Emakumezkoen Winter Series txapelketa, Durangoko Ezkurdin, hiru astez
Zesta-puntako emakumezkoen Winter Series txapelketa aurkeztu dute ostegun honetan. Aurkezpena Durangoko Ezkurdi frontoian egin da, hau da, lehiaketa hartuko duen pilotalekuan.
Hala, urtarrileko inaugurazioaren ondoren, Durangoko Ezkurdi pilotalekuak ateak irekiko ditu berriz "goi-mailako txapelketa bat" hartzeko. "Winter Series marka indartsua bihurtu da zesta-puntarentzat", eta Gernikako Jai Alai frontoian jokatzen den gizonezkoen txapelketa behin amaituta, emakumezkoen neguko txapelketari ekingo diote lehen aldiz.
Egitasmo berri horretako antolatzaileek azaldu dutenez, datorren astelehenean, otsailaren 27an, jarriko da martxan txapelketa, emakumezko lau bikoterekin, eta hiru jardunaldi izango ditu, guztiak astelehenez jokatuko direnak, hots, otsailaren 27an, martxoaren 6an eta martxoaren 13an. Beraz, bi finalerdi eta finala jokatuko dituzte.
Parte hartuko duten pilotarien adina nabarmendu nahi izan dute aurkezpenean; izan ere, Durangon arituko diren pilotari denak oso gazteak dira. Zaharrena Eneritz Lizardi mutrikuarra izango da, 18 urtekoa. Gazteenak, berriz, Erika Mugartegi markinarra eta Frida Watkins zumaiarra dira. Batak zein besteak 15 urte beteko dituzte aurki. Gainerako bost puntistak (Maite Ortiz de Mendibil, Maialen Aldazabal, Helena Barrenetxea, Arai Lejardi eta Ihart Arakistain) adin tarte horretan daude.
Antolatzaileen hitzetan, emakumezkoen zesta-punta "ez da berria, baina duela gutxira arte gizonezkoekin jokatu behar izan dute emakume pilotariek", gutxi baitziren. Dena dela, azken urteetan "aurrerapauso itzela" eman dela nabarmendu dute: "Zesta-eskoletako lanari esker, emakume pilotarien belaunaldi berria agertu da, eta lehen aldiz emakumeen zesta-txapelketak jokatu ahal dira".
PILOTARI DURANGAR BAT GOI-MAILAN
Emakumezkoen lehen Winter Series honetan protagonismo berezia izango du Helena Barrenetxea durangarrak. Ezkurdi berrituaren inaugurazioan parte hartu zuen urtarrilean, eta lehiaketa honetan Eneritz Lizardi izango du bikotekide. Honako hauek izango dira gainerako hiru bikoteak: Maite-Maialen, Arakistain-Frida eta Erika-Arai.
GIZONEZKOEN FINAL FOUR TXAPELKETA
Jaialdi bakoitzean bi norgehiagoka jokatuko dira, emakumezkoen neurketaz gain, gizonezkoen banakako partidak ere izango baitira ikusgai. Buruz buruko horietan Gernikako Winter Series txapelketan protagonista izan diren lau puntista arituko dira: Imanol Lopez (txapelduna), Xabi Barandika (txapeldunordea), Aritz Erkiaga (iazko txapelduna) eta Johan Sorozabal (lehen aldiz parte hartu du txapelketan).
Ezkurdik 19:00etan zabalduko ditu ateak astelehenero. Lehenengo emakumezkoen txapelketako lehia jokatuko da, eta, ondoren, gizonezkoen banakakoaren txanda izango da. EITBk neurketa guztiak ikusteko aukera eskainiko du, 22:30etik aurrera.
