Olaizola II.a eta Albisu kokatu dira sailkapeneko lehen postuan
Aimar Olaizolak eta Jon Ander Albisuk osatzen duten bikotea da 2019ko Binakako Txapelketako liderra, bosgarren jardunaldia bukatu ostean. Lau garaipen lortu dituen bikote bakarra da, jardunaldi honetan Elezkano II.ari eta Rezustari 22-11 irabazita.
Bigarren posturaino igo dira Irribarria eta Zabaleta, irabazi egin baitzuten azken sailkatuak diren Urrutikoetxearen eta Larunberen aurka (22-15). Hirugarren postuan dagoen bikotea da Artolak eta Mariezkurrenak osatzen dutena, jardunaldia ixten zuen partidan garaipena eskuratuta Altunaren eta Martijaren aurka, 22-17ko emaitzarekin. Elezkano II.a eta Rezusta, laugarren posturaino jaitsi dira sailkapenean. Irribarria-Zabaleta, Artola-Mariezkurrena eta Elezkano II.a-Rezusta bikoteek hiruna garaipen dituzte poltsikoan.
Bina garaipenekin berdinduta daude, Ezkurdia eta Galarza bosgarren postuan, Bengoetxea-Imaz bikotearen aurka galdu baitzuten (22-18), Altuna eta Martija seigarren dira, eta, Bengoetxea eta Imaz zazpigarren. Azken postuan jarraitzen dute Urrutikoetxeak eta Aretxabaletak (azken jardunaldietan Larunbek jokatu du Urrutirekin) bost jardunalditan garaipen bakarra eskuratuta.
Horrela dago 2019ko Binakako Txapelketako sailkapena, 5 jardunaldi jokatu ostean:
| BIKOTEAK | IRABAZITA | TANTOAK ALDE | TANTOAK KONTRA | ALDEA | |
| 1 | Olaizola II.a - Albisu | 4 | 101 | 89 | 22 |
| 2 | Irribarria - Zabaleta | 3 | 93 | 80 | 13 |
| 3 | Artola - Mariezkurrena II.a | 3 | 92 | 88 | 4 |
| 4 | Elezkano II.a - Rezusta | 3 | 92 | 100 | -8 |
| 5 | Ezkurdia - Galarza | 2 | 87 | 87 | 0 |
| 6 | Altuna III.a - Martija | 2 | 98 | 104 | -6 |
| 7 | Bengoetxea VI.a - Imaz | 2 | 86 | 94 | -8 |
| 8 | Urrutikoetxea - Aretxabaleta | 1 | 81 | 108 | -27 |
Zure interesekoa izan daiteke
Lehen jardunaldiko irabazleek neurtuko dituzte indarrak igandean
Igandean, martxoak 8, Altuna eta Ezkurdia Laso eta Albisuren aurka lehiatuko dira Binakako Txapelketako finalerdietako bigarren jardunaldian, Gasteizen. Partida horretarako materiala aukeratu dute dagoeneko.
Elordi-Zabaleta eta Jaka-Iztueta bikoteek materiala hautatu dute finalerdietako bigarren jardunaldiko neurketari begira
Larunbatean, Donostiako Atano III.a pilotalekuan, lehen jardunaldiko bi bikote galtzaileek neurtuko dituzte elkarren indarrak. Jakak eta Iztuetak Laso-Albisu aurtengo bikote onenaren aurka galdu zuten; Elordik eta Zabaletak, Altuna eta Ezkurdiaren kontra.
Lasok eta Albisuk lider jarraitzen dute
Zaila egiten ari zaie gainontzeko pilotariei Laso eta Albisu garaitzea. Lider izan ziren lehen fasean eta berdin jarraitzen dute bigarrenean. Hori gutxi ez eta finalaurrekoen ligaxkan sendo hasi dira biak. Altuna eta Ezkurdiak berriz, 5 partidu irabazi dituzte jarraian.
2025-2026ko Binakako Txapelketako sailkapenak, emaitzak eta egutegia
Hasierako ligak 14 jardunaldi izango ditu. Ondoren, play-offa jokatuko dute hirugarren eta seigarren postuen artean sailkatutako bikoteek. Finalerdietako ligaxka izango da gero, eta, azkenik, finala, martxoaren 29an.
Lasok eta Albisuk geldiezin jarraitzen dute: 13-22 menderatu dituzte Jaka eta Iztueta
Lasok eta Albisuk 13-22 garaitu dituzte Jaka eta Iztueta finalerdietako ligaxkako lehen jardunaldian. Garaipen honekin, ligaxkako liderrek pauso polita eman dute finalera bidean.
Altunak eta Ezkurdiak garaipena lortu dute Elordiren eta Zabaletaren aurka (22-16)
Altunak eta Ezkurdiak finalerdietako ligaxkako lehen partidan 22-16 garaitu dituzte Elordi eta Zabaleta. 9-9 berdindu ostean, gorriek partida hautsi eta markagailuan ihes egin dute.
Igandeko partidarako materiala aukeratu dute Laso-Albisu eta Jaka-Iztueta bikoteek
Igande honetan Laso-Albisu eta Jaka-Iztueta bikoteek jokatuko duten Eskuz Binakako Txapelketako finalaurrekoetako partidarako pilotak hautatzeko hitzordua izan dute asteazken goizean. Partidari begira nola sentitzen diren ere adierazi dute hedabideen aurrean.
Binakako Txapelketako finalaurrekoak abiatuko dira asteburuan, Altuna-Ezkurdia vs Elordi-Zabaleta partidarekin
Ezkurdia ondoezik, gainerako hiru pilotariek hartu dute parte astearte goizean Donostian egindako pilota-aukeraketan. Hala, Altunak, Elordik eta Zabaletak hautatu dute asteburuan erabiliko duten materiala. Emaitza- zein joko-bolada onean iritsiko dira hitzordura.
Jakak eta Iztuetak finalerdietarako azken txartela eskuratu dute, Zabala eta Martija 22-10 garaituta
Jakak eta Iztuetak 22-10 garaitu dituzte Zabala eta Martija Binakako Txapelketako play-offetan. Garaipen horri esker, finalerdietan izango dira, Laso-Albisu, Elordi-Zabaleta eta Altuna-Ezkurdia bikoteekin batera.
Jakak eta Iztuetak Larrazabal eta Landa garaitu dituzte (22-15), eta finalerdietako txartela izango dute jokoan igandean
Jakak eta Iztuetak 22-15 menderatu dituzte Larrazabal eta Landa Binakako Txapelketako play-offean. Garaipen horri esker, igandean Zabalaren eta Martijaren aurka neurtuko dituzte indarrak, eta bikote irabazleak finalerdietarako txartela eskuratuko du.