Salaberriak ez du jokatuko Jakaren aurka, eta ez du Lau t'erdikoaren finalerdietan izateko aukerarik
Iker Salaberriak bertan behera utzi du ostiralean Erik Jakaren aurka Altsasun jokatu behar zuen partida, Lau t'erdikoaren final laurdenetako ligaxkaren bigarren jardunaldian, eskuineko eskua minduta baitu, Aspek asteazken arratsaldean iragarri duenez. Hala, Salaberriak ez du inolako aukerarik txapelketako finalerdietarako sailkatzeko, eta Jakak, aldiz, 22-0 du neurketa irabazita; azken horrek lehen puntua lortu du ligaxkan, A multzoan. Horrez gain, Peio Etxeberria, ostiral gauean Bilboko Deportivon Joseba Ezkurdia txapelduna mendean hartuz gero, finalaurreko horietarako sailkatuko da.
Lehen jardunaldian, Salaberriak 22-9 galdu zuen Ezkurdiaren aurka, Lekunberrin, eta Jakak ere emaitza hori bera egin zuen, Sorian, Peio Etxeberria aurkari. Ostiralean jokatu behar zuten neurketa, hortaz, erabakigarria zen bi pilotarientzat, baina, azkenik, nafarrak eskuinean duen minagatik, ezingo dira nor baino nor gehiago aritu.
Zure interesekoa izan daiteke
2026ko Lau t'erdiko Txapelketaren egutegia eta emaitzak
Altunak Lau t'erdikotik kanpo utzi du ia Laso titanen dueluan (22-13)
Peio Etxeberria Ander Muruari gailendu zaio Tafallan (22-13)
Lau t'erdiko finalerako sarrerak, ostiralean salgai
Ander Murua, Lau t'erdikoaren ustekabeko protagonista: “Lehen mailan presioa handiagoa da"
Zabalak ezustekoa eman du Altuna garaituta (15-22)
Peñak erakustaldia eman du Lasoren aurka (11-22)
Peio Etxeberriak garaipen handi batekin ospatu du urtebetetzea (19-22)
Peña II.ak final-laurdenetarako azken txartela lortu du, erakustaldia eman eta Artola jipoituta (4-22)
