Jai Alai Winter Serieseko final handia, 12:00etatik aurrera, zuzenean, EITBn
Urriaren 31n abian jarri zen Jai Alai Winter Seriesen final handiaz gozatzeko aukera izango dugu igande honetan, otsailak 19, EITBko hedabideetan. Zesta-punta txapelketaren bigarren edizioak markak apurtu ditu: Gernika-Lumoko Jai Alai katedrala jendez lepo egon da astelehenero, eta telebistako emankizunek ere harrera bikaina izan dute. Beaskoetxea-Lopez eta Barandika-Lekerika arteko azken norgehiagoka zirraragarria izatea espero da, bertokoak baitira finalistetako hiru, eta Beaskoetxea beteranoaren azken txapelketa izango da, gainera. EITBren erakusleihotik jarraitu ahal izango dugu partida zuzen-zuzenean, 12:00etatik aurrera, ETB1en, Euskadi Irratian, Radio Euskadin eta eitb.eus-en.
Telebistako lan-taldea Xabier Euzkitzek, Ane Muruamendiarazek, Jokin Arbek eta Ibon Aldazabalek osatuko dute. Euskadi Irratian Kepa Iribar izango dugu esatari, Aimar Aldazabal adituarekin batera, eta Aritz Gallastegi arituko da elkarrizketak egin eta pilotalekuko giroa jasotzen. Mikel Bilbaok egingo du finalaren kontakizuna Radio Euskadin.
Beste behin, EITB Mediak bere baliabide tekniko eta profesionalak bideratuko ditu kirol emankizun bat baino askoz gehiago eskaintzeko. Antolatzaileekin elkarlanean, pilotalekuaren argiztapena indartu dute, eta hiru telebista kamera kantxa barruan egotea ahalbidetzen duten bunkerrak jarri dituzte, horietako bat txokoan. Horrez gain, beste lau kamera egongo dira pilotalekuan: goiko irudiak eskainiko dituzten bi eta jokoaren irudi geldoa erakutsiko dituzten beste bi. Bestalde, emanaldia aberasteko, pilotariei mikrofonoak jarri zaizkie.
Zesta-puntak Euskal Herrian hasitako ziklo berriaren bultzatzaile eta aliatu bilakatu da EITB Taldea. Nola Gernika-Lumon hala EITBn, astelehen gauak eliteko zesta puntaren gau bilakatu dira, eta horrela izaten jarraituko du, ikuskizunak segida izango baitu hilaren 27an abian jarriko den txapelketa berriarekin: Women Winter Series.
Zure interesekoa izan daiteke
2025-2026ko Eusko Label Winter Serieseko 7. jardunaldiko hiru tanto onenak
Alex Goitiak, Jon Zabalak eta Ludovic Laduchek egin dituzte 2025-2026ko Eusko Label Winter Serieseko 7. jardunaldiko tantorik onenak.
Goitia eta Lekerika: ''Pozik, finalerdietan gaude''
Alex Goitiak eta Unai Lekerikak, astelehenean, Eusko Label Winter Seriesen, garaipena eskuratu dute, Ludovic Laduche eta Jon Zabala aurkari, eta, horrenbestez, txapelketako finalerdietako ligaxkarako sailkatu dira.
Goitia eta Lekerika eta Johan eta Gorka, Eusko Label Winter Serieseko finalerdietako ligaxkara
Alex Goitiak eta Unai Lekerikak Laduche eta Zabala menderatu dituzte, bi jokotan, 15-12 eta 15-14, eta emaitza horrek sailkatzeko aukerarik gabe utzi ditu Erkiaga eta Ibarluzea eta asteleheneko partidan galtzaile atera den bikotea.
2025-2026ko Eusko Label Winter Serieseko 6. jardunaldiko hiru tanto onenak
Jean Olharanek eta Aritz Erkiagak egin dituzte 2025-2026ko Eusko Label Winter Serieseko 6. jardunaldiko tantorik onenak.
Olharanek eta Gorkak bigarren garaipena lortu dute eta Erkiaga eta Ibarluzea ia aukerarik gabe utzi dituzte
Aurrelari bearnotarra eta atzelari lapurtarra nagusi izan dira lehen jokoan (11-15), baina bigarren partzialean bizkaitarrek buelta eman diote egoerari (15-8). Partida hirugarren jokoan erabaki da, non azken hiru tantoak aurrenekoek egin dituzten (4-5).
Gorka Sorozabal: "Oso partida zaila izan da eta zorte pixka bat izan dugu"
Min hartuta dagoen Johan Sorozabal berriro ordezkatu duen Jean Olharanek eta Gorka Sorozabalek osatutako bikoteak hiru jokotan (11-15, 15-8 eta 4-5) irabazi diete Aritz Erkiaga eta Ion Ibarluzeari, azken bi edizioetako txapeldunei, Gernikako Jai Alai pilotalekuan jokatutako Eusko Label Winter Serieseko seigarren jardunaldian.
Erkiaga-Ibarluzea vs Olharan-Gorka Eusko Label Winter Serieseko partidaren azken tantoa
Jean Olharanek eta Gorka Sorozabalek 3 setetan menderatu dituzte Aritz Erkiaga eta Ion Ibarluzea (11-15, 15-8 eta 4-5). Hemen partidako azken tantoa.
Johan Sorozabalek ez du astelehenean Erkiaga eta Ibarluzearen aurkako partida jokatuko
Aurrelari lapurtarrak orkatilako lesiotik osatu gabe jarraitzen du eta Olharanek ordezkatuko du abenduaren 1ean.
2025-2026ko Eusko Label Winter Serieseko 5. jardunaldiko hiru tanto onenak
Xabi Barandikak eta Ekaitz Mendizabalek, 'Goixerrik' egin dituzte 2025-2026ko Eusko Label Winter Serieseko 5. jardunaldiko tantorik onenak.
Eusko Label Winter Series Barandika-Basque vs Goixerri-Manci partidako estatistikak
Txapelketako bosgarren jardunaldian, Xabi Barandikak eta Thibault Basquek Ekaitz Mendizabal "Goixerri" eta Mikel Manci menderatu dituzte, bi jokotan, 15-10 eta 15-6. EITBk partidako estatistikak jaso ditu.