TXAPELKETAKO EGUTEGIA
Otsailak 27, astelehena (19:00)
Maite-Maialen vs Arakistain-Frida (15-12, 15-13)
Barandika vs Johan (15-11, 15-11)
------------------------------------------------------
Martxoak 6, astelehena (19:00)
Erika-Arai vs Helena-Eneritz
Erkiaga vs Lopez
------------------------------------------------------
Martxoak 13, astelehena (19:00)
Finalak
Zure interesekoa izan daiteke
Erika Mugartegi: “Sinetsi ezinda gaude oraindik; ea txapelketa gehiago egiten diren eta nesken zesta gehiago ikusten den”
Erika Mugartegi eta Frida Watkinsekin bildu gara Euskotren Winter Series txapelketa irabazi berritan. Oraindik sinetsi ezinda dauden arren, oso pozik daude lortutakoarekin. Aurtengo txapelketak emakumeen zestak aurreapausoak emateko balio izatea espero dute, hori baita beraien helburu eta nahia.
?fmt=webp-alpha&qlt=80)
Arai Lejardik eta Erika Mugartegik egin zituzten finaleko tantorik onenak
Arai Lejardi atzelariaren eta Erika Mugartegiren tanto hauek izan ziren Euskotren Winter Series finaleko tantorik ikusgarrienak. Araik, bi paretaz egin zuen, Erikak, berriz, errebotean bi.
Erika-Frida bikotea, txapeldun, Helena eta Arai finalean hiru jokotan mendean hartuta
Markinarrak eta zumaiarrak iazko txapeldunei 15-8, 4-15 eta 5-2 irabazi diete. Lau Winterretik hiru jokatu ditu Erikak, eta hiru-hirurak irabazi. Fridak, ordea, txapelketako lehen garaipena du.
Erika Mugartegi: “Hirugarren jokora bigarrena galduta iritsi gara; nahiko gaizki, egia esan, baina zerotik hasi gara"
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan.
Erikak bere hirugarren txapela lortu du; Fridak, aurrenekoa
Erika Mugartegik eta Frida Watkinsek hiru jokotan (15-8, 4-15 eta 5-2) mendean hartu dituzte iazko txapeldunak, Helena Barrenetxea eta Arai Lejardi, Euskotren Winter Serieseko finalean, Durangoko Ezkurdi pilotalekuan. Gainera, Erikak jokalari onenaren saria jaso du EITBren eskutik.
Helena eta Arai txapeldunak finalean izango dira berriro, Ihart-Maia bikotea bi jokotan garaitu ondoren
Lehen joko parekatuan azken txanpan aurrea hartzea eta nagusitzea lortu dute iazko txapeldunek (13-15). Bigarrenean, aldiz, Araik eskuinaz agindu du, eta aise irabazi dute jokoa (6-15).
Arai Lejardi: “Aldeaz hasi gara eta horrek konfiantza ematen dizu”
Helena Barrenetxea eta Arai Lejardi Euskotren Winter Serieseko finalean sartu dira Ihar Arakistain eta Maia Goikoetxea bi jokotan garaituta (13-15 eta 6-15). Hortaz, Helena-Arai vs Erika-Frida izango da 2026ko Euskotren Ligako finaleko norgehiagoka.
?fmt=webp-alpha&qlt=80)
Elaia-Eneritz vs Erika-Frida finalerdiko hiru tanto onenak
Elaia-Eneritz vs Erika-Frida partida jokatu zen atzo Durangon, Euskotren Winter Serieseko finalerdietako lehen partida. Erika Mugartegik eta Elaia Gogenolak egin zituzten norgehiagokako tanto onenak, gozatu!
Elaia-Eneritz vs Erika-Frida finalerdiaren azken tantoa eta irabazleen adierazpenak
Erikak eta Fridak hiru jokotan (15-6, 8-15 eta 3-5) hartu dituzte mendean Elaia eta Eneritz Euskotren Winter Series txapelketako finalerdietan. Horrenbestez, Erikak eta Fridak finalerako txartela lortu dute.
Erikak eta Fridak finalerako txartela lortu dute, Elaiari eta Eneritzi hiru jokotan irabazita
Bikote garailea 15-6, 8-15 eta 3-5 nagusitu da txapelketako finalerdietan, Durangoko Ezkurdi pilotalekuan jokatutako neurketan. Halaber, Ezkurdi Master Seriesen, Erkiagak eta Atainek lortu dute finalerako sailkatzea.