Baiko enpresak Pilotabizi Pilotazaleen Elkarteari zuzendutako oharra kaleratu du
Azken aldian bizi den aferaren inguruan, Baikok Pilotabizi elkarteari erantzun dio ohar baten bidez.
Pilotabizi pilotarien elkartea publikoki batzuen alde agertu izana deitoratu du Baikok. Era berean, Baikok gogoratu du enpresan jarraitzen ez duten pilotariek euren kabuz erabaki dutela enpresa uztea, egindako eskaintzari uko egin ostean.
Eusko Jaurlaritzak esan du Baiko enpresa pribatua dela eta, beraz, ez dela afera horretan sartuko.
AGIRI OSOA
"Baiko Pilotak honako hau adierazi nahi dizue: Pilotabizi Pilotazaleen Elkarteari,
1. Baiko Pilotak deitoratu egiten du Pilotabizi Pilotarien Elkarteak publikoki batzuen alde agertu eta jokatzea, gure erakundeko norbaitekin harremanetan jarri ere egin gabe eta aldez aurretik gertaeren gure bertsioa ezagutu gabe. Nekez izan daiteke edozein gai edo eztabaidari buruzko iritzi arrazoitu eta justurik jokoan dauden alderdien bertsio desberdinak modu fidagarrian ezagutu gabe.
2. Zentzu horretan, Baiko Pilotak uste du zuek darabilzuen gertakarien bertsioak hasierako akats larria duela: zuen idatzian aipatzen dituzuen pilotari gehienak gaur egun Baiko Pilotako plantillakoak ez izatea ez da enpresaren erabakiz izan, baizik eta pilotarien erabakiz; izan ere, ekonomikoki nahikoak ez direlakoan atzera bota dituzten berritze-eskaintzak izan dituzte eskuetan, eta hori bizi dugun krisi ekonomiko larriaren testuingurua kontuan izan gabe.
3. Pilota profesionala, oro har, eta Baiko Pilota, bereziki, pandemiak eragindako krisi ekonomikoaren ondorioak pairatzen ari dira, bere etorkizun hurbila arriskuan jartzeraino. Hala ere, Baiko Pilotak sinatutako kontratuei erantzuten jarraitzen du, langileekiko soldata-betebeharrak betetzen ditu eta ez du kaleratzerik egin. Era berean, dagozkion zergak ordaintzen ditu, eta horietatik zati bat eskola pilota edo pilota afizionatua garatzeko diru-laguntza gisa itzuliko delakoan gaude. Eta hori guztia, orain arte diru-laguntzarik jaso gabe.
4. Mundu mailako kirol profesional guztiak, baita pilota profesionala ere, kirolarien plantillen txandatze-sisteman oinarritzen dira, atsegin ala ez. Hau da, pilota eskoletako pilotari gazteek profesional gisa debuta egin ahal izateko, beste pilotari batzuk utzi behar dute tokia, euren erabakiz, kirol ikuskizunaren behar izanengatik edo adinagatik, erakundeetan hala erabakitzen bada. Hala izan da eta hala izango da aurrerantzean ere, munduko edozein lekutako kirol profesionalari lotuta baitago. Honen harira, afizionatu mailako klubetako pilotari gazteak gure teknikariekin lanean ari dira maila profesionalera jauzi egin ahal izateko.
5. Baiko Pilotak zuen idatzian erakutsi duzuen interesa eskertu nahi du, baina gogorarazi nahi dizue hizpide dugun gaia lan-arlokoa dela eta legearen arabera ebatzi behar dela, enpresaren barne-eremuaren barruan eta enpresak lehendik dituen elkarrizketa-bideen bitartez, eta, jakina, kanpo-interferentzien presioak alde batera utzita.
6. Amaitzeko, Baiko Pilotak azpimarratu nahi dizue, dagoeneko ezagutzen duzuen arren, asko direla denboraldian zehar pilotako klub, eskola eta federazioekin egiten dituen ekintzak. Adibidez: pilotak banatzea, partidetarako sarrerak oparitzea, pilota egunak eta jaialdiak antolatzea, pilotariak promozio ekitaldietara joatea, etab.
