Johanek eta Lopezek lortu dute 2023-24ko Eusko Label Winter Serieseko hirugarren postua
Johan Sorozabalek eta Imanol Lopezek lortu dute 2023-24ko Eusko Label Winter Serieseko hirugarren postua; izan ere, txapelketako hirugarren eta laugarren postuak zein bikotek eskuratuko lituzketen zehaztu behar zuen partidan, astelehenean, Johanek eta Lopezek Jean Olharan eta Julen del Rio menderatu dituzte, bi jokotan, 15-8 eta 15-13. Norgehiagokak hasieratik izan du kalitatea, eta, bigarren jokoan, emozioa ere izan da, markagailuan parekatuta ibili baitira.
Johan eta Lopez izan dira nagusi aurreneko jokoan, eta merezita eskuratu dute hori. Bana joan dira, baina, hori kenduta, Biarritzeko aurrelaria eta Zumaiako atzelaria une oro izan dira aurretik. Jokaldi ikusgarriak egiten ahalegindu dira lau puntistak, finalaren bila aritzeko presioa atzean utzita, eta nabarmentzeko moduko hainbat tanto ikusi dituzte zaleek, bereziki Johan Sorozabalen eta Imanol Lopezen aldetik; Jean Olharan eta Julen del Rio ere aritu dira ondo, azken hori eskuinean duen indarra erakutsita.
Bikote horia 5-2 jarri da aurretik, eta Olharanek eta Del Riok, gerora, berdinketa jartzeko aukera izan dute, baina ez dute lortzerik izan, eta Johan eta Imanol 9-4kora iritsi dira. Jokoaren azken tartean argi gelditu da Johanek eta Lopezek eskuratuko zutela; azkenean, 15-8 amaitu da.
Bigarren jokoan, berdintasun handiagoa izan da, kantxan eta markagailuan. Olharan eta Del Rio 3-0 aurreratu dira, eta bazirudien Paueko aurrelaria eta atzelari gasteiztarra sendo zebiltzala hirugarren setaren bila. Johanek eta Imanolek hiruna berdindu dute, eta bi bikoteak oso parean ibili dira, norgehiagokaren amaierara arte.
Horiak 12-8 irabazten ari zirela, Olharanek eta Del Riok erantzun bikaina eman dute, eta 13-13ko berdinketa jarri dute. Azken bi tantoak, baina, Johanek eta Imanolek egin dituzte, eta, horrenbestez, ziurtatu egin dute hirugarren postua, aurtengo Eusko Label Winter Seriesen.
Honela izan da markagailua (lehenik, Johan eta Lopez)
Lehenengo jokoa: 1-0, 1-1, 2-1, 3-1, 4-1, 4-2, 5-2, 5-3, 5-4, 6-4, 7-4, 8-4, 9-4, 9-5, 9-6, 10-6, 10-7, 11-7, 12-7, 13-7, 14-7, 14-8, 15-8.
Bigarren jokoa: 0-1, 0-2, 0-3, 1-3, 2-3, 3-3, 4-3, 4-4, 4-5, 4-6, 5-6, 6-6, 6-7, 7-7, 8-7, 9-7, 9-8, 10-8, 11-8, 12-8, 12-9, 12-10, 12-11, 13-11, 13-12, 13-13, 14-13, 15-13.
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
2025-2026ko Eusko Label Winter Series txapelketako sailkapenak, emaitzak eta egutegia
Txapelketak 18 jardunaldi izango ditu, eta urriaren 27an hasiko da. Partida guztiak astelehenez jokatuko dira, finala izan ezik (otsailaren 15ean, igandez). Topaketak ETB1en eta eitb.eus izango dira ikusgai.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.