Goikoetxea eta Lekerika dira Eusko Label Winter Serieseko lehenengo finalistak
Iñaki Osa Goikoetxeak eta Unai Lekerikak Eusko Label Winter Serieseko finala jokatuko dute otsailaren 18an, emozioz betetako lehen finalerdian Johan Sorozabal eta Imanol Lopez hiru setetan gaindituta: 15-8, 9-15 eta 5-4.
Lehenengo set ederra eta oso lehiatua jokatu dute neurketako lau protagonistek. Johan eta Lopez bikain hasi dira, bi tanto bikain eginda eta partidako lehen alde txikia zabalduta (0-2). Baina Goikok eta Lekek argi eta garbi utzi dute ligaxka zergatik amaitu duten A multzoko lehen postuan, jokatutako hiru partidak irabazita.
Horrela, eta binako eta launako berdinketen ostean, Zumaiako aurrelaria eta Gernikako atzelaria nahieran jokatzen hasi dira. Gainetik pasa dituzte Johan eta Imanol. 7 eta 0eko partziala egin eta 11 eta 5 aurreratu dira markagailuan.
Johan eta Lopez, aldiz, zer egin asmatu ezinda aritu dira. 11 eta 5ekoan sakea berreskuratu dute, eta euren gustuko pilota ateratzeko aprobetxatu dute, baina hurrengo jokaldian pasa bikoitza egin dute eta sakea aurkariei oparitu diete. Horrela, lehenengo seta Goikok eta Lekek irabazi dute, 15 eta 8.
Finalerdia erabat aldatu da bigarren jokoan. Johan eta Lopez 0 eta 5 aurreratu dira asperen batean. Horidunak lehen setean izandako sufrimendua atzena uzteko asmo irmoarekin atera dira, eta argi eta garbi lortu dute. Zazpi tantoko aldea zabaldu dute (1-8) eta Goiko eta Leke hiru tantora hurbildu diren arren (7-10), jokoak kolore horia izan du (9-15).
Hirugarren eta azken seta
Tentsioa gainezka izan da hirugarren eta azken jokoan. Ez da gutxiagorako izan, finalerako txartela jokoan izan baitute. Goiko eta Leke 3 eta 1 aurreratu dira, baina azkenean markagailua hiruna eta launa berdindu dute aurkariek. Finalerdiko tanto erabakigarria, baina, Iñaki Osa Goikoetxeak eta Unai Lekerikak lortu dute (5-4). Eurek jokatuko dute otsailaren 18ko finala.
Finalerdiko tanto guztiak:
Lehen jokoa: 0-1, 0-2, 1-2, 2-2, 2-3, 2-4, 3-4, 4-4, 5-4, 6-4, 7-4, 8-4, 9-4, 10-4, 11-4, 11-5, 12-5, 12-6, 12-7, 13-7, 13-8, 14-8, 15-8.
Bigarren jokoa: 0-1, 0-2, 0-3, 0-4, 0-5, 1-5, 1-6, 1-7, 1-8, 2-8, 2-9, 3-9, 4-9, 5-9, 5-10, 6-10, 7-10, 7-11, 7-12, 7-13, 7-14, 8-14, 9-14, 9-15.
Hirugarren jokoa: 1-0, 1-1, 2-1, 3-1, 3-2, 3-3, 4-3, 4-4, 5-4.
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
2025-2026ko Eusko Label Winter Series txapelketako sailkapenak, emaitzak eta egutegia
Txapelketak 18 jardunaldi izango ditu, eta urriaren 27an hasiko da. Partida guztiak astelehenez jokatuko dira, finala izan ezik (otsailaren 15ean, igandez). Topaketak ETB1en eta eitb.eus izango dira ikusgai.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.