Winter Series txapelketa astelehenean, urriaren 31n, abiatuko da zortzi bikoterekin
Jai Alai Winter Series txapelketa astelehenean, urriaren 31n, hasi eta otsailaren 19an bukatuko da. Orain arte edizio bakarra egin den arren, ospe eta prestigio handia hartu du. Partida guztiak zuzenean eskainiko dituzte eitb.eus-ek eta ETB1ek.
Jaialdi kopurua bikoiztu egin da bigarren edizio honetan, 8 jaialditik 16ra pasatuta. Gainera, txapelketak lau hilabete iraungo du aurten, iaz bi hilabete iraun zuelarik; ondorioz, partida eta telebista bidezko proiekzio gehiago izango du txapelketak, eta pilotari gehiagorentzat aukera.
Winter Seriesek gazteen aldeko apustua egingo du aurten eta 16 izango dira parte hartuko duten puntistak; hau da, iaz baino lau gehiago. Lehenengoz jokatuko dute Thomas Urrutia eta Aimar Aldazabal Winter Series Pro-Am txapelketako irabazleek, gonbidatuak izan diren Johan Sorozabal (Biarritz, 21 urte) eta Julen del Rio (Gasteiz, 25 urte) puntistek, baita Jon Tambourindeguy eta David Minviell Iparraldeko bikoteak. Azken hauek ezagunak dira zesta-punta munduan eta esperientzia handia dute goi-mailako lehiaketetan. Gainerako pilotariak, ezagunak dira: Erkiaga, Zabala, Goikoetxea, Etcheto, Beaskoetxea, Lopez, Barandika, Lekerika, Olharan eta Basque.
Euskal Telebistaren babes sendoa
Proiektu honek Euskal Telebistaren babes osoa du. Partida guztiak eskainiko dituzte ETB1en eta eitb.eus-en, "prime-time" ordutegian. Norgehiagokak astelehenetan jokatuko dira, igandea den otsailaren 19ko finala izan ezik. EITB Mediak bere baliabide tekniko eta profesionalak bideratuko ditu kirol emankizun bat baino askoz gehiago eskaintzeko.
Multzoak eta lehen partida
Puntistak bi multzotan banatuta egongo dira. A multzoa osatuko dute Barandika-Lekerika, Erkiaga-Zabala, Olharan-Basque eta Urrutia-Aimar bikoteek; bestalde, B mulztoan lehiatuko dira Beaskoetxea-López, Goikoetxea-Etcheto, Tambourindeguy-Minvielle eta Johan-Del Rio bikoteak.
Txapelketari hasiera emango dion partida urriaren 31n, astelehenean, jokatuko dute Erkiaga-Zabala eta Barandika-Lekerika bikoteek.
A multzoa:
Barandika - Lekerika
Erkiaga- Zabala
Olharan - Basque
Urrutia – Aimar
B multzoa:
Beaskoetxea -Lopez
Goikoetxea - Etcheto
Tambourindeguy - Minvielle
Johan - Del Rio
2022-2023 Jai Alai Winter Series txapelketako sailkapenak, emaitzak eta egutegia
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.
Gernikako Jai Alai pilotalekuak agur esan dio Imanol Lopez atzelari handiari
Zumaiako atzelariak esan duenez, "uste baino lasaiago" egon da. Hala ere, "eguna arraro samarra" izan dela onartu du. "Oso eskertuta nago, Gernikan hasi nintzen, eta hemen bukatu dut, oso polita da", azpimarratu du. "Pozik nihoa", erantsi du.