke
Lekeitioko Master Seriesa, abuztuaren 22an eta 28an, Santi Brouarden
Santi Brouard pilotalekua prest dago Lekeitioko Masters Seriesa hartzeko. Erkiaga-Lekerika, Goitia-Atain, Laduche-Manci eta Goixerri-Salegi lehiatuko dira bertan. Finalerdiak abuztuaren 22an jokatuko dituzte. Final handia, berriz, hilaren 28an.
Barandikak eta Mancik jantzi dituzte Gernika Grand Slameko txapelak
Azken tantora berdinduta iritsi den finala, hirugarren seta, 4-4 eta Barandikak eta Mancik behin betiko tantoa eskuratu dute, txapela eskuratzeko. Lehen seta 15-10 irabazi dute, Erkiagak eta Undak 9-15 erantzun dute bigarrenean, eta hirugarrena azken tantoan erabaki da.
Barandika eta Oyhenard irabazle Donibane Lohizuneko 4ko masterrean
Barandika eta Oyhenard nagusitu dira Donibane Lohizuneko Master 4ko finalean, baina hirugarren jokoa behar izan dute Erkiaga eta Basque mendean hartzeko. Lehenbizikoan, Ispasterkoa eta Bidartekoa izan dira nagusi, 15-13. Bigarrena, baina, gernikarrak eta Donibane Lohizunekoak eskuratu dute, 13-15. Kitarakoan, berriz, Barandika eta Oyhenard jaun eta jabe izan dira: 1-5. Gernikako aurrelaria bolada onean dago, jokatu dituen azken 12 partidetatik 11 poltsikoratu baititu.
Barandikak eta Oyhenardek Donibane Lohizuneko Master 4 txapelketaren finalerako txartela lortu dute
Jean Olharan eta Gorka Sorozabal bi jokotan mendean hartu zituzten. Lehenengoa estu joan zen (15-14). Bigarrenean, tarte handiagoarekin, 15-9 gailendu ziren Barandika eta Oyhenard. Ostegun honetan jokatuko dute finala. Erkiaga eta Basquerekin neurtuko dituzte indarrak.
Clement Garciak eta Jerome Portetek Master 3 txapelketa irabazi dute, Donibane Lohizunen
Asteartean jokatutako finalean, Ludovic Laduche eta Theo Laborde menderatu dituzte, bi jokotan, 15-10 eta 15-11.
Barandika eta Manci, Gernikako Grand Slameko lehen finalistak
Barandika eta Manci dira Gernikako Grand Slameko lehen finalistak, Goitia eta Basque garaituta (14-15, 15-12 eta 5-1). Bigarren finalerdia hurrengo larunbatean jokatuko da, abuztuaren 8an, eta finala, berriz, San Roke egunean, abuztuaren 16an.
?fmt=webp-alpha&qlt=80)
Urreistik zuntz haustura du eskuin besoan eta bizpahiru aste emango ditu pilotalekuetatik at
Mutrikuko puntistak min hartu zuen iragan larunbatean Gernikako Grand Slameko lehen jardunaldian, eta abuztuaren hasieran berriz kantxaratzea espero da.
Erkiaga eta Atain gailendu dira Markinako Grand Slamaren finalean
Txapeldunek finalerako txartela ezusten lortu zuten Txanika eta Salegi garaitzeko lana erruz egin behar izan dute. Bi joko estuetan lortu dute garaipena (15-12 eta -15-14).
Elaiak eta Araik erraz hartu dituzte mendean Lur eta Alize Markinako Grand Slamaren finalean
Lejardi ahizpak etxean aritu dira. Arai atera da garaile, lan txukuna eginda, baina zoragarri aritu den Elaia nabarmenduz. Elaia eta Arai bi jokotan gailendu dira (15-6 eta 15-3). Hasieratik izan dira aurretik. Arriskatzen hasi direnean ere, asmatu dute.
Gernikako Grand Slama kiniela formatuan abiatuko da
Uztailaren 18tik abuztuaren 16ra jokatuko da. Finalerdietatik aurrera, partidak ohiko formatuan jokatuko dira. Jardunaldi guztiak larunbat gauez jokatuko dira, 21:00etan, San Roke eguneko finala izan ezik, igandean izango baita, 18:00etan.