Arbek eta Mancik Winter Serieserako azken txartela lortu dute, Cosme eta Bailo bi setetan menderatuta
Jokin Arbek eta Mikel Manzisidorrek Cosme Aguirre eta Ruben Bailo menderatu dituzte astelehenean, Zumaiako Aitzuri pilotalekuan, 2023ko Eusko Label Winter Series txapelketako ProAmeko finalean, eta, hala, Winter Serieserako sailkatu dira; txapelketa hori urriaren 30ean hasiko da, eta bikote bat falta zen oraindik sailkatzeko, zortzigarrena. Hain zuzen ere, Arbe Markina-Xemeingo aurrelariak eta Manci Mutrikuko atzelariak 15-12 eta 15-13 irabazi dute, eta elastiko laranjak jantziko dituzte txapelketan; azaroaren 20an jokatuko dute aurrenekoz, Laduche-Gorka bikotearen aurka, B multzoan.
Arbek eta Mancik osatutako bikote gorriak bereganatu du aurreneko jokoa, 15-12, baina partidako hasierako tantoetan urdinak izan dira nagusi. Cosme, etxeko puntista bera, Zumaiako zaleek babestuta, sendo ibili da lehen minutu horretan aurrealdeko koadroetan, eta atzealdean Bailo Manci baino gehiago izan da; mutrikuarra ez da sartu partidan ohi bezain ondo. Hala, Cosme eta Bailo 8-5 zebiltzan aurretik etenaldira joan direnean, eta 9-6 ere izan dira goitik; puntu horretan, aurrelari urdinak bi aldiz jarraian egin du falta, sakean, pilota luzeegi jarrita, eta gorriek zazpigarren tantoa lortu dute. Nolabait, seta aldatu egin da orduan, eta Arbe eta Manci aurrera jotzen hasi dira.
8-9koa ikusgarria izan da, ordura arteko onena, eta Markina-Xemeingo aurrelariak eta Mutrikuko atzelariak beste hiru tanto jarraian egin dituzte, 11-9 jarrita. Urdinek berdindu egin dute nogehiagoka, 11-11, baina, tarte erabakigarrian, Arbek eta Mancik gehiago asmatu dute; bizkaitarrak zazpi tanto egin ditu aurreneko jokoan, eta ondoen ibili den pilotaria izan da.
Bigarren jokoan, gorriak izan dira aurretik, baina urdinek asko estutu dute azken tartean, eta gertu izan dute hirugarren seta behartzea. Arbe eta Manci 6-3, 7-4 eta 8-5 izan dira aurretik, eta bazirudien garaipena bermatzeko moduan zeudela, baina Cosmek eta Bailok eutsi egin diote, eta markagailua irauli dute, 10-9koan; Bailo noaindarrak neurketa ona osatu du.
Bi bikoteak oso parean iritsi dira amaierara (hamarna, hamaikana, hamabina eta hamahiruna izan dira), baina, lehenengo jokoan ere jazo denez, gorriek asmatu dute tanto erabakigarrietan, eta, ondorioz, 15-13 bereganatu dute seta.
Zure interesekoa izan daiteke
2025-2026ko Eusko Label Winter Serieseko 7. jardunaldiko hiru tanto onenak
Alex Goitiak, Jon Zabalak eta Ludovic Laduchek egin dituzte 2025-2026ko Eusko Label Winter Serieseko 7. jardunaldiko tantorik onenak.
Goitia eta Lekerika: ''Pozik, finalerdietan gaude''
Alex Goitiak eta Unai Lekerikak, astelehenean, Eusko Label Winter Seriesen, garaipena eskuratu dute, Ludovic Laduche eta Jon Zabala aurkari, eta, horrenbestez, txapelketako finalerdietako ligaxkarako sailkatu dira.
Goitia eta Lekerika eta Johan eta Gorka, Eusko Label Winter Serieseko finalerdietako ligaxkara
Alex Goitiak eta Unai Lekerikak Laduche eta Zabala menderatu dituzte, bi jokotan, 15-12 eta 15-14, eta emaitza horrek sailkatzeko aukerarik gabe utzi ditu Erkiaga eta Ibarluzea eta asteleheneko partidan galtzaile atera den bikotea.
2025-2026ko Eusko Label Winter Serieseko 6. jardunaldiko hiru tanto onenak
Jean Olharanek eta Aritz Erkiagak egin dituzte 2025-2026ko Eusko Label Winter Serieseko 6. jardunaldiko tantorik onenak.
Olharanek eta Gorkak bigarren garaipena lortu dute eta Erkiaga eta Ibarluzea ia aukerarik gabe utzi dituzte
Aurrelari bearnotarra eta atzelari lapurtarra nagusi izan dira lehen jokoan (11-15), baina bigarren partzialean bizkaitarrek buelta eman diote egoerari (15-8). Partida hirugarren jokoan erabaki da, non azken hiru tantoak aurrenekoek egin dituzten (4-5).
Gorka Sorozabal: "Oso partida zaila izan da eta zorte pixka bat izan dugu"
Min hartuta dagoen Johan Sorozabal berriro ordezkatu duen Jean Olharanek eta Gorka Sorozabalek osatutako bikoteak hiru jokotan (11-15, 15-8 eta 4-5) irabazi diete Aritz Erkiaga eta Ion Ibarluzeari, azken bi edizioetako txapeldunei, Gernikako Jai Alai pilotalekuan jokatutako Eusko Label Winter Serieseko seigarren jardunaldian.
Erkiaga-Ibarluzea vs Olharan-Gorka Eusko Label Winter Serieseko partidaren azken tantoa
Jean Olharanek eta Gorka Sorozabalek 3 setetan menderatu dituzte Aritz Erkiaga eta Ion Ibarluzea (11-15, 15-8 eta 4-5). Hemen partidako azken tantoa.
Johan Sorozabalek ez du astelehenean Erkiaga eta Ibarluzearen aurkako partida jokatuko
Aurrelari lapurtarrak orkatilako lesiotik osatu gabe jarraitzen du eta Olharanek ordezkatuko du abenduaren 1ean.
2025-2026ko Eusko Label Winter Serieseko 5. jardunaldiko hiru tanto onenak
Xabi Barandikak eta Ekaitz Mendizabalek, 'Goixerrik' egin dituzte 2025-2026ko Eusko Label Winter Serieseko 5. jardunaldiko tantorik onenak.
Eusko Label Winter Series Barandika-Basque vs Goixerri-Manci partidako estatistikak
Txapelketako bosgarren jardunaldian, Xabi Barandikak eta Thibault Basquek Ekaitz Mendizabal "Goixerri" eta Mikel Manci menderatu dituzte, bi jokotan, 15-10 eta 15-6. EITBk partidako estatistikak jaso ditu.