Ezkurdiak, Altunak, Olaizolak eta Urrutikoetxeak pilotari elkarte bat bultzatuko dute
Joseba Ezkurdia eta Jokin Altuna (Aspe) eta Mikel Urrutikoetxea eta Aimar Olaizola (Baiko) pilotariek aurrerapauso bat egitea erabaki dute, "gaur egun pilota profesionalak eta lehiaketek bizi duten egoera ikusita". Besteak beste, "pilotari elkarte bat" sortzeko asmoa plazaratu dute, "arazo honi guztiari ahalik eta lasterren irtenbidea bilatzeko", lau pilotariek sinatutako idatzi baten arabera.
Horrenbestez, etorkizuneko elkarte horren buru aipatu lau pilotariak egongo lirateke, eta euren asmoa da elkartea "EPELeko pilotarientzat eta bi enpresentzat (Aspe eta Baiko) zabalik egotea". Hori dela eta, bi enpresetako pilotariei bat egiteko aukera eskaini diete, eta "48 orduko epea" eman diete euretako edozeini erantzuna jakinarazteko.
Ezkurdiak, Altunak, Urrutikoetxeak eta Olaizolak elkarte horren bidez negoziatu nahi dituzte "esku pilota profesionalaren sektorean etorkizunean sor daitezkeen puntu garrantzitsuak".
Oharrean jakitera eman dutenez, dagoeneko bildu dira bai Esku Pilota Enpresen Ligarekin, Asperekin eta Baikorekin, euren asmoaren berri eman eta "zenbait punturi buruzko planteamendua" egiteko. Tartean, "duela gutxi kontratuak berritu ez zituzten pilotariekin negoziatzen hastea" eskatu diete, eta enpresek "horietako batzuekin hitz egiten hastea" onartu dute. Horrez gain, Buruz Buruko Txapelketaren hasiera "astebetez" atzeratzeko aukera ere mahaigaineratu dute, eta EPELeren oniritzia jaso dute.
Ez dira planteatu dituzten gai bakarrak, baina gainerakoak "datozen egunetan" lantzen joango direla zehaztu dute.
"Espero dezagun gaur ematen hasi garen urrats honek esku-pilota profesionala eta oro har pilota bizitzen ari den egoera hobetzea, eta normaltasuna lehenbailehen lortzea" esanez bukatu dute Ezkurdiak, Altunak, Urrutikoetxeak eta Olaizolak euren idatzia.
Zure interesekoa izan daiteke
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Zabalak gogotik borrokatu behar izan du Larrazabal menderatzeko (22-17)
Bilboko Deportivon jokatutako partidan, Javier Zabalak lan handia egin behar izan du Iker Larrazabal mendean hartzeko (22-17). Garaipen horri esker, errioxarra Buruz Buruko finalerdietako ligaxkako B multzoko lider jarri da, bi garaipenekin. Azken jardunaldian, beraz, Zabalak Artolaren aurka jokatuko du; Larrazabalek, berriz, Peña II.aren aurka neurtuko ditu indarrak.
Artolak markagailua irauli eta Peña mendean hartu du (22-19)
Iñaki Artola larri ibili bada ere, partida irauli eta Jon Ander Peña garaitu du Buruz Buruko final-laurdenetako ligaxkako bigarren jardunaldian (22-19). Garaipen horri esker, Artolak azken jardunaldian jokatuko du Zabalaren aurka; Peñak, berriz, oso zaila du aurrera egitea.
Hego Euskal Herriko hiru pilotari trinketeko Binakako finalean, Historian lehenengoz
Igande honetan, apirilaren 26an, jokatuko da finala Baionako Moderno trinketean. Espinal nafarra eta Ducassou lapurtarra faborito dira Ziarrusta eta Ugarte bizkaitarren aurrean. Finala zuzenean jarraitu ahal izango da ETB1en, ETB2 ONen eta eitbkirolak.eus-en.
Laso nagusi izan da Jakaren aurka (8-22)
Unai Lasok erraz garaitu du Erik Jaka Ogetan jokatutako Buruz Buruko final-laurdenetako ligaxkako bigarren jardunaldian (8-22). Garaipen horri esker, bi aste barru Darioren aurka jokatuko du, eta finalerdietarako txartela izango dute jokoan.
Zabalak partida irauli eta garaipena eskuratu du (17-22)
Labriten jokatutako partidan Zabalak Peña menderatu du (17-22). Peñak bost tantoren faltan bosteko abantaila zuen arren, Zabalak ez dio handik aurrera tanto bakar bat ere egiten utzi; neurketa irauli eta puntua eskuratu du.
Dariok sendo garaitu du Jaka (10-22)
Dario Gomezek 10-22 garaitu du Erik Jaka Buruz Buruko A multzoko partidan. Aspeko pilotariak hasieratik bideratu du partida, eta zailtasun nabarmenik gabe lortu du txapelketako lehen puntua.
Altunak Binakakoaren errebantxa hartu du Lasoren aurka (22-16)
Jokin Altunak 22-16 garaitu du Unai Laso Buruz Buruko A multzoko lehen partidan. Atzetik hasi arren, buelta eman dio markagailuari, garaipen sendoa lortzeko. Hala, amezketarrak Binakako finalaren errebantxa hartu du.
Larrazabalek Artola garaitu du partida oso gogorrean (17-22)
Iker Larrazabalek 2026ko Buruz Buruko lehen puntua lortu du Iñaki Artola 17-22 garaituta. Larrazabal aurretik joan da une oro markagailuan, baina sendotasunez aritu behar izan du garaipena lortzeko.
Buruz Buruko Txapelketa, final-laurdenetara begira
Erik Jaka izan da asteburu honetako Buruz Buruko Txapelketako azken jardunaldiko protagonistetako bat, partida amaieran Ezkurdiaren aurka markagailua irauli ondoren.