Albiste da:

Gorka Ugartemendia atzelariak debuta egingo du Baikorekin, apirilean

20 urteko alkizarrak bi urtez sinatu du. Aimar Olaizola Baikoko kirol arduradunaren iritziz, gora egin du azken hilabeteetan, eta eskuin "berezia" du.

Ugartemendiak apirilean egingo du debuta. Argazkia: Baiko Pilota.

EITB

2023/02/24 - 22:02

Azken eguneratzea

2023/03/24 - 12:16

Gorka Ugartemendia atzelariak (20 urte) bi urtez sinatu du Baiko Pilotarekin, eta apirilaren 10ean egingo du debuta, Tolosako Beotibar frontoian, Baikok jakitera eman duenez. Debuteko neurketan, Unai Laso izango du bikotekide, eta Peña II-Iztueta bikotea aurkari.

Alkizarra, Aimar Olaizola Baikoko kirol arduradunaren iritziz, "pilotari oso langilea da, eta azken hilabeteetan gora egin du; ezker ona badu ere, eskuma berezia du", adierazi du Olaizolak.

Tolosa Aurrera Pilota Elkartean hazitako pilotaria, afizionatuetan, promesa mailan eta elite mailan irabazi du Ugartemendiak Bankoa ABANCA - DV Torneoa; Antiguako Pilota Txapelketa ere irabazi du, eta Liga Vascako txapela jantzi.