Panpi Ladutxe pilotari ohia hil da
Panpi Ladutxe (Azkaine, 1955) pilotari ohia hil da, 66 urte zituela, Xabier Euzkitze ETBko kazetariak eman du heriotzaren berri Twitter bidez asteazken honetan.
Trinketean aritu zen bere lehen urteetan, eta 1974an, 19 urte zituela, munduko txapeldun izatera iritsi zen modalitate horretan, Montevideon (Uruguai) jokatutako Munduko Txapelketan.
Gerora, 26 urterekin, ezker hormako txapelketetara egin zuen jauzi aurrelari gisa, eta, arlo horretan, Binakako bi txapelketa bereganatu zituen (1987an eta 1989an), bietan Joxean Tolosa atzelariarekin bikotea osatuz. 1988an ere gertu izan zuen txapela, baina Martinikorenarekin batera amore eman behar izan zuen Retegi II.aren eta Errandonearen aurrean (22-16).
1994an utzi zion pilotan aritzeari; dena dela, ez zen kantxetatik aldendu, Sebastien Gonzalez eta Yves Salaberri "Xala" pilotarien botilero lanetan jardun baitzuen.
Pilotan aritzeaz gain, abeslari gisa ere jardun zuen, eta, hala, hiru disko argitaratu zituen: "Aitari" (1995) eta "Chansons du Pays Basque" (2002) eta "Orhoit" (2012).
ETBn aurkezle zereginetan ere ibili zen, Iparraldeko kirolei buruzko Gure Kintzea saioko gidaria izan baitzen.
"Sei argazkitan"ek saio berezia eskaini zion
ETB1eko "Sei argazkitan" saioak programa berezia eskaini zion 2014an, eta, bertan, haren gaztetako argazkiak ikusteaz gain, bere ibilbideko hainbat une bereziri buruz aritu zen solasean Pedro Mari Goikoetxea kazetariarekin.
Zure interesekoa izan daiteke
Bixente-Oyhenard eta Erika-Laura, Donostiako Grand Slameko txapeldun
Bixente eta Oyhenard bihurtu dira Donostiako Grand Slameko txpaledun. Argoitiak belaunean min hartu du bigarren setean 13-13 emaitzarekin, eta ezin izan du finala bukatu Txanikarekin batera, Karmelo Balda pilotalekuan. Lehen seta 4-15 irabazia zuten Bixente eta Oyhenardek. Emakumezoen modalitatean, berriz, Erika eta Laurak irabazi dute finala bi setetan (7-15 eta 4-15) Lur eta Alizeren aurka.
Argoitiak belauna bihurritu du eta ezin izan du jokatzen jarraitu
Donostiako Grand Slameko finalean, bigarren setean 13-13 berdinduta zeudela, Ortzi Aldazabal 'Argoitia'k estropezu egin eta belauna bihurritu du. Atzelariak ezin izan du jokatzen jarraitu, eta Bixente-Oyhenard bikoteari eman diote garaipena.
Barandikak galdu egin du berragerpenean, Mungiako Master Series txapelketan, lesio luzea atzean utzita
Ukondoan izandako lesio larriaren ondorioz ia 5 hilabete kantxetatik kanpo eman ostean, Gernikako aurrelariak berriro jokatu du ostiral arratsaldean. Berragerpena Mungian egin du, Zabalarekin batera, Goixerri eta Lekerikaren aurka, eta bi jokotan galdu dute: 9-15 eta 14-15.
Txanika-Argoitia eta Bixente-Oihenard bikoteak, Donostiako Grand Slamaren finalerako prest
Karmelo Balda pilotalekuan jokatuko den finala zuzenean eskainiko dute ETBk eta kirolakeitb.eusek, 17:00etan hasita. Lehen fasean multzo berean izan ziren bi bikoteak, eta orduan Txanika eta Argoitia nagusitu ziren.
Ansa II-Zubiri eta Goikoetxea V-Juanenea bikoteek aukeratu dute play-offerako materiala
Datorren astelehenean jokatuko da “Erremontari” txapelketako finalerdietara sartzeko play-offa. Ansa II-Zubiri eta Goikoetxea V-Juanenea bikoteetako batek lortuko du txartela, gaur egin dute material aukeraketa.
“Erremontari” txapelketaren 5. jardunaldiko hiru tanto onenak
Beñat Segurolak, Endika Barrenetxeak eta Imanol Ansak egin dituzte “Erremontari” txapelketako bosgarren jardunaldiko tanto onenak. Gozatu!
Markina-Xemeingo Grand Slama igande honetan hasi eta uztailaren 16an bukatuko da
Gainerako jardunaldiak ostiralez jokatuko dira, 19:00etatik aurrera. Gizonezkoetan, sei bikote lehiatuko dira, bi multzotan: Erkiaga-Atain, Barandika-Ibarluzea, Urreisti-Gorka, Goitia-Basque, Johan-Zabala, eta Javier-Argoitia vs Txanika-Salegi kanporaketaren irabazlea. Emakumezkoen Master Seriesen, lau bikotek bilatuko dute txapela: Erika-Frida, Elaia-Arain, Lur-Alize eta Helena-Maia.
Aldabek eta Barrenetxeak garaipena eta finalerako txartela lortu dute; Segurola eta Larrañaga, aldiz, txapelketatik at geratu dira
Ansak eta Zubirik Segurola eta Larrañaga hartu dituzte mendean, hiru jokotan (15-12, 14-15 eta 8-6), ligaxkaren bosgarren eta azken jardunaldian. Bigarren neurketan, Aldabek eta Barrenetxeak Goikoetxeari eta Juaneneari irabazi diete bi jokotan (6-15 eta 13-15).
Kemen Aldabe: “Finalean gaude, oso pozik, baina kosta egiten zait horrelako partidetan kontzentratzea”
Aldabek eta Barrenetxea IV.ak bi jokotan irabazi diete Goikoetxea V.ari eta Juaneneari (6-15 eta 13-15). Garaipen honi esker, egungo txapeldunak finalean sartu dira berriro.
Imanol Ansa: “Bigarren postuak ihes egin digu; play-offetan gerra ematen jarraitzeko asmoa daukagu”
Imanol Ansak eta Aritz Zubirik hiru jokotan garaitu die Beñat Segurolari eta Iban Larrañagari (15-12, 14-15 eta 8-6). Garaipen honekin “Erremontari” txapelketako hirugarren eta laugarren postuak erabakiko dituzten play-offetan sartu dira Ansa II eta Zubiri.