Nahi duenak, beti aurkituko gaitu euskal pilota sustatzeko eta bultzatzeko bidean".
Zure interesekoa izan daiteke
2026ko Buruz Buruko Txapelketako sailkapenak, emaitzak eta egutegia
2026ko Buruz Buruko Txapelketa apirilaren 3an hasiko da, eta maiatzaren 31n bukatu. Finala Nafarroa Arenak hartuko du.
Laso nagusitasun osoz gailendu da Jakaren aurka (8-22)
Unai Lasok erraz garaitu du Erik Jaka Ogetan jokatutako Buruz Buruko final-laurdenetako ligaxkako bigarren jardunaldian (8-22). Garaipen horri esker, bi aste barru Darioren aurka jokatuko du, eta finalerdietarako txartela izango dute jokoan.
Peña oso haserre: “Epaile batzuek ez dute merezi dauden tokian egotea"
Jon Ander peñaren adierazpenak Javi Zabalaren aurka galdu ostean (17-22). Partidan zehar, epaileek bi atxiki adierazi dizkiote: bata 10-10ekoan eta bestea 17-13koan.
Zabalak partida irauli eta garaipena eskuratu du (17-22)
Labriten jokatutako partidan Zabalak Peña menderatu du (17-22). Peñak bost tantoren faltan bosteko abantaila zuen arren, Zabalak ez dio handik aurrera tanto bakar bat ere egiten utzi; neurketa irauli eta puntua eskuratu du.
Finalerdietarako material aukeraketa egin dute
Berria Txapelketako finalerako txartelak banatuko dira larunbat honetan. Gazteak egungo izarrekin nahasten dituzte txapelketa honetan. Ezkurra II-Goikoetxea VI vs. Martxipe-Barrenetxea IV eta Arluziaga-Azpiroz vs. Segurola-Aldabe partidetarako material aukeraketa egin dute gaur.
Mariatxi talde batek, Imanol Lopezi, haren agurrean: “Erregea izaten jarraitzen dut”
Aitzuri pilotalekuan, Zumaian, Imanol Lopezek, zesta-punta profesionala utzita, eguneko protagonista nagusiak oparia jaso du: mariatxi talde batek El rey kanta eskaini dio, eta berak ere abestu du, osorik.
Imanol Lopez, hunkituta, bere agurrean: “Jarrai dezala kirol polit honen olatuak, merezi du eta"
Zumaiako atzelaria eskerturik agertu da: "Eskerrak guztiei, bihotzez, une honengatik, batez ere nire familiari". "Kirol honetan hainbeste urtez aritzea, niretzat, harro egoteko modukoa da", gaineratu du agurreko hitzaldian.
Imanol Lopez: “Poza sentitzen dut, asko disfrutatu dut, oso pozik nago”
Imanol Lopezek 2026ko Zumaia Jai Alai Master Seriesen esan dio agur pilota munduko haren ibilbide profesionalari, Aitzuri pilotalekuan, herriko jaietan, eta, gainera, azken txapela bat janztea lortu du; izan ere, Aritz Erkiagarekin batera, Jean Olharan eta Unai Lekerika aurkari, garaipena eskuratu du.
Imanol Lopez, Erkiaga lagun, txapeldun izan da bere agurrean
Erkiagak eta Lopezek bi jokotan (15-12 eta 15-10) irabazi diete finala Olharani eta Lekerikari, atzelari zumaiar handiaren azken neurketan. Emakumezkoen finalean, Elaia eta Frida nagusitu dira, hiru jokotan (15-9, 11-15 eta 5-2).
Dariok sendo garaitu du Jaka (10-22)
Dario Gomezek 10-22 garaitu du Erik Jaka Buruz Buruko A multzoko partidan. Aspeko pilotariak hasieratik bideratu du partida, eta zailtasun nabarmenik gabe lortu du txapelketako lehen puntua.