Winter Series zesta txapelketaren final handia, eguerdian, ETB1en eta eitb.eus-en
Astelehenero ETB1 zestaren txoko bilakatu duen Jai Alai Winter Series txapelketaren final handia eskainiko da igande eguerdian, zuzenean, ETB1en eta eitb.eus-en. 12:00etan hasita, Goikoetxea-Aimar eta Erkiaga-Zabala bikoteak arituko dira nor baino nor gehiago. Ohiko lantaldeak emango du partidaren berri Gernikako Jai Alai frontoitik: Xabier Euzkitze eta Olatz Foruria kazetariek, eta Antxon eta Rikardo Alberdi pilotari eta zesta adituek.
Halaber, txapelketaren lehen edizioko final handi horretan EITBk Zestalari Onenari Saria banatuko du. EITB hasieratik izan da proiektuaren sustatzaile eta zesta puntan ari diren pilotarien lana ere gailendu nahi izan du Estatu Batuak utzi eta Euskal Herrian hasitako etapa berri honetan.
Winter series txapelketak Euskal Herrian zabaldu duen olatu itxaropentsuaren inguruan, astelehenean
Astelehenean, Jai Alai: Azken hegaldia dokumental saioaren hirugarren eta azken atala eskainiko da ETB1en eta eitb.eus. Aurrekoetan Miamiko Daniako frontoia ixteak euskal pilotaren historian inflexio puntua izan zela ikusi genuen. Orain, berriz, Jai Alaia Winter Series txapelketak Euskal Herriko zesta puntan ekarri duen itxaropen olatuaren isla izango da dokumentala. Astelehen gauero Gernikako frontoia aurreikuspen guztien kontra beteta ikusi dugu. Zesta puntaren bizkunde hau txapelketan zehar ikusi duten protagonista eta eragileen iritziak bilduko ditu saioak: zestalari eta zestalari ohi, antolatzaile, babesle, EITBko arduradun eta hedabide berezitu, besteak beste.
Jai Alai: Azken hegaldia-ren azken atala 22:30ean eskainiko da ETB1en eta eitb.eus-en astelehenean.
Zure interesekoa izan daiteke
Eusko Label Winter Series finaleko jokaldi onenak
Johan Sorozabalen eta Thibault Basqueren garaipenarekin eman zion amaiera Eusko Lanbel Winter Series 2025-2026 txapelketak, otsailaren 15ean, Gernikan. Alex Goitia eta Unai Lekerika garaitu zituzten iparraldekoek final estu baten ondoren.
Giro bikaina Eusko Label Winter Series txapelketako finalean
Zale mordoa bildu da Gernikako Jai Alai pilotalekuan Eusko Label Winter Series txapelketako finalaz gozatzeko.
Johani eta Basqueri Winter Serieseko txapelak eman dizkien azken tantoa
Johanek eta Basquek irabazi dute 2025-2026ko Winter Series txapelketa. Final lehiatua izan da, eta Goitiaren azken tantoko akatsak Iparraldekoei eman dizkie txapelak.
Basque: "Mundu guztiak nahi du irabazi Winter Seriesa, eta oso harro nago"
Johan eta Basque oso pozik agertu dira garaipena eskuratu ostean, eta euren gertukoei eskaini dizkiete txapelak, Barandikari aipamen berezia eginez.
Johan eta Basque, 2025-2026ko Eusko Label Winter Serieseko txapeldunak
Igandean jokatutako finalean, Johan Sorozabalek eta Thibault Basquek Alex Goitia eta Unai Lekerika menderatu dituzte, hiru jokotan: 15-10, 14-15 eta 5-1. Garaipena eskuratu duten puntistek aurreneko aldiz jantzi dute Winter Serieseko txapela.
Zuzenean, 2025-2026ko Winter Series txapelketaren finala: Johan-Basque vs Goitia-Lekerika
Ikusi zuzenean 2025-2026 edizioko Eusko Label Winter Series txapelketaren finala, igande honetan, otsailaren 15ean, 11:30etik aurrera, Gernikako Jai Alaitik.
Barandika: "Final potentea ikusiko dugu"
Xabier Barandikak Winter Serieseko final handirako txartela lortu zuen, baina, finalerdietan min hartuta, ezingo du partidarik garrantzitsuena lehiatu. Nola ikusten du gernikarrak finala?
Alex Goitia: “Txapela lortzeko borrokatu behar dugu, eta etxera txapelarekin joan behar dugu”
Alex Goitiak eta Unai Lekerikabeaskoak Eusko Label Winter Series 2025-2026 txapelketako finala jokatuko dute igandean, otsailaren 15ean, Thibault Basqueren eta Johan Sorozabalen aurka. Partidaren atarian, Goitia eta Lekerekin egon gara eta bertan egotea “egindako lanaren fruitu” dela azaldu digute. Biak ala biak txapela etxera eramateko gogoz daude.
Imanol Lopezek Gernikako Jai Alai frontoian egindako azken tantoak
Imanolek agur esan zion Jai Alai frontoiari, Gernikan bildu ziren zale eta jarraitzaileek omenaldi beroa egin zioten, eta atzelari zumaiarrak horren neurrian jardun zuen. Garaipenik ez, baina horrelako tanto ikusgarriak oparitu zizkigun.
Gernikako Jai Alai pilotalekuak agur esan dio Imanol Lopez atzelari handiari
Zumaiako atzelariak esan duenez, "uste baino lasaiago" egon da. Hala ere, "eguna arraro samarra" izan dela onartu du. "Oso eskertuta nago, Gernikan hasi nintzen, eta hemen bukatu dut, oso polita da", azpimarratu du. "Pozik nihoa", erantsi du.